الحلقة السابعة
ضحكت بعد البكاء وابتسم هو .... لضحكي او لانتصاره ؟!؟!...ولكن سرعان ما عدت للواقع الذي يقول أنه وحش فتضايقت ...........لم أتضايق من قصتي التي لم أشاركها مع احد غيره حتى يوسف لا يعرف ....لكني كرهت نفسي عندما بكيت وضعفت أمامه
فرغم ذكائي وقوتي أنا الفتاة التي مازالت تنتظر الرجل الذي كسر قلبها ..... نعم أفعل أذهب لأقف وراء الباب لأوقات قد تمتد لساعات
لا أعرف لما أنتظره ...لاني اشتقت ؟؟! او للإنتقام ؟؟!!
أنا المتصنعة القوة:إذا قولت لحد الكلام دا أو قولت لحد إني بكيت أنا هأتقلك
وسيم المنتصر الواثق:رغم إي متأكد إنك مش هتقتيليني ..بس أصلا ماينفعش أقول لحد ...دا سر ...بس إذا مش عايزة حد يعرف ليه قولتيلي ؟؟
أنا الكاذبة:عشان أخلص منك ...ممكن أمشي بقى لساعة بقت 2
وسيم المنتصر:ماشي..ميعادنا الأسبوع الجاي ماتنسيش .............اه صحيح عملتي إيه في النتيجة ؟؟
أنا الناجحة:مش شغلك
الحقيقة إني لم أجبه ولم احكي له لأتخلص من أسئلته ومنه..بل لأني أردت أن أحكي وبشدة ...كنت فقط أنتظر من يسأل السؤال الصحيح .......... ولحسن حظي أو سوءه هو فعل
لا أعرف ماذا يظن فيا الآن !! ...لحظة !!! لم اهتم أصلا ....هو ليس إلا وحشا...
يوسف:عملتي إيه انهارده
أنا المتألمة:ماتسألش يا يوسف لو سمحت .....
يوسف الغاضب الغيور :هو ضايقك؟؟
انا الامبالية:لأ ....بس عشان خاطري ماتسألش
يوسف الحنون الدافئ:زي ماتحبي .... بس انتي عارفة اني دايما جنبك ...وأي حد يضايقك ..هربضه
أنا المبالية :هربضه؟؟
يوسف الممثل حركات الملاكمة:أيوة هربضه
أنا الذكية المبتسمة:اسمها هاضربه
أنا في نفسي ويوسف في نفس الوقت :كنت عايز أشوف ضحكتك
أول رجل صغير يضحكني ...فلما لا أحبه ...إنه صاحب البراشة الرابضة
هل سأذهب ؟؟؟ كم أريد ذلك ؟؟ واااه وألف ااه من تلك الأمنية السخيفة ....لم الذهاب لوحش والحديث معه عني ؟؟
يبدو أن لديه حق ..أنا مصابة بالفصام ...أشعر بأني اثنتان في شخص واحد ...أتمنى من كل قلبي أمنية ..وأنا أكرهها
ولكن هل فعلا أكرهها ؟؟! اااااااااااااااااه إنه ليس فصاما بل جنونا مؤكدا
إنه فعلا إحساس أم كلثوم عندما غنت ..كنت أستدنيه لكن ...هبته لما أهابا
وهاهو الغد هاهو اللقاء الثاني
القريب منك بعيد ..والبعيد عنك قريب...كل دا وقلبي اللي حبك لسه بيسميك حبيب
أول مرة اسمع تلك الأغنية لديه في المكتب قبل أن يأتي ..فأنا لست من هواة التلفاز والأفلام ....إنما استوقفتني جملها ...كيف يكون القريب منه بعيد ...والبعيد قريب ...كيف ؟؟ !!
