الحلقة الأخيرة
وسيم:أنا بحبك ....وتعبت من اللي انتب بتعمليه فيا
انا باستغراب وصدمة:انا؟؟
وسيم:نجوى...رامي مش حقيقي
أهذه صدفة ؟؟ ام أنني من وقت ما قابلت الطبيب الوسيم وسيم ... وهو يزرع فيا صدمات ؟؟!!
أنا:انت بتقول إيه؟؟
وسيم:بقول اللي بقالي سنين بحاول أخليكي تشوفيه ...رامي مش حقيقي
انا بهستيرية:انت كذاب...هو جه انهارده المطار وانت سلمت عليه ...وشوفته وهاجر
وسيم:رامي دا حقيقي .بس رامي اللي حبيتيه واتجوزتيه مش حقيقي ..... افتكري يوم واحد بس يانجوى من جوازكو ... ؟؟ مش هتلاقي حاجة ... لانك في الوقت دا ولمدة شهرين مش سنتين كنتي في غيبوبة
متأكدة انها ليست صدفة ... أولا اخبرني بعدم وجود يوسف فأغشي علي ...والآن لا رامي أيضا ... فقدان الوعي يبدو الحل الأمثل
نقلني الي المشفى ... أو إلى بيتي ..لا أستطيع التمييز ..فمازلت اعتاد الضوء الخافت
ووصت نفس ..نفسه
وسيم
بقيت اتأمله للحظات ... اتسائل لما يفعل ذلك ..بل وتسائلت إن كان حقيقيا ام وهما ؟!!!
استيقظ متلهفا يسألني وينظر إلى مؤشراتي الحيوية
وسيم:انتي كويسة؟ !!
انا:انت كذاب
وسيم:لأ مش كذاب ... نجوى...
انا:ماتتكلمش .... انت كذاب
وسيم:انا حاولت معاكي كتير ..... وبكل الطرق مانفعش ..وسافرت عشان اشوف طريقة جديدة مالقتش... مافيش غير دا إني أواجهك بالحقيقة
أنا:انت عايز تقولي ان حياتي كلها وهم ...واني ماعشتش دا ؟؟ انا ذكية ..بس دا مستحيل ...انا وريتك الكتاب .... انا وهو كتبناه ... فرحي انت حضرته ... انت ساعدتني ساعدتني لما جه خطبني ..وروحت قولتله على مرضي...انت كنت بتصلح بينا ..فماتقوليش انه مش موجود....عشان ساعتها انت كمان مش هتبقى موجود
فكفاية ... كفاية ..انا مش عايزة افقدك انت كمان ... انت تعبت وماعدتش اكون لوحدي.... فعشان خاطري ... خليك ...وماتقوليش الحقيقة... عشان خاطري ماتسبنيش
وسيم: اذا كل الناس حواليكي مش حقيقين ..فأنا هأفضل حقيقي
أنا بدموع هيتسيرية:ليه مصمم ؟؟
وسيم:انا عايز انقذك انا وعدتك
انا:وانا مش عايزاك تنقذني..سبني أغرق لو بغرق ... وأغرق معايا
وسيم:هنقذك وهتقذيني انتي كمان ..
انا:اذا انقذتني هتغرق
وسيم:هأعيش
أنا: بس ذكرى
وسيم:لأ حقيقة
أنا:حرام عليك
كنت أظنه يتحول إلى شخص شفاف من فرط دموعي ..لم أعد أره جيدا... فأتخيله شبحا ...
ولكنه ينقذني ...كما أعتاد أن يفعل
أمسك يدي ... ووضعها على وجنته
وسيم:فاكرة زمان .. لما كنتي عايزة تشوفي انا حقيقي ولا لأ ..ضربتيني...اضربيني تاني..وتالت ..وعاشر...اضربيني لحد ماتصدقي..لحد ما ترضي
صفعته....وصفعته...وصفعته ... وصفعته .... فهلا كف ؟؟!!
