شبح من المستقبل الحلقة السادسة عشر

الحلقة السادسة عشر 

رامي:ب...... قولك إيه...
انا :ههه ..نعم 
رامي:انتي زعلتي من تصرف وسيم 
أنا:لأ ..بس كنت عايزة اوجه الموقف دا بنفسي من غير مساعدة
 رامي:ان يساعدك أحد لا يعني انك فشلت بل يعني انك لست وحيدا...
أنا:عندك حق 
رامي:انتي فعلا  شايفة الرجالة وحوش ؟؟
أنا:كنت 
رامي:ودلوقتي ؟؟
أنا:مش كلهم 
رامي:وانا من اي نوع..؟؟
أنا:انت عارف نفسك اكتر مني فقولي انت من اي نوع
رامي:انتي عايزاني من أي نوع؟؟
أنا:اللي مش وحش
رامي:اذا انا كدا ..
أنا:الحمد لله
رامي:ب.... قولك 
أنا:هههههههههههههههههههه نعم 
رامي:ب...
أنا:قولك 
رامي:ههههههههههههه 
أنا:ها قول..
رامي:انت كاتبة رائعة 
أنا:قولتلي قبل كدا 
رامي:والله؟ طب وانسانة مميزة 
أنا:بجد؟؟
رامي:اه ..وعينيكي
أنا:مالهم؟؟
رامي:لونهم بني انتي عارفة؟؟
أنا:هههههههه اه عارفة 
رامي:بس زي القمر ...عارفة انتي مميزة ..غير أي حد أعرفه ...خاصة في نظرتك زي ما قولتلك قبل كدا ..مختلفة ...جذابة ...فاتمنى منك يعني تلبسي نظارة ..
أنا:ليه بقى ان شاء الله 
رامي:لأن كل اللي هيشوفك هيفضلو يبصوا في عنيكي 
أنا:بتغير؟؟
رامي:ماينفعش؟؟
أنا:لأ ينفع 
رامي:طب خلاص ..
انا:بس انا نظري كويس 
رامي:والناس نظرها كويس ...بطلي بس نظرتك دي 
أنا:اى نظرة 
رامي:كل نظراتك 
أنا:اتعمي يعني 
رامي:اتعمي عن كل الناس الا انا 
أنا:عمي اختياري؟؟ اول مرة اسمع عنه 
رامي:واديكي سمعتي
أنا:وانت؟؟
رامي:انا إيه؟؟
أنا:هتتعمى؟؟
رامي:بتغيري؟؟
أنا:ماينفعش؟؟
رامي:ههه لا ينفع 
أنا:خلاص 

كلامي معه ليس جدالا ... بل حديثا شيقا ..أحب حديثه ..كلماته ..همساته..حتى نظراته ..رجل غريب ...يوسف جديد 

رامي:هو انتي لسه بتروحي لوسيم؟؟
أان:ازاي يعني؟؟ 
رامي:المستشفى 
أنا:ساعات بس مش كطبيب..كصديق 
رامي:وانتي عايزة تبقى عليه كصديق؟؟
أنا:يعني؟؟
رامي:مش عارف... انا هأكون صديقك  
أنا:يعني عايزني اتخلى عن صداقته؟؟
رامي:لا مش كدا..بس انا هأكون موجود ...قبله
أنا:أكيد

غيرااااااااااااااااان   
تحدثا لقرابة الساعة ..ثم  تعشينا معا في البيت وذهبوا جميعا إلا وسيم 

جلسنا في الحديقة لبعض الوقت 
وسيم:مبروك
أنا بفرح وسعادة:الله يبارك فيكي..عقبالك 
وسيم:لااا انا كدا كويس 
أنا:بكرة تحب ..وتنسى الكلام دا
وسيم:أما يبقى  يجي بكرة ....قوليلي ...هو كويس معاكي 
أنا:لسه بدري على الكلام دا ..لسه ما اتعملناش مع بعض أكتر..بس لغاية دلوقتي ..راااائع
وسيم:رااااااائع ماشي ياعم الرومانسي...ربنا يتمملك بخير ...
أنا:هو انا المفروض اجي لسه المستشفى ؟؟
وسيم: اذا طبيبك ماعدتش في المستشفى هتيجي ليه؟؟
أنا:نعم؟؟
وسيم:رامي...اناموجود في الوقت اللي تحتاجيني فيه يا نوجة ..ومش هأزعل أبدا  منك 
انا:وانا كمان..على طول موجودة في الوقت اللي تحتاجني فيه ..
وسيم:عارف... يلا تصبحي على خير بقى ..
أنا:وانت من أهله 

رحل وسيم ..وترك أفكار عديدة في عقلي
ولكن ليس اليوم..يوم التفكير في أي شئ..غير خطوبتي القادمة  بعد أسبوعان

أسبوعان ولا أروع ...قررنا  إقامتها في حديقة منزلنا ..فزيناها وكان وسيم دائما حاضر يساعد في كل شئ...ذهبت لأشترى فستانا بلوني المفضل..الفيروزي فستان رائع ..ساعدتني في انتقاءه صديقتي المفضلة ندود 

كل شيئ كان رائعا ..حتى المحاضرات ..وجودي فيها كان ممتعا ولاأعرف كيف

ولأول مرة أتأكد فعلا..أن الحب يجعلنا أجمل 
أجمل بكثييييييييير جدا 
هو اجمل..أنا أجمل..الحياة أجمل .. 
سعادة رائعة غمرتنا جميعا.

يادبلة الخطوبة عقبالنا كلنا ....