لا أعرف تبدو قصة جميلة قد أكتب عنها يوما ....نعم سأفعل
وسيم المشرق دائما :صباح الخير
أنا المبتسمة ولا أعرف لماذا :صباح النور
ماذا ؟؟ صباح النور ؟!!! أهكذا قلت ؟؟ أبدو غبية الآن
وسيم المشرق:تشربي إيه ؟؟
أنا الطبيعية:مش عايزة حاجة
وسيم:عارفة بيعملوا هنا لاتيه حلو أوي أنا بحبه ..هاطلبلك منه
انا :مابحبشوش
وسيم الواثق وكم أكرهه هكذا:صدقيني هتحبيه
وفعل ما أراد كالعادة الجديدة
وسيم :ازي يوسف ؟؟!1
انا المتضايقة من ذكره بتلك الطريقة:بيسلم عليك
وسيم:الله يسلمه ...هو جاب كام صحيح في الثانوية ؟؟ مش هو قدك برضه ؟؟
انا:نفس االرد بتاع المرة اللي فاتت
وسيم العارف:ماشي يا دكتورة ب98.17
أنا:ماهوش سر
وسيم:مش زي الحكاية بتاعة المرة اللي فاتت يعني
انا:إنت ليه بترخم عليا وتضايقني
وسيم:واشمعنا انتي مسمحولك وانا لأ ؟؟
انا:انا مش رخمة ...لكن انتو اللي بتلطعوا اسوأ مافيا
وسيم:احنا مين؟؟
انا: انتو الرجالة
وسيم:تعرفي انك محيراني ...يعني لسه بتستني باباكي لغاية دلوقتي ..وصديقك الخيالي الوحيد ولد ...ودكتورك اللي قولتيله الحكاية وبكيتي قدامه راجل .... بدأت أعتقد إنك مابتكرهيش الرجالة زي ما بتقولي
أنا:انا ماشية
وسيم المكار الواثق: ماتقدريش
انا:وليه بقى إن شاء الله ؟؟
وسيم :لأنك عايزة تبقي هنا
أنا:لأ
وسيم:ايوة ....عايزة تبقى هنا .... عارفة ليه ؟؟
انا:ليه؟؟
وسيم:عشان انا زي يوسف .... شبح من المستقبل
أنا المتفاجأة:نعم؟؟!!!!
وسيم:انتي ايه عرفك إني حقيقي ومش زي يوسف؟؟
أنا بدأت أشعر بالجنون :عشان يوسف حقيقي وبعدين ماما عارفاك وعارفة اني جايالك ودايما بتتكلم عنك وبتسألني عليك
وسيم المجنون:طب ماهى كمان بتسأل عن يوسف
أنا المجنونة :بس هى عمرها مافرحت وانا راحة أقعد مع يوسف...بس بتفرح قوي لما أجيلك
وسيم الواثق:ودا يدل إني حقيقي؟؟؟ ازاي عرفت انك لسه بتستني باباكي ؟؟ ازاي خليت دماغك الحجر تتفك وتكلمني أنا الوحيد عن حكايتها اللي ماكلمتش يوسف حتى عنها ..وبعد 11 سنة بتمري على دكاترة ؟؟؟انا الوحيد اللي كلمتيه ؟؟
لاني أنا من صنعك ..من خيالك ..زي يوسف بالظبط ...واقف هناك ..شايفاه ؟؟؟ ماكنش جاي معاكي ...صح ؟؟؟ جه امتى وازاي ؟؟!! انتي صنعتينا احنا الاتنين ...الأول يوسف لأنك كنتي محتاجة صديق ....والتاني أنا عشانك كنتي محتاجة طبيب ....
أنا المنهارة الجالسة الباكية المجنونة المريضة الذكية الغبية ...... لا أعرف لم أكن أقوى حتى ع التفكير والكلام ..........
لم أعرف أي قوة جائتني لأذهب إليه وأصفعه
أنا المتبقي ذرة عقل واحدة فيا :لأن...................................
