بسم الله الرحمن الرحيم
الحلقة الثالثة
فادني جدا كلامك وكنت عايزة اطبقه لكن ماعرفتش أقول لأ...لامي وأبويا على طلبهم جوازي من بنت عمي ....مع إني بحب واحدة تانية
بحبك
بعت أحمد الرسالة وفضل مستني الرد طول الليل حتى انه نام واللاب في حضنه ...لكن هى ماردتش ...لأنها مافتحتش من بعد ماردت عليه أول مرة ....
ودا خلاه ..متوتر جدا ومتعصب ..ودي مش عوايده خاالص
وحتى لما ركب الطيارة ...وهوعمره ماركب الطيارة إلاوهو خايف منها ...نسى انه في طيارة وكان قاعد مشغول البال ..وحتى افكرش في كلام باباه اللي ماسمعهوش كله
مدحت:خلوا بالكوا أمل دي مش بتلعب ..هى أضغر منكوا أه ..وانتوا أولادي اه لكن هى مش هتاخد بدا أبدا ...فخلوا بالكوا ...لو هى قالت انتوا كويسين وتفضلوافي الشركة ..تفضلوا ...حبت تغير شغلكوا...هتغيروه...حبت ترفدكوا ....هترفدكوا
في الطيرة
هند:هى البنت دي عاملالهم ايه؟؟؟ساحرالهم ؟؟ماهى حاجة مش معقولة ....أحمد ؟؟...أحمد ؟؟انت معايا ؟
أحمد كان في عالم تاني خاالص ..عالم خايف ..مطضرب...أسود ...مافهوش ألوان مستني نتيجته في الامتحان ...ياترى هينجح ولا لأ...وأأأأأأأأه ....أأأأأه لو مانجحش
أما أمل بتكلم سميرة بعد ماوصلوا هشام ونور المدرسة
أمل: ماعرفتش اقوله ايه ؟؟ انا شوفت الرسالة الصبح ..اتخضيت وارتبكت ..ومالقتش كلام يتقال ..فقفلت ونزلت على طول
سميرة:وهتقوليله ايه يا جولييت يامحيرة كل الشباب
أمل: رخمة على فكرة ...بس مش عارفة لسه ...هافكر وارد عليه
سميرة:وعملتي ايه في حكاية حسام
أمل:رفضت
سميرة:ليه يابه ؟؟ دا كويس وكسيب ...وبيحبك
أمل:هو انا مش قايلالك سبب رفضي قبل كدا...اتهدي بقى
سميرة:بس مش كل الرجالة زي بعضها
أمل: قفلي بقى ع الموضوع دا
سميرة:يا أمل الحكاية دي بقالها سنتين ...مش هتنسي
أمل اتنرفزت ووشها احمر : سميرة...اسكتي بقى بدل ما اقول كلام يزعلنا احنا الاتنين
سميرة قفلت الموضوع لأنها عارفةقد إيه بيوجعها ...مع ان الموضوع فات عليه كتير ..وهى فكرت انها ممكن تنساه مع الأيام ..
سميرة في نفسها :عندك حق يا امل صعب أوي تنسي..حاجة زي دي ..أنا آسفة ياحبيبتي
وراحوا الكلية
وحضروا المحاضرات الليمش بيفهموها خاالص
وبعد المحاضرة طلبها الدكتورحازم لمكتبه
حازم:ادخلي يا أمل
أمل:حضرتك كنت عايزيني
حازم:اقعدي
أمل: لأمعلش عشان مستعجلة
حازم: ماشي ...براحتك ...شوفييا أمل ...انا ماعودتش هاسمحلك انك تشرحي لزمايلك المحاضرات تاني
أمل: بس حضرتك مافيش اي قانون يمنع اني اقعد مع زمايلي وندردش في المحاضرة
حازم: انتي مش بتدردشي انتي بتشرحيها تاني....
أمل: انا بس بفهمهم اللي مافهموهوش
حازم:وانا مش بعرف افهمهم؟؟
أمل:مش على كدا...بس كلنا مش بنفهم بنفس الطريقة
حازم:انا شغلتي افهمكوا ...وانتي شغلتك تسمعى المحاضرة وبس
أمل: بس انا مش اقدر اقول لأ لزمايلي لو طلبوا اني اشرحلهم
حازم:هتقدري...لما تعرفي انك لو عملتي الحكاية دي تاني ..انا هسقطك في مادتي
أمل:بس دا حرام
حازم:انا اللي هادخل النار مش انتي ...فخليكي في حالك
أمل:انا أقدر ارفع على حضرتك قضية ..واوصل الموضوع دا لاعلى مستوى
حازم:ماتقدريش ...الناس اصحاب المستويات العالية دول بيثقوا فيا جدا..جدا
أمل: ومين قال لحضرتك ان دا اعلى مستوى ؟؟...انا اقصد ربنا ..مع اني مش محتاجه ارفعه ولا حاجة هو عارف قبل ما اعمل أصلا ...بس لو اتكلمنا على المستويا العليا في الناس اللي حضرتك بتتكلم عنهم ...فأنا اعرف اللي اعلى منهم ..واللي بيثقوا فيا جدا
حازم شاف ان مافيش طريق يبعدها عن اللي بتعمله فاستخدم طريقة الخوف والحنية والحب
حازم :يا أمل انا بقولك دا عشان تبعدي عن اللي بتعمليه ...فيه ناس كتير هنا عايزة تأذيكي على اللي بتعمليه ..واللي بتقوليه ..انا خايف عليكي
أمل اشتغربت جدا من الشخص اللي قداماها دا
أمل:خايف عليا ؟؟؟!!
