الحلقة الثالثة والعشرون
ذهبت للقاء الوسيم وسيم مع ذلك الصديق القديم يوسف الذي تركني عند باب المطار وذهب ..يبدو أنه خائف من وسيم الذي أخفاه المرة السابقة ..أو لأنني لا أحتاجه في تلك اللحظة
ولكن كالعادة توقعات يوسف خاطئة ..فقد كنت أحتاجه أشد الاحتياج هناك
انتظرت وسيم لعدة دقائق طويلة ...وأخيرا عندما رأيته .....لم يكن لوحده فعلى مر تلك السنين القليلة أصبح وسيم ورامي شبه أصدقاء لم يزعجني هذا قبلا ...ولكنه يزعجني الآن
بوجود ذلك الرامي...وزوجته الجديدة
ولكن كل هذا كان يصبح ضبابيا عندما نظر إلى وسيم ..وتركهم وكأنهم لم يكونو موجودين قط ...وانساق إلى ..ولا أعرف بأي قوة انساق ..ولكني انسقت بالارتياح إليه
إن الأمر يشبه اندفاع وجمال كلمات تلك الأغنية والتي بالطبع سمعتها لدى وسيم يوما
(نسيت الدنيا وجريت عليه ..سبقني هو وفتح إيديه)
أيهما سبق الآخر ؟؟!! لا يهم ..فهذا الاندفاع بذلك الجمال ..رائعا...والأهم مريحا
الراحة والأمان ..أهم ما في العلاقة ... إذا ذهب أحدها يتيتم الآخر ... إنه ترابط قوي ذلك الذي بين الراحة والأمان ...
ترابط دافئ ..مشبع.. ترابط مستريح ..او كما نقولها (مستكنيص )
لم أعرف هذا الشعور غير الآن ..بعدما أثير فيا الخوف وعدم الراحة بوجود من احببت ولا زلت أحب مع غيري وفي استقبال الوحيد الذي بقى لي كان شعورا مخيفا ...ولا يهمني شرحه ...فأنا مستكنيصة
وسيم الأوسم:حمد الله على السلامة
انا الجاهلة لغة عينيه:انا المفروض اللي أقولها ..
وسيم:كنت حاسس انتي اللي مسافرة
أنا:ازاي بقى ؟؟
وسيم المازح :مش عارف
أنا:هههههههه..حمد الله على السلامة
وسيم:الله يسلمك ....انتي مش جاية معاهم؟؟
أنا المازحة بمرارة:لأ ماانا كنت مسافرة
وسيم مغيرا الموضوع:المهم حمد الله على السلامة ..هروح أخلص ورقي ..واجي معاكي عشان ماعييش عربية
أنا:هو قال انه مش هيوصلك ؟؟
وسيم:انتي بتهربي من توصيلتي ولا إيه؟؟ لا قال هيوصلني ...(هامسا )بس انا مش عايز ..
أنا:لا عادي ..فكرت هتروح معاه
وسيم:تبقى ا نتي موجودة وأروح معاه ؟؟
أنا:طب ما انا كنت موجودة قبل كدا وكنت بتروح معاه
وسيم:الوضع اختلف
أنا:ماشي..روح خلص ورقك وانا هستناك
وسيم:قشطة
أنا:قشطة؟؟ شكلك كنت مسافر جمصة وكان فيه لا أمريكا ولا يحزنون
وسيم:أمريكا إيه؟؟ امريكا إلى الله
انا :امشي يا وسيم ..اتفضل ..انا غلطانة اني جيت
وسيم:استنيني بره
أنا:طيب
قد يبدو حديثنا طويلا ..ولكنه لم يكن ..أول مرة يحدثني وسيم بتلك الحرية والانطلاقة ...أغيرته أمريكا ..أم غيره وضعي ؟؟
فالوضع فعلا مختلف ...