أنا بدموعي بألمي بعقلي :أنا مجنونة
وسيم:انتي مش مجنونة .... انتي بس كنتي محتاجة ناس في حياتك ...وعملتيهم ... عارفة في واحدة ...عملت زوج وبنت مانيكان ...وعاشت معاهم أربعتاشر سنة .... الواحد ممكن يعمل اي حاجة بس عشان مايبقاش لواحده .... وانتي اخترعتي يوسف
انا بغضب :ورامي..وندى وهاجر وامي ...وكليتي ..وكتبي ..وحياتي
وسيم:لا يانوجة مش كلهم اختراع مامتك كانت حقيقة ... وحتى باباكي جالك وكان حقيقة
انامازلت أبكي غير مصدقة:لما بابا جه انا بكيت ..في حضنه رامي
وسيم:في حضني ....ماعرفتش اعمل ايه فكرتيني رامي اللي اتجوزتيه وفضلتي تبكي ... ماقدرتش اسيبك ....وبعدها انتي دخلتي غيبوبة
أنا:انت كنت رامي؟؟
وسيم:مش دايما .... أوقات قليلة افتكرتيني هو ... ولما فوقتي من الغيبوبة ..افتكرتيني للحظات هو ... بس بعدين كلمتيني موسيم ..وحكتيلي انكو اتجوزتو واطلقتو
أنا:وليه اصلا انا دخلت في غيبوبة
وسيم:عشان رامي اللي بجد اتجوز...هاجر ... وهى مش بنت خالتك .... اختك
انتي تعرفيها من زمان ..وكنتي عارفة انها اختك فعشان كدا ...اتصورتيها بعدي عنك ..كأنها بنت خالتك اللي بتكرهيها
وهما لما اتجوزو... انتي يمكن فقدتي الأمل ...
أنا:في إيه؟؟
وسيم: لما روحتي الكلية وشوفتي الشبه اللي بين رامي ويوسف ...اتشديتي ليه ... وعرفتيه وكلمتيه ... وساعدك تنشري اول رواية ليكي ... بس ماحبكيش زي ما نتي كنتي بتحبي يوسف...فعملتي نسخة تانية منه .....حبتك ... وانتي حبتيها .... بس النسخة دي كانت تصبيرة يمكن هو اللي بجد يحبك ..بس لما اتجوز ...ماكنش ينفع ماعدش ينفع
أنا:بس انت شوفته في المطار بيبصلي ازاي
وسيم:رامي بيحبك زي اخته ..هو ساعدك وكان صديق جيد وهو عارف ..حالتك ...ولما كان بيبصلك كان بس مشتاق للبنت الطيفة اللي قابلها اول يوم وخلته يساعدها في نشر روايتها
أنا:وكلامه؟؟
وسيم:هو ماقلش حاجة خالص تمس الموضوع ... انتي اللي عملتي حوار ..كنتي فيه نجوى ورامي
أنا:وهاجر ؟؟ عارفة ؟؟
وسيم: عارفة ...وكانت عايزة تساعدك ...هى مابتكرهكيش ...لأنها أختك
أنا:بس انا ماخدتش منها أبوها
وسيم:وهى ماخدتش منك أبوكي... مش ذنبها .... نجوى دي اكبر عقدة لازم تحليها... دي سبب المشكلة ..دايما بتسيبي الناس قبل ماهما يسيبوكي ... ندى ...صاحبتك ؟!! بعدتيها ... وحطيتي في دماغك سيناريو انها سافرت ... ورامي ...لما اتجوز خلتيه يسبك في خيالك ...وسبتيه في الحقيقة
انا:انا السبب؟؟ انا السبب في اني مش قادرة ادي من الأول اللي كنت بديه زمان ... اني ماعدتش قادرة اصدق اي حد يحبني ويقربلي ؟؟
انا السبب ان البنات كانت بتتريق عليا في ابتدائي وماحدش فيهم رضى يصاحبني ؟؟
انا السبب اللي خلى كل الولاد تشوفني مجنونة وتخاف مني وتضايقني ؟؟
انا السبب اني ماعدش قادرة اصدق ان فيه حد هيفضل ؟؟
مش انا السبب يا وسيم ..مش انا اللي جمدت مشاعري ... مش انا خلتني ماعدتش قادرة احس ... بالانتماء ..بالصداقة..بالحب ... هما اللي مخلونيش احس بده
هما السبب مش انا
انا تعبت اكون السبب ..وتعبت احاول مااكونش ...