نورهان لاشين

شبح من المستقبل الحلقة الخامسة عشر

الحلقة الخامسة عشر

خرجت ندى ولم أعرف إلى أين ذهبت  وبما تفكر ... هل فهمت الوضع ...وإن لم تفهم هى وهى صديقتي فمابال من سيطلب يدي بعد ساعتين ؟؟ ماذا فعلت بنفسي ياربي ..أنجدني 

دخلت على هاجر فجأة:هى ندى صاحبتك راحت فين؟؟
انا:راحت مطرح ماراحت ياهجر...ممكن تخرجي بره 
هاجر:طايب في واحد حلو كدا واقف بره 
أنا:حلو مين؟؟وسيم؟؟
هاجر:أه هو وسيم 
أنا:امشي ياهاجر 

خرجت مسرعة للحلو وسيم 
وسيم:مالك؟؟ 
أنا أريد الهرب من مراقبة هاجر :تعالي نخرج الحديقة وأقولك 

وخرجنا إلى حديقتي  الرائعة ..حديقة الذكريات اليوسيفية 
وسيم:بقى هنا كنتي بتقعدي انتي ويوسف؟؟
أنا:اه ...وهنا كنا بنتمرجح  لحد بليل 
وسيم:ماقولتيش مالك ؟؟
أنا:ندى..قولتلها الحكاية ...فسابتني ومشت 
وسيم:قولتلها إيه؟؟
أنا:قولتلها الحقيقة اللي أعرفها..قولتلها انك جاي وانك دكتوري ..واجارك الله من تعابير وشها لما سمعت انك دكتور نفساني ...واني مجنونة 
وسيم:انتي مش مجنونة 
أنا:دا رأيك انت 
وسيم:دي الحقيقة 
انا:حقيقة الناس ماتعرفهاش 
وسيم:هترجع 
أنا:مين قالك ؟؟
وسيم:عشان اللي يعرفك عن قرب ..يعرف كويس اوي انك أي حاجة إلا مجنونة...ولأنها واقفة وراكي 

قفز قلبي مع قفزتي عندما سمعت ذلك ..  ذهبت إليها 
ندى:آسفة يانوجة ...بس كنت عايزة أفكر 
أنا:وفكرتي؟؟
ندى:اه ... انتي أصلا أعقل إنسانة في الدنيا 
أنا:شكرا لأنك رجعتي 
ندى:واحنا لينا مين غير بعض 

ضممنا بعض...وهذه أول مرة أشعر فيها بذلك الشعور..البيت 

وسيم:احم احم..نحن هنا 
أنا:اه ..دا وسيم الدكتور ..ودي ندى صاحبتي 
ندى:أهلا وسهلا
وسيم:أهلا ياندى..نجوى كانت لسه بتحكيلي عنك 
أنا:طلعتي بتيجي على السيرة 
ههههههههههههه ضحكات ضحكناها معا ..ثلاثتنا ...او أربعتنا فهاجر لم تفارقنا ...بالأخص لم تفارق الحلو وسيم 

وجاء الموعد المحدد وجاء رامي ووالده 
لم أكن متوترة كأي فتاة في نفس موقفي..فأنا لست مثل أي فتاة..أنا فتاة مجنونة وعليها شرح ذلك لهما ...ولكن كيف؟؟

استقبلنا رامي ووالده ووالدته... كم يبدو وسيما ..مهندما كعادته ولكن اكثر إشراقا ..نسيت كل شئ ...جنوني..مرضي..يوسف..وسيم ..نسيتهم في خضم عينيه ونظراته...فلا يتسع عقلي لأكثر من نظراته ...فمابالك بكلماته..وهمساته...كم عقل أحتاج؟؟

أعطاني الورود وهو يهمس بعينيه :انتي ازاي بتبقى أجمل كل يوم؟؟
جلسوا جميعا أهل رامي وأمي وخالتي وهاجر  اما وسيم فاجلت ظهوره حتى أتأكد  من طلب رامي والذي يبدو واضحا جدا  

وأصبح الآن مؤكدا ...يفعل..يطلب يدي ..يطلبني كلي 
والده :أكيد ليكم الوقت تسألو علينا وعلى رامي..لكن رامي حب اننا نيجي معاه من أول مرة ليأكدلكو انه مصمم
رامي:أتمنى أسمع رأي مبدأي على الأقل 
ماما:انا مش هلاقي احسن منك لبنتي  وهى كانت بتحكيلي عنك  على طول  وعن مساعدتك ليها في نشر الرواية بتاعتها ...بس الرأي النهائي لنجوى 

لا أعرف لماذا لم تفكر أمي في أنه يجب أن أخبرهم عن مرضي السابق ... هل يجب أن اصمت...أن  أحبس كلامي ...كما أحبس كلاماته في ذاكرتي 
لا...لن أفعل...إن كان يحبني ..كما أفعل فعليه أن يتقبلني ..كما أنا  
نجوى:قبل ما أقول رأيي ..أحب أعرفكو على شخص الأول 
رامي:مين؟؟

دخل وسيم كما يدخل الملك قاعة قصره ...  له هيبة في دخوله ..ليس السبب ملابسه أو ثرائه فهو ليس ثريا لهذا الحد ..لكن روحه  لها رونق ..ولها وسامة خاصة بها 

انا:الدكتور وسيم 
ماذا؟؟؟!؟!؟!؟!؟!؟!؟!

هل أتخيل ؟؟ ما هذا اللقاء الحميم بينهما 
رامي:ازيك يا وسيم من غير دكتور  
وسيم:ازيك يارامي من غير استاذ 
رامي ووسيم:ههههههههههههه 
انا المصعوقة :انتو تعرفوا بعض؟؟
رامي:لسه امبارح بس ... الدكتور وسيم كلمني ...وخلاني اقابله ..وفهمني كل حاجة 
أنا:فهمك إيه؟؟
وسيم:اللي انتي كنتي عايزة تقوليه ..هو يعرفه من امبارح ...
أنا:وليه ما قولتليش ؟؟
وسيم:قبل ولا بعد؟؟
أنا:الاتنين
وسيم:حبيت أسهل الامور 
رامي:وكان عنده حق... انا جاي وانا عارف كل حاجة ...واخد قراري ... 
انا:بس...
وسيم:من غير بس...خلاص بقى ..مش هنقرا الفاتحة؟؟

نظر لي رامي يسألني هل يقرأها ؟؟
أنا مكسوفة:نقرا الفاتحة 

وانطلقت الزغاريط ... وانطلقنا أنا ورامي إلى الحديقة لنتحدث سويا وبمفردنا لأول مرة 

رامي:ب................

نورهان لاشين

شبح من المستقبل الحلقة الرابعة عشر

الحلقة الرابعة عشر 
رامي :وكمان عشان ...ألاقي حجة أكلمك بيها 

لن أقولها بالفصحي ..العامية تكفيها 
هييييييييييييييييييييييييييييييح ... أحيانا أشعر حياتي كفيلم عربي قديم ..هى فعلا تبدو كذلك 
هلا أفقتي ؟؟؟ بماذا ستردين !!

