سحر قاتل
بليل في عمارة مهجورة ..شخص بلبس شرطة طالع على السلم ماسك المسدس وكشاف النور
طالع السلم واحدة واحدة وخايف جدا ..
وأول لما وصل الدور التاني
فجأة ظهر نور قوي .خلاه يغمض عنيه ..وظهرله من النور دا
ساحر ساحر بيلعب بورق الكوتشينة وبحركة بهلوانية بيرميها في الهوا
وكان ماسك في إيديه ساعة بيحركها يمين وشمال زي بتوع التنويم المغناطيسي
وفجأة وقعت على الشرطي دا ورقة من الورق ووقعته على ظهره وخلته يقع من السلم
أأأأأأأأأأأأأأأأأأأأأأأأأأأأأأه
كاميليا :حرام عليكي يا امل كل يوم بتصجيني على صواتك دا
أمل لقت المنبه بيرن جنبها
أمل:على الأقل بصحيكي على الميعاد
قفلت أمل المنبه وراحت غسلت وشها واتوضت وصلت في أوضتها هى وأختها
على الرغم من ان الفيلا بتاعة والدها كبيرة إلا انهم متعوودينعلى النوم في أوضة واحدة من زمان
نزلت أمل عشان تجيب حاجات من مكتبها لقت باباها واقف جنب الباب
أمل بذعر وصوت عالي:بابا؟؟؟
راغب:مالك؟؟
أمل:انا قولت كتير قبل كدا ماحدش يدخل المكتب بتاعي أبدا ..لو حتى حريقة
راغب:انا فكرتك جوه فكنت عايز اكلمك في حاجة
أمل:يبقى تندهلي من بره يابابا
راغب:اخواتك كبروا ..ومش هيحصلهم اللي حصلك ..وانا بشوف الحاجات دي كل يوم
أمل:بس لو حضرتك دخلته ..هيشوفواان دخوله عادي وهيدخلوا ورا حضرتك ..وعارفة انهم كبار ..لكن دا مابيستحملوش حتى الكبار
راغب:وانتي ؟؟
أمل:انا اتعودت ..دا شغلي ودي حياتي
راغب:بس يا أمل ..مش لازم تكوني جامدة أوي كدا مع أخواتك أو أصحابك ...
أمل:انا بحميهم ..وماينفعش أخلى العواطف أيا كانت تتحكم فيا ..وتعاملي معاهم بيخليهم جاهزين يواجهوا الواقع اللي عايشينه
راغب:بس الواقع مش وحش أوي كدا
أمل: داكلام بيقولوا الناس اللي مابيشوفوش اللي احنا بنشوفه ...انما الواقع وحش
راغب:بس لازم يكون فيه أمل يا أمل ...انا سميتك أمل عشان كدا ..عشان مهما كان الواقع وحش انتي تقدري تغيريه بالأمل بالإيمان
أمل: كل واحد وليه طريقته لتعريف الأمل ..وانا شايفة إن الأمل دا نظارة سودا بتخلينا معمين عن الحقيقة ..المهم ...انا راحة الشغل
مؤمن أخوها الكبير نازل من ع السلم:نفسي في يوم ما أصطبحش بالميري دا يا أمل
أمل:الميري دا اللي مخليك عايش ..
مؤمن: انا عارف ايه اللي كان طلعها في دماغك عشان تكوني ظابط ؟؟!
لازم يعني زي بابا ...دا أنا الولد ماعملتهاش
أمل بحزم:لو هنبدأ تفرقة عنصرية ع الصبح كدا مش هنخلص ..وانا مستعجلة ...سلام
وخرجت أمل من الباب وعلى وشها الحزم والعبوس اللي مافارقهاش من زماان ..حتى الضحكة اشتاقت لشفايفها ...
