وبعدين أمل سابت سميرة عشان تلحق شغلها ك.........
مديرة
قسم الموارد البشرية في شركة Victoria للهندسة والمقاولات واللي يملكها
رجل أعمال أمريكي ستيف نيكلاوس ...وشريكه رجل الأعمال المصري المقيم في
أمريكا مدحت اللبان
وصلت الشركة وحيت بابتسامة كل واحد قابلته هناك من أول موظف الأمن لحد المهندسين والمدراء
ولما وصلت مكتبها
أميرة السكرتيرة:الأستاذ محمود عايزك في مكتبه
أمل:طيب ...جهزي للاجتماع عما أرجع
وراحت أمل لمحمود مدير الشركة هنا في مصر
أمل دخلت بعد ماخبطت :السلام عليكم ...ازي حضرتك يا أستاذ محمود
محمود:الحمد لله يا أمل ..اتفضلي
أمل:حضرتك كنت عايزني ؟!؟
محمود:أه فعلا إن شاء الله بكرة 2 مهندسين معماري هيشتغلوا عندنا ...
أمل:بس احناماعملناش اي طلب لوظايف أو حتى مقابلات مع حد
محمود:ماهما دول مش أي حد دول أولاد مستر مدحت
أمل:أاه الأستاذ أحمد والأستاذه هند
محمود:بالظبط كدا فعايزك تخلي بالك منهم و....
أمل
قاطعته:وحضرتك عارف كويس اني مش بفرق بين حد هنا....حتى سارة بنت أخو مستر
مدحت ...بعاقبها أينعم عقابها لا يتعدي الخصم لكن هى مش بتعمل اللي أكتر
من كدا مع إن تكرارها لدا يخليني ارفدها
محمود:معلش ...مستر مدحت ماكنش هيعين حد هنا إلا لو كان يستحق ...
أمل:هى فعلا كانت ...وكان فعل ماض
محمود:بس انتي لسه تستحقي ...الاستثناء الكبير اللي عملهولك مستر ستيف
واحدة لسه مخلصة ثانوية ....زيرو خبرة ....يدربك ويعطيكي شغل ...وفيأقل من سنتين تثبتي انه كان صح وتبقى مديرة قسم hr
أمل:من حسن حظيانه فكر شئ عملته دين في رقبته فحب يكافئني ويرد الدين دا
محمود:كلنا عارفين الحكاية دي ...بس مش عارفين بقيتها
أمل: يمكن في يوم من الأيام تعرف ويمكن لأ
محمود:المهم انك موجودة ...والحمد لله على كدا
أمل:دي شهادة من حضرتك ....
محمود:ازاي بقى احنا اللي بعد كدا هنحط في cv بتاعنا اننا اشتغلنا معاكي
أمل:هههه دا شرف ليا اني اشتغل مع حضرتك....حضرتك عايزني في حاجة تانية؟؟
محمود بابتسامة فخر :لأ ..اتفضلي
وراحت أمل مكتبها فخورة بشغلها وعملها ..فخورة بنفسها
وحضرت
للاجتماع اللي بتعمله كل شهر لمراجعة التقارير والشغل ...مع إنه ممكن
يتعمل كل 6 شهور .لكن (القيادة تبدأ لحظة بذل مجهود إضافي )
وطبعا دا بياخد وقتوجهود كبير على واحدة في سنها
وفي الاجتماع
سارة
بسخرية وتكبر :بس الموضوع دا عايز علاقات جامدة ومااعتقدش انك عندك
العلاقات دي ..ولاحتى والدك ...وهو مجرد مراقب عمال وتعامله مع الناس
الكبيرة دي بيبقى ساذج وسطحي
على
الرغم من إن الموقف دا غاظ أمل جدا لأن سارة دايما بتحاول تقلل منها ومن
والدها ...لكن أمل عارفة ازاي تخلي كلام اللي قدامها يتفهم بطريقةتانية
أمل:على
فكرة والدي عنده علاقات كتييير جدا بالناس اللي بتقولي عليهم كبيرة
وعلاقات جامدة ...ولو بتسمي الطيبة في التعامل سذاجة ...فشكرا على اطرائك
جدا ...ياريت بقى نقدم تقاريرنا
احسن حاجة في نقاشك مع شخصيةعايزة ترخم عليك...تقصر معاه في الكلام
وشافت تقاريرهم واحد واحد ...ولما وصلت لتقرير أستاذ علاء
أمل: إيه دا يا أستاذ علاء؟؟
علاء بتوتر: في إيه؟!؟!
