بسم الله الرحمن الرحيم
الحلقة الأولى
ياحلو صبح ...ياحلو طل....ياحلو صبح ...نهارنا فل
اختلط صوت محمد قنديل اللي طالع من قهوة عم حسين مع صوت الست كريمة خياطة الحارة كلها وهى بتصحي بناتها
كريمة:أومي يا أمل انتي ونور ..تعبتوني الساعة بقت 7 ...
أمل بصوت ضعيف يأتي من تحت الغطاء :حاضر خمسة بس صحي نور الأول
نور بتتقلب وتغطي وشها :سيبك من نور ..نور لسه هتنام
كريمة بتزعق وبصوت عالي:أومي انتي وهى ...انا هأقعد أهاتي كدا كتير ؟؟
أمل اتقاءا للغضب :خلاص خلاص ..أومت ..ألحمام فاضي ؟؟
كريمة:أيوة ..يلا
قامت أمل وبصت في المراية زي كل يوم :صباح الفل على عيونك ياجميل
نور من تحت الغطا :انتي مش هتبطلي هبل كل يوم دا ؟!! ماتروحي لدكتور نفساني
أمل بهزار:اسكتي بدل ما اناديلك أمك
نور:لأ خلا ..خلاص ..روحي الحمام اجري
راحت أمل ولما رجعت صحت نور وراحت الحمام
ووغيروا هدومهم وصلوا وطلعوا يساعدو في تحضير الفطار
وقعدوا كلهم ع السفرة
مامتهم كريمة وباباهم شعبان مراقب العمال في مصنع تمار ..أوخوهم هشام أخر العنقود واللي عنده 10 سنين ..واختها نور اللي في 3 ثانوي
وعلى الفطار
شعبان :عاملة ايه في الكلية يا أمل ؟؟!
أمل: الحمد لله كويسة يابابا
شعبان:مش محتاجة اي كتب أو حاجة يعني ؟؟
أمل: لأ ياحبيبي شكرا
نور:ايه يابابا؟؟ واحنا ولاد البطة السودا ولا إيه مافيش عاملين ايه عايزين إيه؟؟
شعبان:ههههههازاي بقى دا انتوا الخير والبركة
نور:أيوة أيوة كل بعقلنا حلاوة ...ما احنا عارفين ان أمل اللي ع القلب
شعبان:انتوا عارفين ان احنا مشبنفرق في حبكم أبدا
هشام:نور بتهزر يابابا
كريمة:ياريت تاكلو بقى عشان تلحقوا مدارسكوا
فأكلوا بسرعة
أمل:يلا ياهشام ..يلا يانور ..انا كدا هتأخر على الكلية وزمان سميرة مستنية
نور:استنيبس اكل اللقمة دي
أمل:يلا
كريمة :تعالي يا أمل عايزاكي قبل ماتنزلي
أمل:حاضر ياماما
ودخلت أمل المطبخ مع مامتها
كريمة:انتي ماقبضتيش الشهر دا ولا إيه؟؟
أمل:أتأخر شوية ...وحضرتك عارفة ان أول لما ببقبض بعطيكي المرتب على طول
كريمة:طيب ..روحي
أمل خارجة من الباب
أمل:مع السلامة يابابا ..
شعبان :مع السلامة ياحبيبتي
أمل قفلت الباب وراها
هشام :هى ماما كانت عايزاكي في إيه ؟؟!
أمل:هيكون إيه يعني ؟؟
نور:المرتب ؟!!
أمل:أه ...يلا
ونزلت خبطت ع سميرة صاحبتها الانتيم وزميلتها في الكلية
أما شعبان في البيت
شعبان:كنتي عايزة أمل في إي؟!!
كريمة:ماجبتش المرتب
شعبان:ماتسيبيه
..الحمد لله ماعودناش محتاجين مربتها ..وانا وبقيت بشتغل وانتي مافيش ست
عايزة تفصل إلا وبتجيلك ..عايزة من البنت إيه ؟؟
كريمة:أومال أسيب في إيديها الفلوس تضيعها وتصرفها في قلة فايدة
شعبان:ياشيخة حرام عليكي ...دي أمل قبل ما تاكل بتشوف أكلنا ولا لأ....وبعدين وماله لما تصرف زي البنات وتجيب هدوم وتلبس زيهم
كريمة:ما انا بعملهم الهدوم
شعبان:من
بقايا الناس ياكريمة ....حرام عليكي البنت بتشتغل من وهى في ثانوية عامة
ودخلت كلية مش عايزاها ...بسببنا ..اونتي مش عايزاها تفرح ولا يوم
كريمة:انتي هتعلمني ازاي أربي بناتي ؟؟!! ياريت تخليك في شغلك يا أستاذ
ودخلت كريمة المطبخ
ونزلت سميرة معاهم وخرجوا من العمارة القديمة اللي تحسها من التاريخ الجميل
وقعدوا من قدام قهوة عم حسين اللي طلع يغنيلهم
حسين:ياحلو صبح ياحلو طل ...ههه رايحين الكلية يابنات ؟؟!
