الحلقة العاشرة
رجل غريب ولكنه رجل الأحلام
على قد ما أحمد زي أي ظابط كان شديد في شغله وشخصيته قوية إلا إنه كان رومانسي جدا ودا بان طبعا قبل كدا ولكنه كان بيبان أكتر في شخصيته ع الفيس بوك
لكن بعد كدا عرفت صدر التناقض الجميل دا
في يوم كنا خارجين
واتكلمت معاه
أنا:هو انت ليه بقيت ظابط ؟؟
هو:مش عارف .....انا اصلا ماكنتش عايز ادخلها
أنا:أومال كنت عايز تدخل ايه ؟؟؟
هو:كنت عايز ادخل آداب ...كنت عايز أبقى كاتب ...بحب الأدب والقراءة ..لكن أيامها كنت جايب مجموع كبير وبابا مارداش ادخلها وقالي اختار كلية حلوة فدخلت شرطة؟؟
أنا:وحبيت شرطة؟؟
هو:جدا....شعور الأمان دا شعور لايقدر بثمن ...لما تحس بيه بتملك الدنيا ...تخيلي بقى انك بتحسسي بيه غيرك...كام دنيا هتملكيها ؟؟
أنا كنت معجبة جدا جدا بشخصيته وبكلامه اللي بيسحرني كل مرة
أنا:وماعدتش بتكتب ؟؟
هو:لأ شخصية الكاتب مني ماعدتش موجودة وماعدش ليا نفس ارجعلها ..مابتظهرش بس غير ع الفيس واللي ماحدش يعرف انه بتاع ظابط واللي بتبقى ززيارتي ليه شبه شهرية ...
أنا:بس انت بتكتب حلو ...يعني قرأتلك حاجات ع الفيس ..فليه تنسي حكاية الكاتب ؟؟؟ هو:عارفة يانور الخواطر دي عاملة زي زيارة حنين لشخصية كنت عايزها وبعد ما بخلص زيارتي بمشي .....بتبصيلي كدا ليه ؟؟؟
أنا:معجبة ..
هو:بيا ؟؟
أنا:لا ..بكلامك
أحمد:ههههههههههه ماشي يادكتورة ...قوليلي بقى ايه اللي دخلك صيدلة ؟؟
أنا:والله انا داخلها تقضية واجب ...انا كنت عايز ادخل المعهد العالي للسينما ومجموعي كان كبير فهما ماوفقوش
أحمد:تمثيل؟؟
أنا -_-:معهد السينما مافيهوش قسم تمثيل ...اخرااااااااااااااااج
أحمد:انتي بتحبي الإخراج ؟؟؟
أنا:اها ..بحب اعمل أفلام ..هو انا لسه ماعملتش ولا فيلم ولكن إن شاء الله يعني ...وعشان بحب الأفلام والتليفزيون ...بحس اني أنا ومش حد تاني لما بتفرج على حاجة بحبها بحس اني في دنيا تانية ...انا حتى باخد ثقافتي ومعلوماتي منه ...
بكون أكثر رومانسية معاه ..أكثر قوة ...أكثر سعادة..حتى أكثر إيمانا وتدينا ...ماعرفش ازاي ولا ليه ...بس اعرف انه اول حاجة ماابقاش مترددة في اختيارها واتمسك بيها بالشكل دا
هو:وليه ماعملتيش فيلم لغاية دلوقتي ؟؟
أنا:اممممممممم عشان دايما بقول بكرة ...بكرة هاعرف ..بكرة هأقرأ ..بكرة هتعلم ..
بكرة هاعمل ..ومابعملش
هو:يعني دا حلمك؟؟
أنا:حلمي أكون أول مخرجة عربية تاخد الأوسكار
أحمد:خلاص...أومي
أنا:نروح فين ؟؟
أحمد:أومي بس ...