ذهبت وأمريكا إلى الله وسلمت على رامي وهاجر
سلمت على هاجر أولا ..وكاعتيادي على أن هذا متاح بالنسبة لي ..سلمت على رامي
لم يكن يريد أن يترك يدي ولكن كان هناك من يريد ذلك ...انا وهى
أنا: اممم وسيم قال هيجي معايا في العربية..فتقدروا تروحو انتو
رامي الغيور:لوحدكوا؟؟
أنا بوجه مستغرب لإغاظته:والعربية؟؟!!
رامي:بس هو قال هيجي معانا
أنا:غير رأيه وجاي معايا ..وبعدين اكيد هتشوفو بعض كتير بعد كدا ..
لم أرد الإطالة ..فقلبي وعيني يؤلماني ..
أانا:يلا مع السلامة ..
ذهبت فجاء ورائي رامي
رامي:شغف؟؟
ليتني لم التفت:نعم؟؟
رامي:اا...أااا.. انا سعيد اني شوفتك
أنا:وانا كمان بعد إذنك
رامي:استني بس
أنا:وسيم زمانه مستنيني ..وهاجر مستنياك ..سلام
لست شخصية سيادية تتلذذ بمعاناة الآخرين ولكني كنت أدافع عن نفسي ... فماذا يريد هذا الذي أتي بزوجته إلى هنا ؟؟ كان يهاجمني..يهاجم قلبي ..ذكرياتي وعيني ..ولم أعرف ماذا أفعل غير أن أدافع ..بالهجوم ...
عند سياراتي وبعد دقائق جاء وسيم ويوصله رامي لاعب الخط الوسط والمهاجم الأفضل ..يتمسك بكورته الممتلئة بعد الشئ ..ويركلها في قلبي ....كان يحاول ان يجعلني أغير عليه ..ولكن لم يعرف أني حارسة مرمى شهيرة ...وقديرة فلقد ذاكر درسه العصفور ..جيدا
وسيم:شكرا يا رامي لأنك جيت تستقبلني
رامي:العفو
أانا :مش هنمشي؟؟
رامي:مستعجلين على إيه؟؟
أانا:أكيد وسيم تعبان من السفر ..وفيه حكايات كتير عنده ليحكيها
رامي:هيبقى يحكيهلنا لما نيجي نزوره بكرة أكيد
انا:وانا كمان عندي حكايات حابة احكيها ...
حاول وسيم قطع تلك الضربات المرتدة
وسيم:خلاص ..يا جماعة انا هافتح بيتي بكرة صالون ثقافي وتعالو احكو الحواديت اللي عايزين تقولوها ..ممكن اروح بقى ؟؟ انا عايز انام
رامي:ان شاء الله
دخلت سياراتي بدون حديث لذلك الرامي لا عب خط الوسط وكرته الممتلئة
وحدثه وسيم للحظات ثم انضم لسيارتي
وسيم :ها عاملة ايه في الكتابة ؟ روايتك اللي فاتت كانت رائعة
أانا :ما انت قولتلي ..يعني بحاول اكتب حاجة جديدة
وسيم:واخبار الكمان؟؟
انا:موجود
وسيم:ماعودتيش بتعزفي عليه؟؟
انا:لأ أكيد بعزف من وقت للتاني
وسيم:حلو عايز اسمع عزفك ...ولا انتي ما بتعزفيش إلا ليوسف؟؟
قد يظن السامع انه يقول هذا من باب الغيرة ...ولكنه من باب العبقرية ..ا...من باب معرفته بي الممتازة
أنا:عرفت ازاي؟؟
وسيم:عينيكي
أنا:يا سلام؟؟
وسيم:مش عارف يوسف دا بيعملك إيه بس عينيكي بتلمع لما بتبقى بتشوفيه
أنا:ما يمكنش الشمس
وسيم مقاطعا:لأ ..عينيكي لما بتلمع في الشمس بيبقى ليها لمعة تانية
أنا:كأنك ماسافرتش لسنة ونص
وسيم:بس هو كان موجود
انا:بس لما ماما ماتت
وسيم:على وسيم؟؟
أنا:طيب ..قبليها بشهرين
وسيم:على وسيم؟؟
أنا:ماشي يا أستاذ على وسيم..من بعد ما مشيت ...بس ما فرقتش كام شهر
..وبما إن شكلك كان عارف من قبل حتى ما تيجي ..ماقولتليش ليه؟؟
وسيم:ماكونتش عايزك تبقى لوحدك..وبعدين مش انا دكتورك .. يهمني مصلحتك الصحية
انا:يعني يوسف مش مرض زي زمان؟
وسيم:سيبك بقى من الحكاية دي ...انتي ورامي كان شكلكو تحفة
أنا:تحفة ازاي يعني؟؟
وسيم:انتو الاتنين بتغيرو على بعض لسه ..بتحبو بعض لسه
أنا:ومين قالك بقى ؟؟
وسيم:عينيكي
انا:انا قربت اكره عينيا ...