سميرة:أيوة يابابا
هشام:وانا مش باين ولا إيه ياعمو!؟
حسين:ادا انت الراجل اللي بيحميهم .....مش محتاج أسألك
أمل:لأ محتاج ياعمي ...الغلط ..غلط أيا كان مين اللي بيعمله ..والصح صح ..أيا كان مين اللي بيعمله
حسين:صح يادكتورة ...خلو بالكوا من نفسكوا
سميرة:حاضر يابابا ..مع السلامة
حسين :مع السلامة
دخل عم حسين قعد على مكتبه في القهوة والراديو بيغني فوقيه أغينة أم كلثوم ...يصباح الخير ..ياللي معانا ..ياللي معانا
وقعد مع الحاج صالح أبو حسام
صالح:ماتكلملنا
الأستاذ شعبان ..أنا عارف انكو أصحاب وليكوا كلام مع بعض ..ابني حسام
وهيخلص جيش الأسبوع اللي جاي ..وشقته جاهزة ..وأمل بنت حتتنا وعارفينها
كويس ..وبصراحة كدا الواد عينه منها
وانا حاولت ألمح لأستاذ شعبان بس حسيته بيرفض
حسين:بس انت ابنك ماكملش تعليموا؟؟
صالح:وماله يعني ..ماهو بيشتغل نجار قد الدنيا
حسين:بس
شعبان عايز البنت تخلص علامها الأول ...ونشأت ابن خميس كان طلبها وأبوها
رفض ...مع اني كلمته ..لكن قالي عايزها تكمل علامها ..وانها رافضة الجواز
دلوقتي
صالح: واحنا هنمشي كلام البنات علينا ؟؟
حسين:شعبان بيحب بناته ..ومش ممكن يزعل واحدة فيهم ولا حتى ابنه ..بس انت ممكن تجرب ...الكلام دا كان من سنة فيمكن يكون غير رأيه
صالح:طب ما أنا أخلى أم حسام تكلم الست كريمة
حسين:خليك صالح ياصالح ..وماتعملش مشاكل للبيت دا ..كلم أبوها واللي فيه الخير يقدمه ربنا
صالح:خلاص هأكلمه بعد العشا إن شاء الله
في الوقت دا وصلت أمل هشام مدرسته اللي على بعد كام شارع وفضلت تراقبه لغاية مادخل من باب المدرسة مع أصحابه
وكملو
مشيهم وكلامهم لحد ماوصلوا لقصر قديم ماعدش باين منوسط العمارات المهملة
اللي جنبه على الرغم من إن حديقته عزلاه شوية عن الدوشة والإهمال
سميرة بهزار:قصرك أهوه يا أمل
نور:أه قصر أمل باشا
ضحكت سميرة ونور على أمل الليعملت نفسها غضبانه ومشت سبقتهم
جرواوراها وهما بيضحكوا
أمل:الراجل اللي بنا القصر دا عبقري
سميرة ونور في نفس واحد:تااااني ؟!!
أمل:مادام انتوا عارفين ..بتضايقوني ليه؟؟
سميرة:مافيش خلاص ...يلا يانور مدرستك
نور:سلام ياسميرة ...سلام يا امل باشا
أمل:امشي يابت ...وخلي بالك من نفسك ..وبلاش تمشي مع البت سلمي دي
نور عشان تقفل الموضوع : خدي صاحبتك يلا وماشي ياسميرة
ومشوا لغاية الموقف
أمل بقلق:انا خايفة عليها من البنت سلمي دي
سميرة:يا أمل نور عاقلة ومتربية ...ماتقلقيش عليها ..وبعدين انتي محسساني انك أكبر منها ب10 سنين دولهما سنتين عمي
أمل:أيوة بس
سميرة:من غير بسبسة ...اخلصي خلينا نمشي
أمل:يلا
ركبوا الميكروباص لحد الجماعة ..,لحقوا محاضرتهم الأولى
ياريت تطوليها شويه بس هي حلوة اووووي بجد
ردحذف