نورهان لاشين
ضحكت بعد البكاء وابتسم هو .... لضحكي او لانتصاره ؟!؟!...ولكن سرعان ما عدت للواقع الذي يقول أنه وحش فتضايقت ...........لم أتضايق من قصتي التي لم أشاركها مع احد غيره حتى يوسف لا يعرف ....لكني كرهت نفسي عندما بكيت وضعفت أمامه
فرغم ذكائي وقوتي أنا الفتاة التي مازالت تنتظر الرجل الذي كسر قلبها ..... نعم أفعل أذهب لأقف وراء الباب لأوقات قد تمتد لساعات
لا أعرف لما أنتظره ...لاني اشتقت ؟؟! او للإنتقام ؟؟!!
أنا المتصنعة القوة:إذا قولت لحد الكلام دا أو قولت لحد إني بكيت أنا هأتقلك
وسيم المنتصر الواثق:رغم إي متأكد إنك مش هتقتيليني ..بس أصلا ماينفعش أقول لحد ...دا سر ...بس إذا مش عايزة حد يعرف ليه قولتيلي ؟؟
أنا الكاذبة:عشان أخلص منك ...ممكن أمشي بقى لساعة بقت 2
وسيم المنتصر:ماشي..ميعادنا الأسبوع الجاي ماتنسيش .............اه صحيح عملتي إيه في النتيجة ؟؟
أنا الناجحة:مش شغلك
الحقيقة إني لم أجبه ولم احكي له لأتخلص من أسئلته ومنه..بل لأني أردت أن أحكي وبشدة ...كنت فقط أنتظر من يسأل السؤال الصحيح .......... ولحسن حظي أو سوءه هو فعل
لا أعرف ماذا يظن فيا الآن !! ...لحظة !!! لم اهتم أصلا ....هو ليس إلا وحشا...
يوسف:عملتي إيه انهارده
أنا المتألمة:ماتسألش يا يوسف لو سمحت .....
يوسف الغاضب الغيور :هو ضايقك؟؟
انا الامبالية:لأ ....بس عشان خاطري ماتسألش
يوسف الحنون الدافئ:زي ماتحبي .... بس انتي عارفة اني دايما جنبك ...وأي حد يضايقك ..هربضه
أنا المبالية :هربضه؟؟
يوسف الممثل حركات الملاكمة:أيوة هربضه
أنا الذكية المبتسمة:اسمها هاضربه
أنا في نفسي ويوسف في نفس الوقت :كنت عايز أشوف ضحكتك
أول رجل صغير يضحكني ...فلما لا أحبه ...إنه صاحب البراشة الرابضة
هل سأذهب ؟؟؟ كم أريد ذلك ؟؟ واااه وألف ااه من تلك الأمنية السخيفة ....لم الذهاب لوحش والحديث معه عني ؟؟
يبدو أن لديه حق ..أنا مصابة بالفصام ...أشعر بأني اثنتان في شخص واحد ...أتمنى من كل قلبي أمنية ..وأنا أكرهها
ولكن هل فعلا أكرهها ؟؟! اااااااااااااااااه إنه ليس فصاما بل جنونا مؤكدا
إنه فعلا إحساس أم كلثوم عندما غنت ..كنت أستدنيه لكن ...هبته لما أهابا
وهاهو الغد هاهو اللقاء الثاني
القريب منك بعيد ..والبعيد عنك قريب...كل دا وقلبي اللي حبك لسه بيسميك حبيب
أول مرة اسمع تلك الأغنية لديه في المكتب قبل أن يأتي ..فأنا لست من هواة التلفاز والأفلام ....إنما استوقفتني جملها ...كيف يكون القريب منه بعيد ...والبعيد قريب ...كيف ؟؟ !!