وسيم: عينيكي بتلمع لرامي كمان ..بس لمعة مختلفة قبل ما تسألي
أنا:نفسي اعرف حضرتك عرفت كل دا إزاي؟؟..وماتقوليش عينيكي
وسيم:خلاص..عيناكي
أنا:ههههههههههههه بجد انت اتغيرت ..
وسيم:طريقة كلامي؟؟
أنا:أيون
وسيم:انا بس ما اتكلمتش مع حد عربي بقالي زمان وألشت الالش دا كله
أنا:على نجوى؟؟
وسيم:هههههههههههههههههههههههههه مش عارف ...
أنا:لما تعرف ابقى قولي..بس انا ماعودتش بحب رامي
وسيم بغناء:حلو وكذاب ..ليه أصدقك؟؟
أنا:وسيم؟؟ دا واحد سابني بس عشان ما بخلفش
وسيم:حرام عليكي..دا انا اللي مش طرف في الموضوع ..عارف الحكاية كلها يا نجوى يا حلوة يا كاذابة
أنا:وإيه بقى هى الحكاية؟؟
وسيم:انتي اللي سبتيه يا نجوى.. أكيد يعني كان هيبقى صعب عليه في الأول يتقبل الموضوع ...بس انتي كأنك ماصدقتي وكبرتي الموضوع ...وخلتيته يطلقك ... نجوى..انتي بينتيله ان الحياة هتكون مستحيلة ..وانك مستحيل تعيشيها ... كنت عايزاه يعمل إيه؟؟ الراجل فضل يحايلك أكتر من شهر ..وانا وندى ..وحتى هاجر دي ..كلنا فضلنا نقنعك بس انتي ما رضتيش ...انتي صممتي...وعندتي...انتي كنتي عايزاه يتقبل الموضوع على طول..ومايخدش الوقت دا ... بس دا ماينفعش مافيش حاجة بتيجي كدا على طول ...بس نقول ايه في دماغك الناشفة
أنا: مش كدا أحسنله ؟؟ كنت شايفة اني لما أسيبه ويقدر يتجوز ويخلف هيكون سعيد وأنا كمان هأكون سعيدة....مش يبقولو الحب تضحية؟؟
وسيم العاقل كالعادة:الحب مش التضحية..الحب اللي يستحق التضحية ... هو استحق التضحية دي...بس ماكنش عايزاها ...وصعب على الراجل لما يحب حد..يغصبها على حاجة ...
أنا:بيحبني؟؟ شوفت راح اتجوز مين؟؟
وسيم:أولا هو قعد بتاع سنة ونص ما اتجوزش..صح ولا مش صح؟؟
وبعدين اتجوز هاجر... بس وبما اني قعدت مع رامي بعد انفصالكو بتاع 4 شهور عارف كويس..انه مش هو اللي راحلها ...وهى اللي كانت بتجري وراه..كعادتها ..شافت فرصة وانتهزتها ...وفي الأخر وبعد فترة طويلة من الزن اتجوزها ...
أنا:يعني انا اللي غلطانة؟؟
وسيم:الحق ولا ابن عمه؟؟
أنا:وسيم؟؟!