وسيم: مش انتي السبب.... بس انتي ماصدقتي اي سبب يخليكي تبعدي
انا:انت ماعشتش اللي عشته عشان تقولي صدقت ولا لأ .... انا ورغم فقداني الأمل...بقيت بستنى كل يوم...كل يوم ... ألاقي الصديقة أو الحبيب ..الي هيقبلني زي ما انا ... كل يوم لمدة 17 سنة ...من يوم ما أبويا سابني عشان غيري .... سابني عشان بنت ...مع ان والله ما بإيدي .... وكل بعد واحد بعد كدا سابني ...امي سابتني وماتت لانها تعبت تشوفني مجنونة ... وكل واحدة عرفتها في المدرسة وعرفت حكايتي سابتني عشان انا مجنونة ....حتى يوسف ..سابني ... وحتى الرامي الحقيقي ماقلبنيش ... وحتى رامي اللي مش حقيقي ....حتى انت سبتني ...سافرت في الوقت اللي كنت محتاجاك فيه ...
وسيم:سافرت عشان اعالجك ...
أنا:انت ليه مش عايز تفهم .... انا مش هتعالج ... انا كدا وهافضل كدا ...مجنونة ... كل اللي كنت محتاجاه صديق ... حد اتكلم معاه ويتكلم معايا ... وكلهم من غير اي سبب ماقربوش ..واللي كان بيقرب كان بيمشي ...
وسيم:انا مش همشي... انا هافضل جنبك ...مش هسيبك ...وهتكوني احسن ...وهتتعالجي
أنا:شكرا يادكتور ... بس انت عملت اللي عليك ... كفاية كدا
وسيم:دكتور؟؟ نجوى انا بحبك
أنا: طبيعي في بعض الحالات الدكتور يحس انه بيحب مريضته بس دا مابيبقاش حقيقة
وسيم بعصبية:بطلي تبعدي الناس عنك لو عايزة تخفي
انا:بطل تقرب وانا أخف ...
وسيم: انا فضلت معاكي 5 سنين ... ليه مش عايزة تصدقي اني بحبك
أنا:هاصدقك لو قولتلي انا فين؟؟
وسيم: في المستشفى
انا:وليه شبه أوضتي؟؟ اللي في بيتي؟؟
وسيم باستسلام لما عرفت وحدي وأردت التأكد منه:من بعد ما ماتك ماتت جبتك تقعدي هنا ... انا كنت مسافر بس خلتهم يعملولك الترتيبات اللازمة
انا:والعربية؟؟
وسيم:عربيتي ...قولتلهم انها هتكون تحت تصرفك ..
أنا:لسه بعد كل دا مصمم اني هأخف ؟؟
وسيم:متأكد بإذن الله ....انتي ذكية
أنا:ذكية ضيعت من حياتها 17 سنة..تتخيل حياة تانية مش بتعيشها...ايه الحياة اللي عشتها...ايه الحقيقة؟؟ انت اللي بضيع وقتك يادكتور... سيب ...المريضة وروح شوف شغلك ....ماعدلكش شغل هنا تاني
وسيم:انتي شغلي..انتي حياتي ...فعشان خاطري ماتسبنيش ...انا بحبك
أنا:بس انا مش قادرة أحب
وسيم:ليه؟؟
انا:عشان قدرت أتخيل الحب ...والحب اللي بجد مانتخيلوش
وسيم:الخيال اتعمل عشان نخلق بيه الواقع مش عشان نهرب بيه من الواقع ... وحتى لو اتخيلتيه ...دا كان رامي مش أنا
أنا:انا حبيت غيرك ... مش شايف ان دي خيانة من نوع ما ؟؟!!
وسيم:الخيانة انك بتحاولي بكل الطرق تبعدي
انا:وانت بكل الطرق مش عايز تفهم ....
وسيم: لو قولتي مية مرة لأ ...هاحاول مية غيرهم ..انتي مش هتخلصي مني