لا أعرف تبدو قصة جميلة قد أكتب عنها يوما ....نعم سأفعل
وسيم المشرق دائما :صباح الخير
أنا المبتسمة ولا أعرف لماذا :صباح النور
ماذا ؟؟ صباح النور ؟!!! أهكذا قلت ؟؟ أبدو غبية الآن
وسيم المشرق:تشربي إيه ؟؟
أنا الطبيعية:مش عايزة حاجة
وسيم:عارفة بيعملوا هنا لاتيه حلو أوي أنا بحبه ..هاطلبلك منه
انا :مابحبشوش
وسيم الواثق وكم أكرهه هكذا:صدقيني هتحبيه
وفعل ما أراد كالعادة الجديدة
وسيم :ازي يوسف ؟؟!1
انا المتضايقة من ذكره بتلك الطريقة:بيسلم عليك
وسيم:الله يسلمه ...هو جاب كام صحيح في الثانوية ؟؟ مش هو قدك برضه ؟؟
انا:نفس االرد بتاع المرة اللي فاتت
وسيم العارف:ماشي يا دكتورة ب98.17
أنا:ماهوش سر
وسيم:مش زي الحكاية بتاعة المرة اللي فاتت يعني
انا:إنت ليه بترخم عليا وتضايقني
وسيم:واشمعنا انتي مسمحولك وانا لأ ؟؟
انا:انا مش رخمة ...لكن انتو اللي بتلطعوا اسوأ مافيا
وسيم:احنا مين؟؟
انا: انتو الرجالة
وسيم:تعرفي انك محيراني ...يعني لسه بتستني باباكي لغاية دلوقتي ..وصديقك الخيالي الوحيد ولد ...ودكتورك اللي قولتيله الحكاية وبكيتي قدامه راجل .... بدأت أعتقد إنك مابتكرهيش الرجالة زي ما بتقولي
أنا:انا ماشية
وسيم المكار الواثق: ماتقدريش
انا:وليه بقى إن شاء الله ؟؟
وسيم :لأنك عايزة تبقي هنا
أنا:لأ
وسيم:ايوة ....عايزة تبقى هنا .... عارفة ليه ؟؟
انا:ليه؟؟
وسيم:عشان انا زي يوسف .... شبح من المستقبل
أنا المتفاجأة:نعم؟؟!!!!
وسيم:انتي ايه عرفك إني حقيقي ومش زي يوسف؟؟
أنا بدأت أشعر بالجنون :عشان يوسف حقيقي وبعدين ماما عارفاك وعارفة اني جايالك ودايما بتتكلم عنك وبتسألني عليك
وسيم المجنون:طب ماهى كمان بتسأل عن يوسف
أنا المجنونة :بس هى عمرها مافرحت وانا راحة أقعد مع يوسف...بس بتفرح قوي لما أجيلك
وسيم الواثق:ودا يدل إني حقيقي؟؟؟ ازاي عرفت انك لسه بتستني باباكي ؟؟ ازاي خليت دماغك الحجر تتفك وتكلمني أنا الوحيد عن حكايتها اللي ماكلمتش يوسف حتى عنها ..وبعد 11 سنة بتمري على دكاترة ؟؟؟انا الوحيد اللي كلمتيه ؟؟
لاني أنا من صنعك ..من خيالك ..زي يوسف بالظبط ...واقف هناك ..شايفاه ؟؟؟ ماكنش جاي معاكي ...صح ؟؟؟ جه امتى وازاي ؟؟!! انتي صنعتينا احنا الاتنين ...الأول يوسف لأنك كنتي محتاجة صديق ....والتاني أنا عشانك كنتي محتاجة طبيب ....
أنا المنهارة الجالسة الباكية المجنونة المريضة الذكية الغبية ...... لا أعرف لم أكن أقوى حتى ع التفكير والكلام ..........
لم أعرف أي قوة جائتني لأذهب إليه وأصفعه
أنا المتبقي ذرة عقل واحدة فيا :لأن...................................
نورهان لاشين
ليست هناك تعليقات:
إرسال تعليق