رامي:أنا ضايقتك ؟؟
أنا المكسوفة والغير مصدقة:أنا؟؟ لأ ....هو عايزني امتى انهارده؟؟
رامي:ع الساعة 2 
أنا:اوك ماشي 
رامي:تسمحي أروح معاكي 
أنا:أكيد .. انت برده عندك خبرة  
رامي:صح ..عندي خبرة 

لا أستيطع ..حقا لا أقدر ...أنا لن أترك مشاعري لتظهر ..لن أفعل  عليه التعب ...وإن فعل فسأضنو بالطريق إلى عليه  كما قالت ليلى للمجنون 
وأي مجنون يتبع الجنون كما يفعل معي ؟!!

ذهبنا معا بدون كلام لدار النشر واخترنا معا الغلاف ..لم نتناقش كثيرا فذوقه يعجبني ...فأنا أعجبه فالطبع ذوقه رفيع 
ليس غرورا ... ولكن شعور بالأهمية 
ولكني من قبل قرات أن أسوأما تفعله أن ترى نفسك مهما  ..ولكن هل هذه صحيحا ؟؟
مالعيب في أن اكون مهمة ... ؟؟ على الأقل لدى شخص ..أكون مميزة  ولست كأحد غيري ؟؟ أينعم أحب أن يمتد هذا الشعور لباقي الناس ولكن لا يهمني باقي الناس ...لا أفعل ..لم أعد أفعل منذ وقت طويل 

لنعد للواقع فانا  الآن معه  فماذا أفعل؟؟!

رامي:نجوى انتي معايا ؟؟
أنا :اه معاك 
رامي:انتي غريبة 
أأنا:ازاي؟؟
رامي:عنيكي دايما غامضة مابعرفش انتي معايا ولا لأ فاهماني ولا لأ ...بتخليني أغوص فيهم عشان يمكن ..ودا يمكن أفهم ..
انا:عين بلا مشاعر 
رامي:فعلا ...كان ممكن تطلعي ممثلة شاطرة 
أانا :انا بفضل الكتابة 
رامي:وهى كمان بتفضلك ..روايتك رائعة ...تحس انها حقيقة وحصلت بجد ..أسلوبك راقي في الكتابة رغم تخلل العامية فيه لكن رائع وسلس 
أنا:أحرجتني على فكرة ..شكرا 
رامي:أنا مش بهزر ..فعلا رواية هتكسر الدنيا إن شاء الله 
أنا:بجد شكرا ..على كل حاجة ..انا ماكنتش هنشر روايات أو أي حاجة قبل ما أتخرج وانت ساعدتني ونشرت رواية في أول سنة ليا ..فبجد شكرا ليك 
رامي:العفو ..وراكي لسه محاضرات؟؟
أنا:لأ مروحة
رامي:طب خليني أوصلك 
أنا:معلش مش هينفع انا اصلا بحب أتمشى لحد البيت ماهوش بعيد قوى 
رامي:زي ماتحبي ...بس خلى بالك من نفسك ولو عوزتي حاجة كلميني 
أنا:إن شاء الله 
رامي:هتكلميني ازاي وانتي ماعكيش رقمي ؟؟
انا:صح ...
رامي:هاتي وانا اكتبهولك 

تبدالنا الأرقام ..صح أم خطأ ؟؟!! لا  أعرف ولكني أقنعت نفسي بأنه مجرد رقم عمل   
وهو لن يتصل ..لن يفعل أنا أعرف ذلك 

يبدو أني لا أعرف شيئا فاسمه يطل على من شاشة الهاتف  
ماذا يريد ؟؟ألم نترك بعضنا فقط من بضع ساعات قليلة ؟؟هل أشتاق إلى؟؟ ولما لا فأنا ايضا فعلت 
أنا:ألو السلام عليكم
رامي:وعليكم السلام ..ازيك يانجوى
أنا:الحمد لله كويسة ..
رامي:معلش أزعجتك بس  مدير الدار كلمني وقالي ان النسخ هتكون جاهزة على أول الأسبوع ..فقولت أفرحك 
أنا الفرحة جدا :بجد؟؟ وااااااااو الحمد لله ..أنا بجد سعيدة ..شكرا على الخبر الجميل دا
رامي:طب مش هتردهولي بقى ؟؟
انا :ازاي؟؟
رامي:يعني تعزميني ادخل البيت؟؟
انا :نعم؟؟
رامي:يعني بدل ما انا واقف بره كدا
أنا المتفاجأة القافزة من فوق سريري:نعم؟؟ انت واقف بره بيتي ؟؟
رامي:لأ بس هأقف بكرة ..هتفتحيلي ؟؟
أنا:نعم؟؟
رامي:انا ماليش دخل في الموضوع ..الحقيقة دكتورك هو اللي عايز يجي وأنا قولت أجي معاه 
أنا:نعم؟؟!؟!
رامي:انتي هتقضيها نعم؟؟ انا بكرة جاي مع الدكتور جلال ..الساعة 7 ابقى افتحي الباب ها ...سلام
.
.
.
.
.
.
. هذا ماحدث ..فترة صمت واسبهلال ......................................................................... ماذا قال؟؟ سياتي غدا ؟؟ ولم يفعل ؟؟ومع والده
مامااااااااااااااااااااااااااااااااااااااااااااااااااا

أنا:خلاص ياما هتخنقيني ...كفاية 
ماما:انا بجد فرحانة بيكي يابنتي واخيرا هأفرح بيكي 
انا:هتفرحي بمين هو ماقالش هو جاي ليه أصلا 
ماما:وهيكون جاي ليه يعني ؟؟ وكمان جايب باباه ..اوووه مبروووووووك 
أنا:ياماما ابعدي أبوس ايدكي انا زهقت أحضان ...ازاي بس هنقابلهم بكرة
ماما:عادي ..زي الناس 
أنا:بس احنا لوحدنا يماما
ماما:ماتخافيش هقول لخالتك تيجي تقعد معاانا 
أنا:لأ ..لا لا انا مابحبش بنتها ولا هى بتحبني 
ماما:معلش استحمليها شوية 
أنا:لا ياماما أرجوكي  
ماما:اومال هنقعد لوحدنا يعني ..خلاص خاتلك هتيجي هى وهاجر ماشي 
أنا مغلوبة على أمرها:ماشي 

هاتفت ندى لأعرف منها الأخبار 
ندى:مبروك ياكوكو 
أنا:كوكو مين ...مبروك على إيه ؟؟
ندى:على نودى برده ...مبروك على الأستاذ رامي وعليكي 
أنا:هو لسه حصل حاجة عشان تقوليلي مبروك 
ندى:ماهو هيحصل يانوجة...وهأقابله بكرة ..تيرارار 
أنا:تصدقي انا غلطانة اني كلمتك 
ندى:ماشي ياستو ..روحي نامي بقى عشان تفوقي بكرة ..هأجيلك البيت ماشي؟؟
انا:تنوري ..تصبحي على خير 
ندى:وانتي من أهله 