أمل: من إمتى وتقارير حضرتك ...بتتكتب بالشكل دا ولا ترتيبها بالطريقة دي ؟؟!مش شايف انهاتشبه تقارير الأستاذة سارة شوية ؟؟
امل
في الأول كانت فاكرة ان علاء فعلا سرق التقارير ....لكن ضحكة سارة اللي
كانت شبه ضحكت الساحرة الشريرة لكن من غير صوت ..فهمتها الوضع
أمل:خلاص اجتماع كدا ...اتفضلوا على مكاتبكوا...واستنى يا أستاذ علاء
بعد مامشوا
أمل:
شوف انا مكونتش هزعق واتعب نفسي زي دلوقتي لو كنت فعلا سرقت التقارير
...لكن تقبل انها تعمل معاك كدا ..اعذرني ..انا ممكن اطردك على الحكاية دي
....
علاء:ماهى هددتني انها هتطردني
أمل: وانت شايف انك لما تعمل نفسك سرقت التقارير دي مش هتتسبب في طردك؟؟
..وهى أصلا ماتقدرش تعمل كدا ....
اسمعني
كويس يا استاذ علاء حضرتك من أكفأ المحاسبين اللي هنا ..وان ماكونتش
أكفئهم كمان ...واللي ليه حق هنا ...هياخده ..وهنا مش بنظلمحد ..لازم تعرف
كدا كويس وتعرفان مافيش حاجة تقدر تطردك من هنا طول ما انا موجودة ومستر
ستيف ومسترمدحت موجودين غيرعملك ..مش حاجة تانية....
علاء:حاضر..بعتذر
أمل:لازم تعتذر لأنك غلطت في حق نفسك وحق مبادئك....اتفضل
علاء:بعد إذن حضرتك
خرجت أمل بعدها
أمل:انا رايحة لمكتب الأستاذ شريف ..ماتدخليش حد المكتب
أميرة:حاضر
وراحت أمل مكتب شريف أخو سارة ..ومديرقسم العلاقات العامة
شريف :اتفضلي يا أمل
أمل:أنا ما أقدرش ..اشتغل أكتر من كدا بالطريقة دي ....عدم معاقبتها وتحملها المسؤلية على أفعالها ...بتحليها تتمرد أكتر
شريف :إهدي
أمل:أنا هرفدها ....انا عارفةانها اخت حضرتك بسكدا كتيرقوي قوي
شريف:أمل ؟؟!!
أمل: يا أستاذي هى بتعمل كل شوية مصيبة لو كان غيرها عمل كدا انا كنت طردته ...بس خلاص انا هطردها ...ودا قرار نهائي
شريف قام قعد قدامها على الكرسي
شريف:أمل...!!؟؟!
أمل:.....
شريف:اعملي اللي انتي عايزاه
أمل: ما أنا هاعمله ان شاء الله
شريف: أمل؟؟ّ
أمل: نعم ؟؟
شريف:انتي عارفة اني بحبك !؟؟!
أمل:ارجوك بلاش نتكلم تاني فيالحكاية دي
شريف:يعني مش قادرة تسامحيني؟؟
أمل:لأسامحتك ...بس انا مش بحبك ولا بحب غيرك
شريف:بس ...