وسيم:اه غلطانة ... ولسه بتحبيه...شوفي فات على طلاقه قد إيه؟؟ سنتين وكام شهر؟؟
هو لسه متجوز من 8 شهور بس ..عشان هو كمان لسه بيحبك اخد كل الوقت دا عشان يتجوز غيرك
أنا:بس بعد إيه؟؟ هو اتجوزها خلاص ... ويمكن ..لأ أكيد عندك حق ..وانا كنت غلطانة ... بس ..............عايز الحق ولا ابن عمه؟؟
وسيم :ايه الرخامة دي ؟؟ بتقطعي الكلام ليه ..كملي
أنا:مهما هو حاول انا مكونتش هارجع
وسيم:وليه بقى ؟؟
أأنا:عشان ....انا كنت عايزة اسيبه ..قبل ما هو اللي يسيبني ...ومش قصدي يسيبني يطلقني يعني .... بس يسيبني ..بندمه...لما بندم انه كمل ...ندمه هيكون لحظي في وقته لما يشوف اصحابه واخواته بيلعبو مع عيالهم ...بس هيتوجع ساعتها ..وهيندم ...
وسيم:بس هيرجع ...
انا:وساعتها انا كمان هأكون ندمانة ...وموجوعة ....وانا ماعدتش عايزة اندم ولا اتوجع ...ولا عايزة هو كمان يندم ولا يتوجع
وسيم:ودلوقتي ؟؟ انتي ولا هو مش ندمانين وبتتوجعو
أنا: ماما كانت زمان تقولي..وجع ساعة ولا كل ساعة
وسيم:والسنتين اللي فاتو دول ..ساعة..؟؟ بتندمو وبتتوجعو بقالكو سنيتين واكتر وتقوليلي ساعة؟؟
أنا:انتي بتخليني أشعر بالأسوأ ..مش بتريحني
وسيم:عشان بقول الحقيقة
انا بضيق :وماقولتهوش قبل كدا ليه ؟؟
وسيم بضيق :عشان كنت فاكر انك هتنسيه وترتاحي ...عشان ب.............
نورهان لاشين
ذهبت للقاء الوسيم وسيم مع ذلك الصديق القديم يوسف الذي تركني عند باب المطار وذهب ..يبدو أنه خائف من وسيم الذي أخفاه المرة السابقة ..أو لأنني لا أحتاجه في تلك اللحظة
ولكن كالعادة توقعات يوسف خاطئة ..فقد كنت أحتاجه أشد الاحتياج هناك
انتظرت وسيم لعدة دقائق طويلة ...وأخيرا عندما رأيته .....لم يكن لوحده فعلى مر تلك السنين القليلة أصبح وسيم ورامي شبه أصدقاء لم يزعجني هذا قبلا ...ولكنه يزعجني الآن
بوجود ذلك الرامي...وزوجته الجديدة
ولكن كل هذا كان يصبح ضبابيا عندما نظر إلى وسيم ..وتركهم وكأنهم لم يكونو موجودين قط ...وانساق إلى ..ولا أعرف بأي قوة انساق ..ولكني انسقت بالارتياح إليه
إن الأمر يشبه اندفاع وجمال كلمات تلك الأغنية والتي بالطبع سمعتها لدى وسيم يوما
(نسيت الدنيا وجريت عليه ..سبقني هو وفتح إيديه)
أيهما سبق الآخر ؟؟!! لا يهم ..فهذا الاندفاع بذلك الجمال ..رائعا...والأهم مريحا
الراحة والأمان ..أهم ما في العلاقة ... إذا ذهب أحدها يتيتم الآخر ... إنه ترابط قوي ذلك الذي بين الراحة والأمان ...
ترابط دافئ ..مشبع.. ترابط مستريح ..او كما نقولها (مستكنيص )
لم أعرف هذا الشعور غير الآن ..بعدما أثير فيا الخوف وعدم الراحة بوجود من احببت ولا زلت أحب مع غيري وفي استقبال الوحيد الذي بقى لي كان شعورا مخيفا ...ولا يهمني شرحه ...فأنا مستكنيصة
وسيم الأوسم:حمد الله على السلامة
انا الجاهلة لغة عينيه:انا المفروض اللي أقولها ..