ومشيت معاه وفي الطريق سألته
أنا:أحمد؟؟
هو:ياعيون أحمد
أنا:احم...كنت عايزة اعرف ازاي قدرت تغنيلي الأغنية قدام الناس كلها
هو:ههههههههههههههه شوفي ياسيدتي لما كنت بتفرج ع التليفزيون ..دا لما كنت يعني ..واتفرج على فيلم هندي وأشوف جرأتهم في التعبير عن حبهم بطريقة أو بأخري ..قولت في نفسي ايه اللي بيخليهم يعملو كدا ..وازاي بيقدروا يعملو كدا ؟؟وبما إني ما عرفتش الجواب..فقولت لما أحب هأعمل كدا وهأعرف
أنا:وإيه بقى السبب ؟؟
هو:لما تكون مع حد بتحبه ...مابتشفش في اللي حواليك غيره ...بس ..فأنا ماكنتش شايف غيرك ...ماكنتش حاسس إن فيه حد تاني ..اعمل حسابه غير ربنا ...
..وصلنا
أنا:فين؟؟
هو:يلا نقي...
انا:نعم؟؟
هو:نقي...
أنا:انقي ايه؟؟
هو:نقي كاميرا
أنا:بتهزر
هو:يلا....
أنا:بس..
هو:من غير بس ...اختاري ...اكيد عارفة الكاميرا اللي عايزاها .!!؟
أنا:أه
هو:طب يلا اختاري عايزة اطلب منك طلب
أنا:إيه هو؟؟
هو:اختاري الأول وأقولك
واخترت أول كاميرا ليا واشتراها لي الغالي صاحب قلبي............... أحمد
أحمد:ههههههههههه
أنا:بتضحك على إيه ؟؟
هو:حاس انك طفل جبتله لعبة ...فرحانة ؟؟
أنا:بتظهر؟؟ انا هطير م الفرح ...اه صح ماقولتش ايه طلبك ؟؟
هو:امممم..سيبك من الطلب دا..وخدي الطلب دا...
انا:وإيه هو؟؟
هو:قوليلي كل أحلامك
أنا:ليه؟؟
هو:عشان اساعدك تحقيقها ...
أنا:هتساعدني بس؟؟
هو:حلمك..انتي اللي تحققيه...وانا جنبك
أنا:طب ممكن انا بقى اطلب منك طلب؟؟
هو:سيدتي تؤمر
أنا:اكتبلي فيلم
هو:نعم؟؟!1
أنا:انا مش عايزاك تساعدني ابدأ حلمي وبس انا عايزاك تكون معايا فيه ..على الأقل في حلم الأوسكار خلينا نحققه مع بعض ...اكتبلي فيلم وانا اخرجه ..وخد وقتك
أحمد:انا اعمل أي حاجة عشانك ..حاضر
أنا:يحضرلك الطيب ياحبيبي
هو:إيه؟؟
أنا:إيه إيه؟؟
أحمد:إيه أخر كلمة ؟؟
أناباستهبال:يحضرلك الطيب؟؟
اهو:لا اللي بعديها
أنا:وهو انا قولت حاجة تانية ؟؟
هو:اه قولتي
أنا:قولتي ايه؟؟
هو:قولت ياحبيبي
أنا:ياعيني ياأحمد ...انت سخن ؟؟ شكلك بدأت تهلوس
احمد:لا انا سليم وسمعت صح
أنا:كلها طموحات وأماني
أحمد:ماشي ياكبير...مش هنروح
أنا:زعلت ؟؟
هو:ماأزعلش منك أبدا
أنا:طب...بحبك
هو:يااااااااااااااااااااااااه ياه يامفترية أخيرا قولتيها ..شهر وانا خاطبك ومستنيها
أنا:احمد ربنا بقى واتكل على الله روح
أحمد:اروح ايه بقى ...انا قاعد للصبح ..
هههههههههههههههههه وفضلنا نضحك ونتكلم ونعرف بعض اكتر واكتر
أحمد:هسألك بقى سؤال جوهري ...انتي حابة اني ظابط؟؟
أنا:يمكن ..البدلة الميري برده ليها رونق كدا ...