تلك الندى رائعة ...احبها بتلك العفوية والمرح والانطلاق تشبه موسيقى الدانوب الأزرق تماما 
الدانوب الأزرق؟؟ وسيم
أنا:ألو 
وسيم  المشرق حتى في صوته:ألو الو 
أنا:ههه ازيك ؟؟
وسيم:بخير طول ما انتي بخير
أنا:انا الحمد لله تمام ...كنت عايزة أقولك حاجة
وسيم:قولي
أنا:رامي
وسيم:ماله؟؟
أنا:جاي بكرة مع باباه 
وسيم:جاي يعمل إيه؟؟
أنا:ما هو دا اللي سألته لماما 
وسيم:جاي يخطبك؟؟
أنا: الرويتر ندى بتقول كدا 
وسيم:مبروك..انتي قولتي انك معجبة بيه ...فحلو .. مبروك يانجوى
أنا:الله يبارك فيك........بس ماأعتقدش انه يعرف 
وسيم:يعرف إيه؟؟
أنا:إنك دكتوري
وسيم:ههههههه وانك مريضتي سابقا 
انا:ايوة ..هو أكيد سأل عن بابايا وكدا وعرف الحكاية بس احنا عزلنا وماكناش قريبين من الجيران فماحدش يعرف غير بعض مدرسيني وأكيد أصحابي من المدرسة ..بس مستبعدة انه يسأل حد منهم 
وسيم:عايزة تقوليله؟؟
انا:أكيد 
وسيم:بس انتي ماعودتيش مريضة بيوسف دلوقتي ..انتي مريضة بيه هو ...فدا مايضايقوش 
انا:بس انا مش عايزة أكذب عليه 
وسيم:قوليله قبل مايجي إذا 
أنا:مش الأحسن أكلمه فيس تو فيس كدا..عشان أفهمه 
وسيم:خلاص كلميه لما يجي 
أنا:طب ممكن انت تيجي؟؟
وسيم:أجي فين؟؟
انا:تيجي بكرة .... لو سمحت بجد انا محتاجاك بكرة 
وسيم:كدكتور ولا كصديق ؟؟
انا:الاتنين ...ممكن؟؟!!
وسيم:انتي تؤمري
أنا:اوكيه ...هستناك بكرة الساعة 6 ماشي ؟؟
 
وسيم:ماشي وأمري لله ...روحي نامي يلا 
أنا:حاضر ..تصبح على خير ...وشكرا 
وسيم:وانتي من اهله...والعفو 

لم أشعر بهذا الشعور مسبقا ...لا أستطيع النوم من فرط سعادتي ...لا يأتيني حتى نعاس ...الراحة ..الانشكاح ...النور ..ياالله ...هل بقيت مستيقظة حتى الآن؟؟أتى الصباح ..فل أستعد لجماله بجمالي...ولأستعد لنوره بنوري ...لا أضاهيه نعم ...ولكني أنافسه اليوم ...ليس اليوم أيها الصباح فأنا في كامل قوتي 

مضى اليوم في تجميل البيت وتجميلي واحتمال التي لا تحتمل ابنة خالتي هاجر 
هاجر:هو انتي يانوجة متاكدة ان رامي دا حقيقي؟؟ولا زي يوسف كدا ؟؟
أنا الغاضبة المغتاظة:ايه رأيك..تمشي من وشي
هاجر:يعني مش عارفة!!
أنا:عارفة ياهاجر ايه اللي اتعلمته من الحياة ... احذر المجانين ..فاحذريني بقى واتكلي ..اخرجي بره أوضتي لو سمحتي 

تطل ندى برأسها ومرحها من الباب 
ندى:أنا جييييييييييت 
هاجر:أصحابك شبهك 
ندى بعد ما اغدرت هاجر:مالها دي؟؟
انا:غيرانة 
ندى:جرب نار الغيرة يانشأت 
أنا:ههههههههههههه  هى الساعة بقت كام ؟؟
ندى:يعني 5 
انا:يعني وسيم قرب يجي
ندى:وسيم مين..اسمه رامي 

أوووووووووه ندى لا تعرف ...هل هو أجمل يوم في حياتي أم أسوأه..هل سأخسر صديقتي ومن أحب اليوم ؟؟ 
أنا:تعالي اقعدي ..عايزة أحكيلك ...
ندى:وأدي قعدة
أنا:وسيم دا يبقى الدكتور بتاعي ..سابقا وحاليا صديقي
ندى:دكتور إيه..انتي عيانة؟؟
أنا:دكتور نفسي
ندى:نعم؟!؟؟!
انا:عندي فصام ...كان عندي ..او ماكنش عندي هو..انا كنت بستهبل 
ندى:بتقولي إيه؟؟ وليه خبيتي عليا؟؟
أنا:ندى الأمر دا من قبل ما أشوفك ..وماجتش فرصة أقولك 
ندى:ماجتش فرصة تقوليلي حاجة زي كدا؟؟
انا:ندى وإيه اللي اتغير ما انا زي ما انا  نجوى...ايه اللي اتغير لما عرفتي ...؟؟!!انا كنت مريضة  بالنسبة للناس ودلوقتي خفيت بالنسبة للناس 
ندى:وبالنسبة لك؟؟
أنا:انا عمري ماكتن مريضة بالنسبة ليا ...ولو انك تتمنى صديق وحد مايسيبكش طول عمرك ...دا يبقى مرض..فليحيا المرض 
ندى:قولتي لرامي ؟؟
أنا:هأقوله لما يجي ...
ندى:كان المفروض تقولي قبلها ...  انتي كدا بتخدعيه
أنا:انا مابخدعوش ..هو لما جي وقبل أي حاجة هأقوله ... انا بس كنت محتاجة ان كلامنا يبقى مباشر ومش في التليفون
ندى:وليه ماقولتليوش قبل كدا؟؟
انا:وليه أقول لواحد غريب عني حاجة زي دي؟؟
ندى:يعني انا غريبة عنك 
أنا:ندى أرجوكي..انتي عارفة كويس اني  مش قصدي كدا ..وعارفة انك أكتر واحدة قريبة مني 
ندى:لأني الوحيدة القريبة 
انا:إيه؟؟
ندى:كنت حاسة ان فيه حاجة ...بتتبسطي من حاجات تافهة أي بنت عملتها قبل كدا ..بس انتي عمرك ماعملتيها لأن عمرك ماكان ليكي صديقة ...فلما كنتي بتعمليها معايا كنتي بتحسي بسعادة رهيبة ...ياترى ليه ماكنش ليكي صديقة ..وانتي زي ما بتقولي مش مريضة 
انا:عشان ياصاحبتي الوحيدة... ماحدش كان بيشوفني بجد ...الناس كانت بتشوفني اني مريضة ...مع انهم كلهم مرضى ...الفرق اني الوحيدة اللي كنت بتعالج ..بس مش عند كتور ..عند نفسي ...فمين عايز يبقى صديق لمريضة الناس اللي كسرت قاعدتهم وعالجت نفسها ؟؟ 
بس اللي اعرفه كويس ياندى...اني مابعرفش امثل ...بس دا اللي عندي ...