وسيم:كنت حاسس انتي اللي مسافرة
أنا:ازاي بقى ؟؟
وسيم المازح :مش عارف
أنا:هههههههه..حمد الله على السلامة
وسيم:الله يسلمك ....انتي مش جاية معاهم؟؟
أنا المازحة بمرارة:لأ ماانا كنت مسافرة
وسيم مغيرا الموضوع:المهم حمد الله على السلامة ..هروح أخلص ورقي ..واجي معاكي عشان ماعييش عربية
أنا:هو قال انه مش هيوصلك ؟؟
وسيم:انتي بتهربي من توصيلتي ولا إيه؟؟ لا قال هيوصلني ...(هامسا )بس انا مش عايز ..
أنا:لا عادي ..فكرت هتروح معاه
وسيم:تبقى ا نتي موجودة وأروح معاه ؟؟
أنا:طب ما انا كنت موجودة قبل كدا وكنت بتروح معاه
وسيم:الوضع اختلف
أنا:ماشي..روح خلص ورقك وانا هستناك
وسيم:قشطة
أنا:قشطة؟؟ شكلك كنت مسافر جمصة وكان فيه لا أمريكا ولا يحزنون
وسيم:أمريكا إيه؟؟ امريكا إلى الله
انا :امشي يا وسيم ..اتفضل ..انا غلطانة اني جيت
وسيم:استنيني بره
أنا:طيب
قد يبدو حديثنا طويلا ..ولكنه لم يكن ..أول مرة يحدثني وسيم بتلك الحرية والانطلاقة ...أغيرته أمريكا ..أم غيره وضعي ؟؟
فالوضع فعلا مختلف ...
ذهبت وأمريكا إلى الله وسلمت على رامي وهاجر
سلمت على هاجر أولا ..وكاعتيادي على أن هذا متاح بالنسبة لي ..سلمت على رامي
لم يكن يريد أن يترك يدي ولكن كان هناك من يريد ذلك ...انا وهى
أنا: اممم وسيم قال هيجي معايا في العربية..فتقدروا تروحو انتو
رامي الغيور:لوحدكوا؟؟
أنا بوجه مستغرب لإغاظته:والعربية؟؟!!
رامي:بس هو قال هيجي معانا
أنا:غير رأيه وجاي معايا ..وبعدين اكيد هتشوفو بعض كتير بعد كدا ..
لم أرد الإطالة ..فقلبي وعيني يؤلماني ..
أانا:يلا مع السلامة ..
ذهبت فجاء ورائي رامي
رامي:شغف؟؟
ليتني لم التفت:نعم؟؟
رامي:اا...أااا.. انا سعيد اني شوفتك
أنا:وانا كمان بعد إذنك
رامي:استني بس
أنا:وسيم زمانه مستنيني ..وهاجر مستنياك ..سلام
لست شخصية سيادية تتلذذ بمعاناة الآخرين ولكني كنت أدافع عن نفسي ... فماذا يريد هذا الذي أتي بزوجته إلى هنا ؟؟ كان يهاجمني..يهاجم قلبي ..ذكرياتي وعيني ..ولم أعرف ماذا أفعل غير أن أدافع ..بالهجوم ...
عند سياراتي وبعد دقائق جاء وسيم ويوصله رامي لاعب الخط الوسط والمهاجم الأفضل ..يتمسك بكورته الممتلئة بعد الشئ ..ويركلها في قلبي ....كان يحاول ان يجعلني أغير عليه ..ولكن لم يعرف أني حارسة مرمى شهيرة ...وقديرة فلقد ذاكر درسه العصفور ..جيدا
وسيم:شكرا يا رامي لأنك جيت تستقبلني
رامي:العفو
أانا :مش هنمشي؟؟
رامي:مستعجلين على إيه؟؟
أانا:أكيد وسيم تعبان من السفر ..وفيه حكايات كتير عنده ليحكيها
رامي:هيبقى يحكيهلنا لما نيجي نزوره بكرة أكيد
انا:وانا كمان عندي حكايات حابة احكيها ...
