قطار منتصف اليل
استيقظت من غفوتي بجانب النافذة .... لم يفت ذلك الوقت حقا الآن أدرك هذا لم انتهي من امتحاناتي وقراري ...ولم انتهي من خوفي ... ولم أقابله .
وبالرغم من ان كلامه أو كلامي لم يقنعني كثيرا فواحدة مثلي تحتاج لأكثر من هذا على ما أعتقد
لذا اكملت في ذلك العالم الوحشي حيث لا سبب للحياة...لا سبب للتنازع على السلطة ...أو تكوين عصابات أو أحلام
في عالم رفضت مبدأ الحياة فيه ومع ذلك لازلت أعيشها ..لازالت أكل..لازلت أشاهد التلفاز .. لازلت أتحدث
مما آثار في عقلي أنني أتوق للحياة لكن فقط انا لاأعرف كيف أعيشها
أانا فقط بعيدة وعليا الاقتراب
وتقليل تناولي للطعام عندما أحزن (مزحة)
لذا عندما ذهبت لأصلي قيام الليل وجدت نفسي أقول
ربنا خلقني عشان أعبده ...مش مهم دلوقتي ليه ... بس انا موجودة ...وربنا يستحق العبادة ..فيارب اقبل عبادتي
حاولت اجود في عبادتي على الأقل اللي في إيدي حاليا عشان ربنا اللي سيتحق العبادة يقبلها
وبعدين قرأت شوية في سورة يونس
وجيت عندالآية اللي بتقول (فنذر الذين لا يرجون لقائنا في طغيانهم يعمهون(11))
وافتكرت اني وصلت لدا قبل كدا
لما كنت بقرأ سورة الكهف يوم الجمعة ...وكنت في حيرتي دي قبل ما تزداد ولقيت الإجابة في 3 أيات
(إنا جعلنا ماعلى الأرض زينة لها لنبلوهم أيهم احسن عملا)
يبقى انا المطلوب مني إني أعبد ربنا وإني أعمل ...العمل
طب ليه ؟؟ الهدف الأكبر والحلم إيه؟؟
(واصبرنفسك مع الذين يدعون ربهم بالغداة والعشي يريدون وجهه )
(فمن كان يرجو لقاء ربه فليعمل عملا صالحا ولايشرك بعبادة ربه أحدا)
وجه الله...لقاء الله الحبيب الدائم ... هو الغاية والهدف ...والوسيلة هى العمل
كل العمل ..
انا بعمل ...بس ناقصني شوية شكر وذكر في العمل
سألت نفسي كالعادة سؤال تاني ليه ربنا عاطينا المواهب ..عشان تساعدنا في العمل
الشكر لنعمة زي نعمة الموهبة هى تنميتها والاهتمام بيها
نعمة ورزق ربنا اداهولنا زي أي رزق فلازم ننميها ...
الشكر في إنك تعمل الحاجة اللي بتحبها بطريقة صح
الشكر إنك تكون على فطرتك ... اللي بتخلينا نعمل كل حاجة كعبادة
المرة الجاية لما حد هيسألني انتي بتكتبي ليه ... أو بترقصي في بيتكو ليه ... هأقولو بشكر ربنا
ولما حد يسألني بتجري ورا حلمك دا ليه هأقوله بعبد وبشكر ربنا
حاجة أخيرة جت في بالي
كنت بشوف ان الناس مش كتير مهمين كإحساس هما مجرد أداة بتوصلنا لراحة نفسية وللعمل
يعني لو مافيش ناس بتقرا مافيش حد هيستفيد مش هتكمل عبادتي
ولازلت نوعا ما ... بس اصل الناس هما كل حاجة هما العالم هما التاريخ ..هما الوطن
فازاي مش مهمين؟؟
مهمين في العبادة .... والحياة عبادة
توصلت اني أحيا عبادة فلأحيا بطريقة جيدة إذا
نورهان لاشين
ليست هناك تعليقات:
إرسال تعليق