نورهان لاشين

شبح من المستقبل الحلقة الثالثة عشر

الحلقة الثالثة عشر

ندى:عشان معجب
انا باستغراب:معجب؟؟
ندى:اها ..وباباه كمانمعجب بيكي وبأخلاقك وشخصيتك 
أناباستغراب أكثر:باباه مين؟؟
ندى:الدكتور جلال ياحلوة ...
انا:الدكتور جلال مين؟؟
ندى بتريقة:إيه الدكتور جلال مين دي؟؟ اومال ايه الدكتور جلال دا احسن دكتور في الكلية ..وانا بحب الدكتور جلال 
انا:نعم؟؟ هو الدكتور جلال دا يبقى ....
ندى:باباه ..أيوة 
انا:بس مافهمتش برده..عايز إيه يعني ؟؟
ندى :عايز يخطبك ياجاهلة 
أنا:يخطب مين؟؟ دا احنا نعرف بعض مابقلناش شهر وشوية ...هو لحق ؟؟
ندى بفطنة:بس انتي لحقتي 
أنا أداري كسوفي وخجلي الشديد:هو باين؟؟
ندى:يابنتي مافيش حاجة بتخفى عني أبدا 
أنا:طايب بس برده 
ندى:بس برده إيه؟؟
أنا بلخبطة وعدم تصديق: مش عارفة ...اه ايه اختبار دي ..يعني ايه يختبرني 
ندى:بقولك إيه رامي دا شخص عملي وعقلاني اكتر من انه واحد رومانسي ..رغم انه كتاباته غير كدا ... يعني هو اه معجب بس عقله برده متحكم فيه 
أنا:يعني مش بيحبني 
ندى:يوووه يانوجة ...انا مادخلتش جوه قلبه ..يمكن اه بيحبك ويمكن لسه ..بس أكيد مش لأ  مابيحبكيش 
أنا:وانتي ايش عرفك يافالحة ؟؟
ندى:ما انا قولتلك مافيش حاجة تخفى عليا أبدا 
أنا:ماشي ياختي ..خلينا بقى ندخل المحاضرة 
ندى بلؤم البنات:طبعا ماحماكي هو دكتور المحاضرة اللي جاية 
أنا بمرح بنات لم أعهده:امشي يابت من قدامي  بدل ما أضربك

هل عدت طبيعية؟؟ لا أرى الرجال وحوشا ..رغم انها حقيقة ...أحبني الجديدة..أحب العفوية والطبيعية والتلقائية ..تلك الحميمية التي أشاركها مع غيري..انسيابية لم اأعهدها ..حميمية...انسيابية ...يفكرني ذلك بكلام يوسف عن ألة الكمان ...آلته المفضلة ... كم كنت أتمنى لو اشترينا واحدة منذ زمن ... 

دائما الوسيم وسيم لديه إجابة عن أسألتي فسألته ما دار برأسي
انا:تفكر اللي بعيشه دا هو حاجة طبيعية ؟؟
وسيم:اه أكيد... بنت ليها أصدقاء ..ومعجبة ..وفيه عريس عايز يتقدملها ..في أكتر من كدا طبيعية؟؟
أنا:لا ...مافيش ... عمري ما اتخيلت اني مكن أبقى كدا 
وسيم:واديكي بقيتي كدا ...فرحانة؟؟
أنا:بتهيألي 
وسيم:بتهياألك ؟؟!!
أنا:أنا فرحانة دلوقتي ..بس مش عارفة بعدين ..ممكن كل دا يروح 
وسيم:خلينا في دلوقتي ..دلوقتي المهم .. لأن انهارده مش بس هيكون امبارح لكن كمان هيكون بكرة .... فخلى انهارده حلو عشان يكون ذكرى حلوة ومستقبل مشرق 
انا:مش عارفة ليه برتاح لما بتكلم معاك ..مع اني كنت بكرهك في الأول 
وسيم:ما محبة إلا بعد عداوة 
أنا:بس انت ايه رأيك في رامي ؟؟
وسيم:من كلامك يبدو إنه شخص كويس...كفاية انه رجعك طبيعيية... 
أنا:انت عارف اني ماعودتش بشوف يوسف ...حتى عندك 
وسيم:عارف
أنا باستغراب :عارف منين بقى ؟
وسيم:عنيكي بتقولي...لمابتشوفي يوسف عنيكي بتلمع ... بتفكريني ساعتها بفيلم الباب المفتوح والرواية لما عرف انها اتخطبت لغيره ..قالها كفية ان عنيكي مابتلمعش إلا ليا ....وانتي عنيكي مابتلعمش إلا لما تشوفي يوسف 
انا:يعني عنيا مش بتلمع دلوقتي ؟؟؟
وسيم:بتلمع 
انا باستغراب أكثر :بس انا ماشوفتش يوسف 
وسيم:بس بتشوفي فيا يوسف 
انا:عارف ايه اكتر حاجة بتزعجني فيك؟؟
وسيم بمرح :ذكائي طبعا 
انا:ورخامتك ...بس بقيت بحبهم ..... اعرف يا وسيم .. رغم إن الرجالة كانو وحوش بالنسبة ليا..بس دلوقتي بقيت بشوفهم عادي 
وسيم الفاهمني جدا :بنبقى أجمل لما بنبقى مألوفين..انتي ألفتي وجود بعض الرجال في حياتك ..فبقوا أجمل مع الوقت 
أنا:مش كل الناس بتبقى أجمل مع الوقت 
وسيم:ومش كل الوحوش بتبقى أوحش مع الوقت ...نسبية 
أنا:كنت فين من زمان ؟؟
وسيم:كنت في كلية طب بعيد عنك 
أنا:هههههههههههههه ... فعلا انت شبه يوسف..بتفهمني وبتعرف تضحكني بس برده مختلف عنه 
وسيم:أحلى منه طبعا 
انا:هههههههههههههه انا بقول أقوم أمشي أحسن ..
وسيم:ماشي ... سلميلي على رامي 
أنا:الله يسلمك ...رخم 
وسيم:من بعض ماعندكم 
انا:اه صحيح ... هى الموسيقى اللي كانت شغالة دي كانت كمان صح ؟؟
وسيم:اه ..انا بحب الكمان ... 
أنا:وأنا كمان ...مرة يوسف قالي  في يوم هأجيب الكمان دا..دا صديق رائع ..إحساس العزف عليه ..مختلف..انسيابية وحميمة مش هتلاقيهم في ألة تانية ...في يوم هأعزفلك  بعد العصر وقبل الغروب..واحنا بنشرب فنجان شاي وبناكل كيكة انتي اللي عاملاها  هأعزفلك انتي بس 
وسيم:هو انا ممكن أطلب منك طلب؟؟
انا:اتفضل
وسيم:ممكن تبطلي تتكلمي عن يوسف كأنه كان حقيقي..انتي عارفة كويس انه ماكنش 
أنا:بيعجبني جدا انك عارف ايه اللي اان عارفاه...بس المرة دي فاتك اني لو اعترفت بكدا ..مش هيبقى ليا ماضي ولا ذكريات ...ولا كلام اتكلم فيه معاك ... ..الماضي هو الحكاية اللي بكمل عليها ..فأرجوك ماتطلبش مني إنه يكون وهم 
وسيم:بس هو ..
أنا:وهم ...وماله ...بس على الأقل  عايشة بيه  ..ماتخافش انا خفيت خلاص..ويوسف بقى حقيقي 
وسيم:رامي؟؟
انا:اه  ... رامي ..اما نشوف أخرتها معاه 
وسيم:هنشوف ..اتفضلي يلا من غير مطرود 
انا:ماشي يادكتور سلام 
وسيم:سلام 