حاول وسيم قطع تلك الضربات المرتدة
وسيم:خلاص ..يا جماعة انا هافتح بيتي بكرة صالون ثقافي وتعالو احكو الحواديت اللي عايزين تقولوها ..ممكن اروح بقى ؟؟ انا عايز انام
رامي:ان شاء الله
دخلت سياراتي بدون حديث لذلك الرامي لا عب خط الوسط وكرته الممتلئة
وحدثه وسيم للحظات ثم انضم لسيارتي
وسيم :ها عاملة ايه في الكتابة ؟ روايتك اللي فاتت كانت رائعة
أانا :ما انت قولتلي ..يعني بحاول اكتب حاجة جديدة
وسيم:واخبار الكمان؟؟
انا:موجود
وسيم:ماعودتيش بتعزفي عليه؟؟
انا:لأ أكيد بعزف من وقت للتاني
وسيم:حلو عايز اسمع عزفك ...ولا انتي ما بتعزفيش إلا ليوسف؟؟
قد يظن السامع انه يقول هذا من باب الغيرة ...ولكنه من باب العبقرية ..ا...من باب معرفته بي الممتازة
أنا:عرفت ازاي؟؟
وسيم:عينيكي
أنا:يا سلام؟؟
وسيم:مش عارف يوسف دا بيعملك إيه بس عينيكي بتلمع لما بتبقى بتشوفيه
أنا:ما يمكنش الشمس
وسيم مقاطعا:لأ ..عينيكي لما بتلمع في الشمس بيبقى ليها لمعة تانية
أنا:كأنك ماسافرتش لسنة ونص
وسيم:بس هو كان موجود
انا:بس لما ماما ماتت
وسيم:على وسيم؟؟
أنا:طيب ..قبليها بشهرين
وسيم:على وسيم؟؟
أنا:ماشي يا أستاذ على وسيم..من بعد ما مشيت ...بس ما فرقتش كام شهر
..وبما إن شكلك كان عارف من قبل حتى ما تيجي ..ماقولتليش ليه؟؟
وسيم:ماكونتش عايزك تبقى لوحدك..وبعدين مش انا دكتورك .. يهمني مصلحتك الصحية
انا:يعني يوسف مش مرض زي زمان؟
وسيم:سيبك بقى من الحكاية دي ...انتي ورامي كان شكلكو تحفة
أنا:تحفة ازاي يعني؟؟
وسيم:انتو الاتنين بتغيرو على بعض لسه ..بتحبو بعض لسه
أنا:ومين قالك بقى ؟؟
وسيم:عينيكي
انا:انا قربت اكره عينيا ...
وسيم: عينيكي بتلمع لرامي كمان ..بس لمعة مختلفة قبل ما تسألي
أنا:نفسي اعرف حضرتك عرفت كل دا إزاي؟؟..وماتقوليش عينيكي
وسيم:خلاص..عيناكي
أنا:ههههههههههههه بجد انت اتغيرت ..
وسيم:طريقة كلامي؟؟
أنا:أيون
وسيم:انا بس ما اتكلمتش مع حد عربي بقالي زمان وألشت الالش دا كله
أنا:على نجوى؟؟
وسيم:هههههههههههههههههههههههههه مش عارف ...