أحمد:مش خايفة؟؟
أنا:منك...لأ أكيد ..بس عليك
هو:من شغلي ؟؟
أنا:من كل حاجة ....خايفة توحشني
هو:انتي بقى مش بتوحشيني
انا:أكيد ما أنا دايما في قلبك
أحمد:لا طبعا انا مابصدق اخلص منك
انا:بقى كدا..طب انا ماشية
أحمد:لالالا خلاص ..ماتعرفيش انك نور عيني ولا إيه؟؟
أنا:أيوة كدا اتعدل ...
كنت دايما بقول لنفسي مش معقول هتحبي واحد وتتحبي بيه ..وتلاقي كلام تقوليه معاه ...مش معقول تحبي واحد مجنون يعمل حاجات زي الأفلام ويقولك بحبك قدام الناس ..
كان إيماني بالحب المختلف متزعزع ..وفاقد للامل ...كنت بس بحلم بالكلام دا وأقول دا رجل الأحلام اللي بس بيبقى في الأحلام
لكن لما جه أحمد ..الحياة اتغيرت ..إيماني بقى أقوي وأملي ثبت
كل الأيام كانت بتبان حلوة معاه ..بحب كل حاجة فيه ..هزاره وهو باله رايق وشكله لما يضايق ...
بحب الحاجات المجنونة اللي بيطلع بيها ويخليني اعملها معاه ...بحبه
بقى فعلا رجل الأحلام..واللي اتغير مفهومي عنه ...
رجل الأحلام مش الرجل صاحب المواصفات القياسية واللي نعيش وياه للأبد ..مش أمير سيندريلا
رجل الأحلام هو اللي بيحقق أحلامي حتى لو كانت صغيرة بتفضل أحلام ..وبيفضل رجل الأحلام
بيفضل أحمد
(وهى العين بعد ماشوفتك..قولي عايزة تنام ليه ..؟؟ هى الاحلام هتوريني أجمل من حبك إيه؟؟)
نورهان لاشين
رجل غريب ولكنه رجل الأحلام
على قد ما أحمد زي أي ظابط كان شديد في شغله وشخصيته قوية إلا إنه كان رومانسي جدا ودا بان طبعا قبل كدا ولكنه كان بيبان أكتر في شخصيته ع الفيس بوك
لكن بعد كدا عرفت صدر التناقض الجميل دا
في يوم كنا خارجين
واتكلمت معاه
أنا:هو انت ليه بقيت ظابط ؟؟
هو:مش عارف .....انا اصلا ماكنتش عايز ادخلها
أنا:أومال كنت عايز تدخل ايه ؟؟؟
هو:كنت عايز ادخل آداب ...كنت عايز أبقى كاتب ...بحب الأدب والقراءة ..لكن أيامها كنت جايب مجموع كبير وبابا مارداش ادخلها وقالي اختار كلية حلوة فدخلت شرطة؟؟
أنا:وحبيت شرطة؟؟
هو:جدا....شعور الأمان دا شعور لايقدر بثمن ...لما تحس بيه بتملك الدنيا ...تخيلي بقى انك بتحسسي بيه غيرك...كام دنيا هتملكيها ؟؟
أنا كنت معجبة جدا جدا بشخصيته وبكلامه اللي بيسحرني كل مرة
أنا:وماعدتش بتكتب ؟؟
هو:لأ شخصية الكاتب مني ماعدتش موجودة وماعدش ليا نفس ارجعلها ..مابتظهرش بس غير ع الفيس واللي ماحدش يعرف انه بتاع ظابط واللي بتبقى ززيارتي ليه شبه شهرية ...
أنا:بس انت بتكتب حلو ...يعني قرأتلك حاجات ع الفيس ..فليه تنسي حكاية الكاتب ؟؟؟ هو:عارفة يانور الخواطر دي عاملة زي زيارة حنين لشخصية كنت عايزها وبعد ما بخلص زيارتي بمشي .....بتبصيلي كدا ليه ؟؟؟
أنا:معجبة ..