هل كنت مصيبة عندما قلت أن بديل يوسف هو رامي؟؟ ولكن ليس رامي من يفهمني ويعرف كيف يقرأني ..ليس رامي من تلمع له عيناي ...لكنه بالتأكيد من يدق ل قلبي ...أو هذا ما أظنه ..فأنا لا أعرف كيف يدق القلب لشخص حقيقي ...لا أعرف 

في يوم آخر في الجامعة
رامي:نوجة؟؟
أنا باستغراب :أهلا 
رامي:معلش قولتلك نوجة  كدا ..بعتذر إذا ضايقتك 
انا بوجه بابتسامة خفيفة تدل على استغراب :لأ عادي 
رامي:مدير الدار اتكلم معايا انهارده ..وعايزنك تيجي عشان تشوفي تصميم الغلاف..ولو وافقتي عليه يبدأو نشر 
أنا:وهو ماكلمنيش ليه؟؟
رامي:عادي ..انا قايله لما يعوز حاجة يكلمني 
أنا:أيوة بس كان المفروض يكلمني أنا 
رامي: المرة الجاية يكلمك 
أنا:انت ليه مستهون بالموضوع كدا ..وشايف انه عادي 
رامي بابتسامة:سجل يا تاريخ أول خناقة لينا 
انا:انا مش بتخانق انا بس.......
رامي:من غير بس انا قولتله لما يعوز حاجة يقولي ..عشان انا فاهم في الموضوع ومش عايزه يخليكي تعملي حاجة ماتكونش في صالحك ..

كنت سأرد عليه  بأني سأعرف ما يضرني وماينفعني ولكن رده ألجم ساني 

رامي:وكمان عشان..............

نورهان لاشين

شبح من المستقبل الحلقة الثانية عشر

الحلقة الثاينة عشر 
وسيم الغامض :لأني في يوم كنت زيك ..محتاج اللي يفهمني ...وفتحت كتابي ..وماحدش اهتم...مش كل حاجة مفقودة مابنقدرش نقدمها ..ساعات بنعرف نعطي اللي فاقدينه عشان ميحسش غيرنا اللي حسينا بيه
أنا المصدقة على كلامه المهتمة به: ودلوقتي؟؟
وسيم:دلوقتي عندي اللي يفهمني وقرا كتاب واهتم بيه ...دوري اني أفهم وأقرا كتب غيري 
انا:واشمعنا أنا ؟؟!!
وسيم:كتابك يستحق القراية 
أنا المريضة مجددا:بس انت وحش 
وسيم:ماتنسيش انه دوام جزئي...بيخلص ...فهكون صديقك لما أكون إنسان ولما أبقى وحش هأبعد 
انا المريضة:بس انتو بتكونو وحوش لما تبعدو 
وسيم:يبقى ما تبعديناش
انا:انتو اللي بتروحو بمزاجكو 
وسيم:اذا روحت ..ليكي كل الحق في إنك تكرهيني ..لأني ساعتها هأكون وحش بدوام كامل..وليكي كل الحقانك تنتقمي مني ساعتها 
انا:مش هسامحك 
وسيم:ماتسامحنيش ... أبدا 

صديق؟؟ طبيب؟؟ أيهما أريده ان يكون ؟!! أيهما يريد هو ........... صديق وأخيرا 
انا:ماشي...موافقة
وسيم:على ايه؟؟
أنا:على طلب الصداقة
وسيم بمرح وسعادة:الحمد لله فكرتك هتعمليلي بلوك 