أنا:لما تعرف ابقى قولي..بس انا ماعودتش بحب رامي
وسيم بغناء:حلو وكذاب ..ليه أصدقك؟؟
أنا:وسيم؟؟ دا واحد سابني بس عشان ما بخلفش
وسيم:حرام عليكي..دا انا اللي مش طرف في الموضوع ..عارف الحكاية كلها يا نجوى يا حلوة يا كاذابة
أنا:وإيه بقى هى الحكاية؟؟
وسيم:انتي اللي سبتيه يا نجوى.. أكيد يعني كان هيبقى صعب عليه في الأول يتقبل الموضوع ...بس انتي كأنك ماصدقتي وكبرتي الموضوع ...وخلتيته يطلقك ... نجوى..انتي بينتيله ان الحياة هتكون مستحيلة ..وانك مستحيل تعيشيها ... كنت عايزاه يعمل إيه؟؟ الراجل فضل يحايلك أكتر من شهر ..وانا وندى ..وحتى هاجر دي ..كلنا فضلنا نقنعك بس انتي ما رضتيش ...انتي صممتي...وعندتي...انتي كنتي عايزاه يتقبل الموضوع على طول..ومايخدش الوقت دا ... بس دا ماينفعش مافيش حاجة بتيجي كدا على طول ...بس نقول ايه في دماغك الناشفة
أنا: مش كدا أحسنله ؟؟ كنت شايفة اني لما أسيبه ويقدر يتجوز ويخلف هيكون سعيد وأنا كمان هأكون سعيدة....مش يبقولو الحب تضحية؟؟
وسيم العاقل كالعادة:الحب مش التضحية..الحب اللي يستحق التضحية ... هو استحق التضحية دي...بس ماكنش عايزاها ...وصعب على الراجل لما يحب حد..يغصبها على حاجة ...
أنا:بيحبني؟؟ شوفت راح اتجوز مين؟؟
وسيم:أولا هو قعد بتاع سنة ونص ما اتجوزش..صح ولا مش صح؟؟
وبعدين اتجوز هاجر... بس وبما اني قعدت مع رامي بعد انفصالكو بتاع 4 شهور عارف كويس..انه مش هو اللي راحلها ...وهى اللي كانت بتجري وراه..كعادتها ..شافت فرصة وانتهزتها ...وفي الأخر وبعد فترة طويلة من الزن اتجوزها ...
أنا:يعني انا اللي غلطانة؟؟
وسيم:الحق ولا ابن عمه؟؟
أنا:وسيم؟؟!
وسيم:اه غلطانة ... ولسه بتحبيه...شوفي فات على طلاقه قد إيه؟؟ سنتين وكام شهر؟؟
هو لسه متجوز من 8 شهور بس ..عشان هو كمان لسه بيحبك اخد كل الوقت دا عشان يتجوز غيرك
أنا:بس بعد إيه؟؟ هو اتجوزها خلاص ... ويمكن ..لأ أكيد عندك حق ..وانا كنت غلطانة ... بس ..............عايز الحق ولا ابن عمه؟؟
وسيم :ايه الرخامة دي ؟؟ بتقطعي الكلام ليه ..كملي
أنا:مهما هو حاول انا مكونتش هارجع
وسيم:وليه بقى ؟؟
أأنا:عشان ....انا كنت عايزة اسيبه ..قبل ما هو اللي يسيبني ...ومش قصدي يسيبني يطلقني يعني .... بس يسيبني ..بندمه...لما بندم انه كمل ...ندمه هيكون لحظي في وقته لما يشوف اصحابه واخواته بيلعبو مع عيالهم ...بس هيتوجع ساعتها ..وهيندم ...
وسيم:بس هيرجع ...
انا:وساعتها انا كمان هأكون ندمانة ...وموجوعة ....وانا ماعدتش عايزة اندم ولا اتوجع ...ولا عايزة هو كمان يندم ولا يتوجع
وسيم:ودلوقتي ؟؟ انتي ولا هو مش ندمانين وبتتوجعو
أنا: ماما كانت زمان تقولي..وجع ساعة ولا كل ساعة
وسيم:والسنتين اللي فاتو دول ..ساعة..؟؟ بتندمو وبتتوجعو بقالكو سنيتين واكتر وتقوليلي ساعة؟؟
أنا:انتي بتخليني أشعر بالأسوأ ..مش بتريحني
وسيم:عشان بقول الحقيقة
انا بضيق :وماقولتهوش قبل كدا ليه ؟؟
وسيم بضيق :عشان كنت فاكر انك هتنسيه وترتاحي ...عشان ب.............
نورهان لاشين
ليست هناك تعليقات:
إرسال تعليق