حازم:مش اللي بيحب حد لازم يخاف عليه
أمل في نفسها :انتوا ايه حكايتكوا معايا الأسبوع دا ؟؟!! حب ؟؟ انت ؟؟تيجي ازاي دي
أمل:دكتور حازم
حازم:أمل ..ليه بتخلي فيه فروق بينا
أمل:دكتور حازم ...انا..
حازم:مش عايز ردك دلوقتي ...ردي عليا وقت لما تكوني جاهزة
أمل:بس .....
وقطع كلامها صوت الباب اللي بيخبط ودخل منه ..راجل
حازم:روحي انتي دلوقتي ...وردي عليا بعدين
خرجت أمل من غير ماتقول ولا كلمة
سميرة قابلتها بعد ماخرجت
سميرة:كان عايزك في ايه ؟؟
أمل: بيحبني
سميرة:هههههههههههههههههههههههههههههههههههه
أمل:بطلي ضحك
سميرة : هه مش قادرةههههههههههههههههههههه..بقى حازم مضايق ؟بيحب؟؟ ومين ؟؟؟انتي !!!!!!!!!!!!!!
أمل:وطي صوتك هتفضحيني
سميرة:ياجبروتك ...انتي ايه ..موقعة شباب مصر وأمركيا كمان ...ليه يعني ؟؟! مارلين مونرو
أمل:مارلين مونرو ايه ؟؟انتي قديمة أوي
سميرة:وهو احنا في قديم ولا جديد دلوقتي ...وقلتيله ايه ؟؟
أمل:ماقولتش ..مالحقتش ..واحد دخل وهو قالي اتفضلي وردي عليا بعدين
سميرة:وبما اني عارفة انك هترفضي...فأجلي موضوع الرفض دا شوية ..لغاية بعد الامتحانات ...بدل مايقلب عليكي ويعمل حاجة كدا ولا كدا ..فحايليه وماطليه لحد مانخلص امتحانات وبعدين قوليله لأ ..هههههههههههههههه
أمل:اكذب عليه ..والعب بيه يعني؟؟لأ طبعا ..أيا كان عواقب ردي فأنا هأتحملها ..
سميرة:لو تخلصي من مثالياتك دي
أمل: ما انا كنت من غيرها ياسميرة ..وشوفتي اللي حصلي ...
سميرة :طب خلاص ...امشي بقى وراكي ناس جاية من السفر عشان تشوف أمل
أمل:ماشي يلا ...سلام ...
مشت أمل لشغلها في حين كان وقت الفسحة في مدرسة نور
نور ع السطح مع محمد
نور:بقى تزعقلي عشان ريم دي ؟؟
محمد:ماقولنا بلاش عتاب ..خلاص بقى
نور:بس انا لسه زعلانة
محمد:تحبي اصالحك ازاي؟؟ ..تاخدي بوسة
نور:لم نفسك يامحمد بدل ما أرميك من هنا
محمد:خلاص ..خلاص ..نخرج ؟؟
نور:فين ؟؟
محمد: مفاجأة
نور:طب امتى ؟؟
محمد:انتي وراكي دروس امتى انهارده ؟؟
نور:ع 3 لغاية خمسة
محمد:طب خلاص اشوفك خمسة عند الكافيتريا اللي بنتقابل عندها كل مرة
نور:طايب ..سلام بقى
محمد:راحة فين ؟؟واحنا لحقنا اتكلمنا ؟؟
نور:الفسحة خلصت
محمد:طب وماله ...وهو حد واخد باله
نور:سلام يامحمد ...
محمد:اقعدي عشان خاطري
نور:البت سلمى مستنياني تحت
محمد:ماتلاقي الواد مدحت ..هيخليها تقعد..اقعدي بقى ياحبي
نور:ايوة انت اضحك عليا كل شوية بكلامك دا ..وهتخليني اسيب الحصص
محمد:وهو انا مش أهم
نور:اهم ..بس أمل بتسأل عليا ..اقولها ايه بقى ؟؟!