مؤمن:بابا ؟؟ طب حضرتك كنت زيها كشغل يعني قبل ما تطلع ع المعاش ..لكن عمري ماشوفت حضرتك مكشر ولا شديد اوي كدا معانا ...هو الشغل اختلف على ايامها ولا إيه ؟؟؟
راغب:اللي هى بتشوفه برده مش قليل ..جنايات القتل مش سهلة ابدا ... وانت عارف من يوم مادخلت مكتبي وهى صغيرة وشافت صورالجثث والمجرمين ..وهى كدا لا بتضحك ولا بتبكي ..وبترمي نفسها في الخطر دايما ..المسؤلين عنها بقوا بيقولولي انها بتحط نفسها في الخطر مع القتلة والمجرمين .. وممكن تسيب مسدسها ..وتقف في وش النار ...
مؤمن: واناكلمت يوسف فهمي وقالي انه كلمها 100 مرة ..وهى مش بتسمع الكلام دا الراجل اتصاب مرة بسببها ..انا مش عارف باقي عليها ليه ؟؟ دا احنا يا أهلها مستحملين بالعافية
راغب:ايه رأيك يادكتور تروح على شغلك ؟؟يلا فيه ناس كتير مستنياك
مؤمن:حاضر يابابا ..مع السلامة
في شغل أمل
يوسف: لقوا جثة
أمل:طب يلا مستني ايه
وراوحو بسرعة لمكان الجثة ع شط ترعة
جثة لامرأة لابسة فستان سهرات لبعد الركبة وشوزعالي ..شطنتها مرمية جنبها
أمل:عصام ؟؟
عصام:اه ..سعاد الهجان 30 سنة ..متجورزة وعندها ولدين بتشتغل مساعدة مدير شركة هيرا للأدوية ..الcod (سبب الوفاة )طعنتين في الرئتين أدت لثقبها ..دا اللي ظاهر لحد دلوقتي ووقت الوفاة الساعة 1 بليل
أمل:الشنطة ؟؟
عصام: الشنطة تقريبا فيها كل حاجة ..ما اعتقدش فيها حاجة ناقصة ..يعني الحاجت المهمة موجودة
أمل:مالقتوش حاجة معاها ؟؟
عصام بخيبة أمل :لقينا
أمل:ورقة تانية؟؟
يوسف:لأ ورقة رابعة
أمل:اوك انقلوها للمعمل ..يمكن نلاقي حاجة المرة دي يلا يا يوسف
وهى سايقة العربية رايحين للمديرية
أمل:انا مش فاهمة ازاي مش قادرين نقبض عليه لحد دلوقتي ..ولا حتى قادرين نحدد نمطه ..كل اللي بيسبهولنا كارت التاروت ..وكل مرة مختلف ..والمرة دي الشيطان ...مش معقول هنستنى لحد مايكمل واحد وعشرين
يوسف:اهدي بس ..هنقبض عليها ماتقلقيش ..هو ايه الورقات اللي سابها ؟؟
امل:بجد يايوسف؟؟ القضية دي شغالين عليها بقالنا 2 شهرين وانت مش عارف ايه الورق اللي سابه
المشنوق
القوة
الجوكر
ودلوقتي الشيطان
انا فاكر المشنوق دا ..كان شكله فظيع وهومتعلق من رقبته ..أو اللي متعلق منه رقبته ..لان جسمه كله كان مقطوع
والقوة ....انا بجد مش متخيل الراجل داوالأسد بيكله
والجوكر كانت بلونة وفرقعت في وشه باين ؟؟
أمل:شكلك مذاكر ...هما الأخصائيين النفسيين قالوا ايه عنه؟ظ
يوسف:نفس الكلام القديم بتاع أي سفاح ..لو أفهم بس هو بيقدر يخليهم مايقاومهمش ازاي ؟؟ ولا جثة ظهر عليها إثار المقاومة
افتكرت ساعتها أمل الحلم اللي حلمته
أمل: تنويم مغناطيسي
يوسف:قولتي إيه؟؟
الأمل: بينومهم مغناطيسيا أو بالإيحاء ..بيقدر يتحكم فيعقولهم .. بيسحرهم
يوسف:ساحر يعني ؟؟ ساحر قاتل !!!
أمل: سحره هو اللي قاتل
كفاية كدا
ليست هناك تعليقات:
إرسال تعليق