هههههه صديق رائع ومرح 

وسيم:قوليلي هو باباكي ماحاولش يتصل بيكو خالص ؟؟
أنا:حاول كذا مرة لكن بعد كدا ماعدش 
وسيم:وكنتو بتردو ازاي في المرات دي؟؟
انا:أكيد كنا بنصده واحد اختار يبعد عنا ..مش بمزاجه يرجع 
وسيم:كان ممكن تدوله فرصة تانية ... فيه ناس كتير محتاجة أب 
أنا:بس مش زي دا ...دا واحد عاش حياة تانية وبدأ يتخلى عنا شوية بشوية ...مابقاش يجيلي الحضانة ويحضر حفلاتي .. مابقاش بيجيب كيس الشيبسي أبو ربع جنيه ويحطه بره على الترابيزة لما يدخل عشان أقوم ألاقيه الصبح..مابقاش يعمل حاجات صغيرة ..لكن مهمة ..مابقاش بابا ماكنش ينفع فرصة تانية
وسيم:ودلوقتي ؟؟؟
أنا:لأ ..مفيش فرص أبدا ليه
وسيم:أكيد وحشتيه
انا:لأ ...لأ ماوحشتوش..وليه أوحشه ...هو أصلا مش فاكرني 
وسيم:يمكن.....
انا:مش انت عايزنا نبقى أصدقاء ؟؟
وسيم:ايوة
أنا:بطل تتكلم معايا عنه ... دا الراجل الوحيد الوحش بدوام كلي فبطل تجيب سيرته 
وسيم:حاضر ....ممكن بقى تحكيلي عن واحد تاني 
أنا:يوسف؟؟
وسيم:لأ رامي 
أنا:أخدني لدار نشر وعرضت روايتي وقبلوها وقريب هتتنشر ان شاء الله
وسيم:مبروووك ... بس عمل كدا ليه؟؟
انا:ماقالش ..مارضاش يقولي 
وسيم:وهو أي حد كدا بيقابلة بيساعده ينشر روايته؟؟
انا:أكيد لأ...مش قادرة أوصل لسبب يخليه يعمل كدا 
وسيم:وصاحبتك ندى؟؟
أنا:ماتعرفش يمكن اخوها ماقلهاش لأنه أكيد عارف
وسيم:خلي بالك من رامي دا مش عارف ليه مش مطمنله 
أنا:يوسف مخالفك الرأي
وسيم:يوسف واللي هو انتي بيفكر في اللي انتي عايزاه وبس..لو حبيتي تصدقي رامي يوسف هيصدقة ..ولو ماحبتيش خلاص
أنا:لسه مصمم ؟؟
وسيم:انتي اللي لسه مصممة ...قوليلي حسيتي بإيه لما رقصتي معاه؟؟
أنا:انت مش لسه قايل انه مش حقيقي 
وسيم:بس مش معنى كدا انك ماحستيش بحاجة
انا:في قمة السعادة بالنسيابية 
وسيم:انتي مجنونة رسمي 
انا المبتسمة:بزمتك مش عايز تبقى مجنون زيي؟؟
وسيم:مش زيك أوي كدا 

حديثنا طال..ويطول كل مرة نتقابل فيها ..سعدت أمي بصداقاتي الجديدة وسيم وندى 
وخانت البكاء مع السعادة ..ويالها من خيانة مشروعة !!!

أما رامي الغامض...فهو لم يغب عن بالي ..يزيح يوسف كل يوم من تفكيري ليتربع عليه 
فاطمئننت لرجل ..غير الصديق وسيم ...بدأت أعطيه قلبي والاهتمام ..رغم أن قلبه مازال معه ...بدأت أصبح فتاة بلهاء عاشقة 

رامي:صباح الخير
أنا المكسوفة:صباح النور 
رامي :ازيك انهارده؟؟
أنا المبسوطة:الحمد لله وانت؟؟
رامي:كويس الحمد لله ...روايتك هتقرب تتنشر ..استعدي 
أنا:ربنا يستر 
رامي:روايتك حلوة جدا ماتقلقيش ...ممكن أعزمك على فنجان قهوة ؟؟

ها قد جائت فرصتي ..وقد ظهرت بعض العلامات ..فهو لا يعزم فتيات على قهوة أبدا 
ولكني لن أفعل ..
أنا:أسفة بس ماينفعش شكرا على كل حال ..بعد إذنك ورايا محاضرة 

ماذا ؟!؟! ماذا فعلت؟؟قد يظن أني أكرهه ..هل أعود ..أريد أن أعود ....أريد أن أقتلني ..مابي أتلهف هكذا على وحش ... كم صرت غبية عاشقة 

 ندى:ازيك ؟؟
انا :ااااه ..مش تدي كلاكس قبل ما تيجي 
ندى:أنا بقالي ساعة بنادم ..اللي واخد عقلك 
انا:مافيش ..
ندى:على ماما ؟؟
أنا:اصل رامي عزمني على فنجان قهوة وصديته ..وخايفة يكون زعل 
ندى:لأ ماتخافيش مزعلش...
انا:وانتي إيش عرفك ؟؟
ندى:لأنه حتى لو قبلتي كان هيتحجج بأي حاجة عشان يلغي العزومة ..هو مابيقعدش مع بنات على  كافيهات 
انا:كان اختبار يعني؟؟؟
ندى:حاجة زي كدا 
أنا:ليه؟؟
ندى:عشان.....................

نورهان لاشين

شبح من المستقبل الحلقة الحادية عشر

الحلقة الحادية عشر


لم أتخيل ما كلمني عنه أبدا ...لم أفعل ... كنت أسمعه لأقول في نفسي ...نعم ؟؟

رامي:انتي كتبتي روايات قبل كدا؟؟
أنا:أيوة ليه؟؟
رامي:إيه اكتر رواية فيهم نفسك تنشريها ؟؟
أنا:شبح من المستقبل 
رامي:اذا هاتيها بكرة معاكي الكلية ونروح دار النشر ونعرضها عليهم 

ماذا يقول هذا الرامي... أكل شخص يجلس معه مرة يساعده في نشر روايته؟؟
أنا الغير مصدقة:ليه؟؟
رامي:ليه إيه؟؟
أنا:ليه بتعمل كدا ؟؟
رامي: عشان عايز اعمل كدا 
انا:وهو عشان انت عايز تقوم تقرر كدا وتعمل الي في دماغك ؟؟
رامي:ماهو دا كمان اللي في دماغك ..مش انتي عايزة تنشري روايتك ...يبقى احنا الاتنين متفقين والأمر مش محتاج منك كل اللي بتعمليه دا 

أفحمني ..أخرصني ..بالطبع أريد نشر قصتي عن يوسف صديقي الحبيب الغائب الحاضر ... هزمني..للمرة الأولى له يسجل نقطة لصالحة ..فتعادلنا ..... لا أعرف غلطتي ام غلطته ماجعلت من تسجيل النقاط أمر هام ...أهم من أي شيئ آخر 
فكلانا عنيد ..وكلانا لم يحب الخسارة ولم يعتدها .... 