محمد:قوليلها كنت مع حبيبي ..ونور عيني
نور:مش هينفع والله ياميدو ..وبعدين انا هقابلك بره
محمد:ماشي ياقلبي ...
نور:سلام
نزلت نور حصتها ..وهو فضل قاعد ..وفجأة حد من وراه غمضله عينيه
محمد:غيرتي رأيك ولا إيه يانور
ريم:نور؟؟ وانا مش ع البال خالص
محمد:دا انت اللي في الحتة الجوانية ياروح الروح ..بس كنت خايف تكون هى رجعت ولاحاجة
ريم :ياسلام؟!؟
محمد:وانا عندي اغلى منك؟؟
ريم:طب خارج انهارده؟؟
محمد:هاروح فين يعني ؟؟
ريم:تخرج معاها زي ما اتفقنا
محمد:اه خارج
ريم: وامتى هتعمل اللي اتفقنا عليه ؟؟
محمد:قريب أوي..هى خلاص فاضلها غلوة واحدة بس وتبقى في ايدي
ريم:انت عارف انا ممكن اعمل فيك ايه لو ماعملتش اللي اتفقنا عليه ؟؟
محمد:ايه ياريم ؟؟ما احنا متفقين من زمان ..ايه اللي يخليني ارجع في كلامي
ريم:ماعرفش بس شايفاك ناخخ معاها اليومين دول
محمد: ولا ناخخ ولا حاجة ..ماكله تبع التمسيلية
ريم:اتمنى ..يكون كدا
محمد:طب ماتيجي كدا
ريم :ايه يامحمد ..انت نسيت نفسك ؟؟؟
محمد:لأ بس ..
ريم:من غير بس ...الكلام دا يبقى معاها بس انت ورينا شطارتك ياحلو
مشت ريم
ويبعد مامشت طلع مدحت صاحب محمد وصاحب سلمى
مدحت:ايه ياعم مكلدم ليه ؟؟
محمد:ريم معندة معايا اوي
مدحت:ونور؟؟
محمد:هى كمان ..بس ريم الأهم ..لو مسكتها ..تنتهي كل مشاكلي
مدحت:قصدك هتبدأ مشاكل جديدة ؟؟
محمد:أنا هاخليها تجيلي بنفسها
مدحت:خلى بالك يامحمد ..ريم دي مش سهلة وابوها كمان مش سهل
محمد:عارف ..اعرف كويس اوي
وفضل يشرب السجاير مع مدحت صاحبه ..ويفكر ازاي هيوقع ريم ونور
أما أمل فراحت الشركة تستني أحمد وهند اللي لسه واصلين حالا
واستقبلهم محمود في مكتبه
محمود:أهلا يا باش مهندس أحمد ..اهلا ياباش مهندسة
هند أعجبت جدا بمحمود اللي كان شيك ...ولطيف ..ومحترم ومهندم
هند:هند بس يا محمود ولاعايزيني اناديلك ياباشمهندس
محمود واللي بادلها الإعجاب لجمالها والتقريربتاع شغلها اللي بعتته الشركة في أمريكا
محمود:محمود بس ..أحنا هنشتغل مع بعض هنا خلاص
اتفضلوا اقعدو
أحمد اللي لسه مطضرب وعايز يخلص :اومال فين ..اسمها إيه ؟؟؟
محمود :أمل؟؟!!
أحمد:أيوة ...معلش نسيت اسمها
محمود:زمانها جاية من الكلية
هند بتريقة: بابا بيقول انها كويسة اوي وماسكة الشغل كله هنا..وانا مش فاهمة ازاي عملت كل دا وهى لسه ماخلصتش ؟؟
محمود:أمل شاطرة ومبتكرة وطموحة جدا جدا ..وبتشتغل بوتيرة سريعة...فوصلت للي هي فيه بجهدها..ووصلت الشركة للي هي فيه دلوقتي
هند:هى هتتأخر كتير ؟؟!
أمل بتخبط
محمود:أكيد هى ..ادخل
أمل بوشهاالبشوش وضحكتها اللي باينة في عينيها السمرا
أمل:السلام عليكم
محمود:وعليكم السلام ..اتفضلي يا أمل
أحمد أوللما شافها حس بسكينة غريبة ..دخلت قلبه مرة واحدة ..مش عارف لا ليه ولا ازي ..بس نسي وقتها سميرته..سميرة كل يوم ..
وماكنش عارف انه نسي واحدة عشان يفكر في نفس الواحدة
هند بتسلم عليها بطرف إيديها وبتكبر :أهلا
أمل مافقدتش لا الابتسامة :اهلا ..اتشرفت بمعرفتك
أحمد مد إيديه عشان يسلم عليها
أمل: معلش مش بسلم ...بس أهلا
أحمد في نفسه افتكر سميرته ..ورجع تاني يتكلم مع أمل
أحمد:ولا يهمك
ليست هناك تعليقات:
إرسال تعليق