هو:بيا ؟؟
أنا:لا ..بكلامك
أحمد:ههههههههههه ماشي يادكتورة ...قوليلي بقى ايه اللي دخلك صيدلة ؟؟
أنا:والله انا داخلها تقضية واجب ...انا كنت عايز ادخل المعهد العالي للسينما ومجموعي كان كبير فهما ماوفقوش
أحمد:تمثيل؟؟
أنا -_-:معهد السينما مافيهوش قسم تمثيل ...اخرااااااااااااااااج
أحمد:انتي بتحبي الإخراج ؟؟؟
أنا:اها ..بحب اعمل أفلام ..هو انا لسه ماعملتش ولا فيلم ولكن إن شاء الله يعني ...وعشان بحب الأفلام والتليفزيون ...بحس اني أنا ومش حد تاني لما بتفرج على حاجة بحبها بحس اني في دنيا تانية ...انا حتى باخد ثقافتي ومعلوماتي منه ...
بكون أكثر رومانسية معاه ..أكثر قوة ...أكثر سعادة..حتى أكثر إيمانا وتدينا ...ماعرفش ازاي ولا ليه ...بس اعرف انه اول حاجة ماابقاش مترددة في اختيارها واتمسك بيها بالشكل دا
هو:وليه ماعملتيش فيلم لغاية دلوقتي ؟؟
أنا:اممممممممم عشان دايما بقول بكرة ...بكرة هاعرف ..بكرة هأقرأ ..بكرة هتعلم ..
بكرة هاعمل ..ومابعملش
هو:يعني دا حلمك؟؟
أنا:حلمي أكون أول مخرجة عربية تاخد الأوسكار
أحمد:خلاص...أومي
أنا:نروح فين ؟؟
أحمد:أومي بس ...
ومشيت معاه وفي الطريق سألته
أنا:أحمد؟؟
هو:ياعيون أحمد
أنا:احم...كنت عايزة اعرف ازاي قدرت تغنيلي الأغنية قدام الناس كلها
هو:ههههههههههههههه شوفي ياسيدتي لما كنت بتفرج ع التليفزيون ..دا لما كنت يعني ..واتفرج على فيلم هندي وأشوف جرأتهم في التعبير عن حبهم بطريقة أو بأخري ..قولت في نفسي ايه اللي بيخليهم يعملو كدا ..وازاي بيقدروا يعملو كدا ؟؟وبما إني ما عرفتش الجواب..فقولت لما أحب هأعمل كدا وهأعرف
أنا:وإيه بقى السبب ؟؟
هو:لما تكون مع حد بتحبه ...مابتشفش في اللي حواليك غيره ...بس ..فأنا ماكنتش شايف غيرك ...ماكنتش حاسس إن فيه حد تاني ..اعمل حسابه غير ربنا ...
..وصلنا
أنا:فين؟؟
هو:يلا نقي...
انا:نعم؟؟
هو:نقي...
أنا:انقي ايه؟؟
هو:نقي كاميرا
أنا:بتهزر
هو:يلا....
أنا:بس..
هو:من غير بس ...اختاري ...اكيد عارفة الكاميرا اللي عايزاها .!!؟
أنا:أه
هو:طب يلا اختاري عايزة اطلب منك طلب
أنا:إيه هو؟؟
هو:اختاري الأول وأقولك
واخترت أول كاميرا ليا واشتراها لي الغالي صاحب قلبي............... أحمد
أحمد:ههههههههههه
أنا:بتضحك على إيه ؟؟
هو:حاس انك طفل جبتله لعبة ...فرحانة ؟؟
أنا:بتظهر؟؟ انا هطير م الفرح ...اه صح ماقولتش ايه طلبك ؟؟
هو:امممم..سيبك من الطلب دا..وخدي الطلب دا...
انا:وإيه هو؟؟
هو:قوليلي كل أحلامك
أنا:ليه؟؟
هو:عشان اساعدك تحقيقها ...