تبدو الحياة حوله ومن الآن صعبة وغير مريحة .... ولكن ليست كل الأشياء كماتبدو عليه 

بعد ذلك بيومان ذهبنا لدار النشر بعدما جهزت الرواية لذلك ..وتم قبولها  بسهولة ..وهذا طبعا لوجوده في الصورة 

أنا الممتنة السعيدة:شكرا جدا ليك 
رامي المنتصر :العفو ...انتي كدا بتدينيلي بخدمة 

نقاط وخدمات ...حياتنا تبدو كعروض شبكة هاتف جوال 
أنا:لأ  ..انا مش مديونالك بحاجة ..انت  اللي طلبت مني اني أجي انا ماطلبتش 
رامي:بس كنتي هتطلبي 
أنا:بس ماطلبتش ... لكن في الحقيقة  ليك فعلا عندي خدمة ... انت سهلتلي حاجات كتير

رامي:طب تسمحي بعزومتي على  أي حاجة تتشرب في أي حتة تحبيها 
أنا:دي خدمة؟؟
رامي:لأ طلب 
أنا:في كلا الحالتين هرفض ...وشكرا جدا على كل حاجة بجد..أنا لازم أمشي دلوقتي ..
رامي:هنتقابل في الكلية إن شاء الله 
أنا:إن شاء الله
رامي:هتلاقيني في المكتبة 
انا:ماشي ..سلام 

مشيت أشعر بنظراته النارية تخترق قلبي المتجمد فتصهره ... قلبي الذي أقسم ألا يحب وألا يسلم لوحش ..بدأ يحنث بقسمه...إذا فعليه صيام ثلاثة أيام عنه ... وأي ثلاثة أيام قد ترضى بذلك الصوم ؟؟ 

بدأت أصغر في السن وأعود للسن الطبيعي 18 سنة ..فتاة صغيرة ..عادية ..لديها صديقة وفية ..ولديها حلم حبيب ..وشبح صديق 

بدأت أنسى ما شخصني به الأطباء يوما .. لم أعد أري الخيالات حقيقة ...أصبحت أرى  خيالات ستكون حقيقة ... 

رامي..رامي رامي ..ينسيني يوسف كل يوم أكثر ...أصبح خائنة أكثر وأكثر...وذلك الحلم وقلبي القافز إلى خيال شخص لا أستطيع رؤيته ..
هل هذه علامات شفاء من مرض لم أقره؟؟
و أعراض مرض لشفاء لم اريده؟؟

تقفز إليا يا وسيم كلما تردد ذهني .. كم رجل ..كم وحش في حياتي الآن لم أعد أستطيع الهرب منه ؟؟
هل حتى مازلت أظن أنهم وحوش؟؟
أي وحوش أبقيها؟؟!!  .............  دوام جزئي  ...أبقيها بدوامها الجزئي الآدمي ..وعندما ينتهي دوامها .. ستنتهي من حياتي
قد أبدو كالمتسلطة .... ولكن الشيئ الذي على المحك هو قلبي ...ولقد كسرمرة ... ولن يكسرثانية 

كالعادة أذهب لمكتبه فلا أجده وأجده الموسيقى أو الأغاني أو القرءان هذه المرة ...موسيقاي المفضلة من بعد ماسمعتها لديه... الدانوب الأزرق
هذه المقطوعة مرحة نشيطة  متفائلة ..قافزة ... إيجابية ...هذه المعزوفة رقصة فالس...هذه المعزوفة الجميلة 

خنت بها رامي ... ورقصت رقصتي الأولى مع يوسف ..رقصة الفالس الأولى على الدانوب الأزرق على جنبات دانوب فيينا الساحرة (كم خيالي خصب)

أنا الخائنة السكيرة: كنت خايفة ما ترجعش 
يوسف السكير: لما تحتاجين هتلاقيني جنبك 
أنا:بس أنا عايزاك 
يوسف:هأكون موجود بس لما تحتاجيني ..بس لما تعوزيني ...هتلاقي رامي 
أنا:بس رامي مش إنت 
يوسف:بس إنتي إنتي ... نفس العيون الجذابة 
أنا بمرح :الكذابة 
يوسف:ههههههههههههههه كذبك هو الحقيقة الوحيدة في حياتي 
أنا: وانت واحدة منهم
يوسف:بس رامي لأ ... 
أنا:وإذا ماحبنيش؟؟
يوسف:يبقى عبيط ... بس هو هيحبك 
أنا:ليه بتيجي بس عند وسيم ؟؟ليه دايما بلاقيك هنا؟؟
يوسف:عشان برتاح هنا 
انا:وانا؟؟
يوسف: انتي الراحة يانوجة ...وانتي هنا وهناك 
أنا:تعالي هناك
يوسف:محتاج اكون هنا 
انا:هترجع؟؟؟
يوسف:وسيم رجع 

لم أدقق في كلامته بإني هنا وهناك...ولم أجد وقت فقد عاد الوسيم صاحب الموسيقى 

وسيم:دايما بتيجي وأنا مش موجود
أنا:دايما بتبقى مش موجود لما انا أجي 
وسيم:مش هتتغيري
أنا:مش عاجباك؟؟
وسيم:مش هيفرق معاكي أصلا 
أنا:انت كمان مش هتتغير 
وسيم:مش عاجبك؟؟
أنا:مش هتفرق معاك أصلا 
وسيم:اقعدي ..عشان أجبلك اللاتيه اللي حبيتيه 
انا:حلوة الدانوب الأزرق 
وسيم:الأحلى رقصتك
أنا المتفاجأة الخجلة:انت شوفتني؟؟
وسيم:ايوة ... يابخته 
أنا:مين؟؟
وسيم:يوسف .... دايما الأول 
أنا:تقصد إيه؟؟
وسيم:رامي هيكون التاني 
أنا:هو انت ليه كنت مصمم اني أجيلك وأتعالج ؟؟
وسيم:لأنك كنتي محتاجة حد بجد يفهمك ... انتي زي ماقولتي كتاب مفتوح وبإرداتك ... ولغته سهلة..بس مشفرة ..مابتتفهمش بسهولة ...  فكنتي بتدوري على اللي يفهمك ..صديق............... بس مش بتدفعيله 

أخذني كلامه لعالم أردته بشدة ..عالم عرفني فيه أحد ..عالم فهمني فيه أحد .... عالم إنهار بآخر جملة 

أنا:انت لسه زعلان؟؟
وسيم:لأ
أنا:إذا ليه دايما بتقولها؟؟
وسيم: عشان الحقيقة .... لو فعلا عايزاني صديق بجد ..بطلي تدفعي 
أنا:ليه ؟؟ ليه اتطوعت وكنت الشخص اللي عايز يفهمني ؟؟ وكمان مش عايزني أدفع 

وسيم:لأني..............................

نورهان لاشين