أمل:من غير بس ..أنا مش بفكرفي الحكاية دي دلوقتي خالص....واتمنى حضرتك ماتكلمنيش في الحكاية دي تاني...بعد إذنك
شريف:اتفضلي
راحت أمل مضت قرار الرفد بسرعة عشان تلحقأخر محاضرة انهارده
في المدرج
سميرة:أتأخرتي ليه ؟؟؟حظك ان الدكتور اتأخر
أمل:كان ورايا اجتماع ورفد ناس
سميرة:أيوة ياعم المهم ..بس برده ماكنش لازم تتأخري انتي عارفة قد إيه هو بيكرهك
أمل:دا بيكره نفسه مش هيكرهني ؟؟
سميرة:طب عارفة مين كلم بابا انهارده...؟؟وكلمه عن مين؟!؟!
أمل: مين عني؟!؟!
قطع كلامها دخول الدكتور حازم ...
وبدأ
المحاضرة ...محاضرة طويلة عريضة وزي العادة مافهموش منها حاجة ...وزي
العادة برده قعدوا في المكتبة عشان أمل تعيد شرح المحاضرة ليهم ودا كان
بيضايق أكتر الدكاترة منها
بعد ماخلصت وهما مروحين
سميرة:انا مش فاهمة إيه اللي جابرك تشرحي المحاضرة تاني وتفهميهم
أمل: خيركم من تعلم العلم وعلمه
سميرة: بس انتي كدا تتعبي
أمل:انا مش بتعب وانا بعمل حاجة بحبها
سميرة:
بتحبي تشتغلي في الشركة وتدرسي وتشرحي المحاضرات ..وتذاكري لأخوكي واختك
وتساعدي أبوكي في شغله ؟؟؟ ...بسم الله ماشاء الله..لأ وتكتبي كمان ...سبع
صنايع
أمل:والبخت إن شاء الله مش ضايع...يلا بقى نلحق ميكروباص من نقك دا
ونست أمل تسألها مين كلم باباها ونست سميرة تقوللها
وروحوا مع بعض وطلعت أمل اتغدتمتأخر ..ودخلت أوضتها تكتب في صفحتها على الفيسبوك ...سميرة كل يوم
سميرة كل يوم
السلام عليكم ....انا سميرة ..لأأ مش اسمي ..لكن فعلي ...أسامركم كل يوم
إيه الكلام الكبير دا
المهم ازيكوا ؟؟!! يارب تكونوا كويسين ...وانا الحمد لله ....اليوم كان مرهق ومتعب لكن ....الحمد لله على كل حال
سألتني صديقتي سميرة (دااسمها بجد) أنا ليه بعمل كل الحاجات دي ؟!!
ليه بشتغل كل الشغل دا ؟؟
ليه
؟؟؟ مشه أقولكوا بقى عشان أساعد الناس وكدا ...لأ عشان ارضي ربنا بإني
أكون سعيدة ومرتاحة ...بأني أساعد الناس ...ويكون وقتي دايما مليان بعبادته
بس
برده ....انا بستمتع ليه ؟؟لأني بحب نفسي لما بعمل كدا ...بحس اني كبيرة
...بعملي مش بسني (أنا لسه صغيرة ^_^)..بحس ان ليا مكان في الدنيا
...وماننساش كلام روبن شارما في دليل العظمة (أن العمل والحياة ليسا في
النهاية إلا مسألة تكوين علاقات وروابط إنسانية مع الأخرين )
وكمان حاجة مهمة جدا جدا جدا (الناس يعملون مع من يحبوون)
عارفين حال الناس اللي مش بتشتغل ؟؟أهو حال الناس اللي بتشتغل بالرغم من الضغط والصعوبات اللي بتقابلها عكسه
وأنا كمان بقابل الضغط دا لكن كمان في نفس الكتاب قرأت إن (الأشخاص أو الظروف التي تفقدك سيطرتك على نفسك لها قيمة فذة فهى.......)
مالحقتش تكمل لأن باباها دخل وطلب انه يتكلم معاها
نكمل بكرة إن شاء الله
السلام عليكم
نورهان لاشين
ليست هناك تعليقات:
إرسال تعليق