أنا:هتساعدني بس؟؟
هو:حلمك..انتي اللي تحققيه...وانا جنبك
أنا:طب ممكن انا بقى اطلب منك طلب؟؟
هو:سيدتي تؤمر
أنا:اكتبلي فيلم
هو:نعم؟؟!1
أنا:انا مش عايزاك تساعدني ابدأ حلمي وبس انا عايزاك تكون معايا فيه ..على الأقل في حلم الأوسكار خلينا نحققه مع بعض ...اكتبلي فيلم وانا اخرجه ..وخد وقتك
أحمد:انا اعمل أي حاجة عشانك ..حاضر
أنا:يحضرلك الطيب ياحبيبي
هو:إيه؟؟
أنا:إيه إيه؟؟
أحمد:إيه أخر كلمة ؟؟
أناباستهبال:يحضرلك الطيب؟؟
اهو:لا اللي بعديها
أنا:وهو انا قولت حاجة تانية ؟؟
هو:اه قولتي
أنا:قولتي ايه؟؟
هو:قولت ياحبيبي
أنا:ياعيني ياأحمد ...انت سخن ؟؟ شكلك بدأت تهلوس
احمد:لا انا سليم وسمعت صح
أنا:كلها طموحات وأماني
أحمد:ماشي ياكبير...مش هنروح
أنا:زعلت ؟؟
هو:ماأزعلش منك أبدا
أنا:طب...بحبك
هو:يااااااااااااااااااااااااه ياه يامفترية أخيرا قولتيها ..شهر وانا خاطبك ومستنيها
أنا:احمد ربنا بقى واتكل على الله روح
أحمد:اروح ايه بقى ...انا قاعد للصبح ..
هههههههههههههههههه وفضلنا نضحك ونتكلم ونعرف بعض اكتر واكتر
أحمد:هسألك بقى سؤال جوهري ...انتي حابة اني ظابط؟؟
أنا:يمكن ..البدلة الميري برده ليها رونق كدا ...
أحمد:مش خايفة؟؟
أنا:منك...لأ أكيد ..بس عليك
هو:من شغلي ؟؟
أنا:من كل حاجة ....خايفة توحشني
هو:انتي بقى مش بتوحشيني
انا:أكيد ما أنا دايما في قلبك
أحمد:لا طبعا انا مابصدق اخلص منك
انا:بقى كدا..طب انا ماشية
أحمد:لالالا خلاص ..ماتعرفيش انك نور عيني ولا إيه؟؟
أنا:أيوة كدا اتعدل ...
كنت دايما بقول لنفسي مش معقول هتحبي واحد وتتحبي بيه ..وتلاقي كلام تقوليه معاه ...مش معقول تحبي واحد مجنون يعمل حاجات زي الأفلام ويقولك بحبك قدام الناس ..
كان إيماني بالحب المختلف متزعزع ..وفاقد للامل ...كنت بس بحلم بالكلام دا وأقول دا رجل الأحلام اللي بس بيبقى في الأحلام
لكن لما جه أحمد ..الحياة اتغيرت ..إيماني بقى أقوي وأملي ثبت
كل الأيام كانت بتبان حلوة معاه ..بحب كل حاجة فيه ..هزاره وهو باله رايق وشكله لما يضايق ...
بحب الحاجات المجنونة اللي بيطلع بيها ويخليني اعملها معاه ...بحبه
بقى فعلا رجل الأحلام..واللي اتغير مفهومي عنه ...
رجل الأحلام مش الرجل صاحب المواصفات القياسية واللي نعيش وياه للأبد ..مش أمير سيندريلا
رجل الأحلام هو اللي بيحقق أحلامي حتى لو كانت صغيرة بتفضل أحلام ..وبيفضل رجل الأحلام
بيفضل أحمد
(وهى العين بعد ماشوفتك..قولي عايزة تنام ليه ..؟؟ هى الاحلام هتوريني أجمل من حبك إيه؟؟)
نورهان لاشين
ليست هناك تعليقات:
إرسال تعليق