في حي السكاكيني الحلقة الخامسة

الحلقة الخامسة

 حس أحمد بنفس إحساس الصغر والمهانة اللي بيكرهم 

ومن غير مايحس ويشعر أو حتى يفكر في رد فعله 

ضرب أمل ألم 

كان الأمر كأن الزمن اتوقف ..كل حاجة فضلت ثابتة مستنية رد فعل أمل 

هتعمل إيه ..ازاي هتتصرف...مهما كنت عارف شخص ممكن ماتقدرش تتوقع رد فعله خاصة في المواقف الجديدة

أمل بعد مافاقت من الصدمة  :اتفضل يا أستاذ أحمد معايا على المكتب 

طبعا أحمد كان مذهول من رد فعله..ازاي عمل حاجة زي كدا ..ماكانش مصدق نفسه لكن ..مالامهاش...لام سميرته

أحمد :أنا بجد أسف ..بجد أسف انا مش عارف انا عملت كدا ازاي !!!انا ماكونتش في وعيي ..أرجوكي سامحيني 

أمل بهدوء يشبه هدوء قبل العاصفة:اسمع يا أستاذ أحمد ....

ماكملتش لان أحمد قرب منها 

في الوقت دا كانت نور بتلوم نفسها ..بتلومها لأنها عارفة انها غلطت بس كل اللي كانت بتقوله يارب ...يارب ينقذها من وحش زي دا قبل ما يقتلها بجد 

لأنه حتى لو اتوقف قبل ما يعمل أي حاجة ..فهو قتلها ..قتل روحهها

ساعات الشخص اللي بيعمل حاجة ضد الأخلاق والدين ومترضيش ربنا  ..بيكون ناسين ربنا ...ومحتاجين اللي يفكرهم 

والحمد لله إن محمد منهم 

لما سمعها بتقول يارب ..حس ان قلبه وقف للحظة ..حس ان فيه حاجة جواه بتألمه وبتألم نفسها 

بعد عنها مذهول ..وهى مالامتوش لأنها عارفة انها غلطانة أده ..لكنها قالت الحمد لله ..الحمد لله 

راحت الحمام تغسل وشها من الدموع وحاولت تصلح البلوزة بعد ما اتقطعت ..لكن ماعرفتش 

ولما خرجت وطالعة لفصلها ..اتلموا البنات حواليها لماشافوها بتعيط والبوزة مقطوعة 

بنت #1 :مالك ؟؟

نور:مافيش بس البلوزة شبكت في مسمار 

بنت #2 :وبتعيطي عشان كدا ؟؟

بنت#1 :ايه يا قطة خفي...شوفيلنا جاكيت تلبسه عماتروح

وسمعهم وهو معدي ولد زميلهم ..

فقلع الجاكيت واعطاه لنور 

نور ما اخديتوش بسرعة لأ ..فضلت ماسك الجاكيت وهى بتبصله ..ازاي واحد فكرته في يوم بيحبها وهى حبته  قطعلها البلوزة ...وواحد  تاني..لا اتعاملت معاه قبل كدا ولا حاجة هو اللي غطاها..هو اللي سترها

الستر دي كلمة كبيرة اوي  ..وساعات بنستهون بيها ...بس واحدة زي دي فهمت الكلمة ..واحدة زي دي فهمت الإحساس بالستر 

دخلت كملت حصصها عادي 

أما أمل 

فأحمد قرب لها وهو ماسك منديل لان أنفها بدأ ينزف...فهى رجعت راسها لورا وسندته على الكرسي 

أحمد:لا لا لا ..

ومسك أعلى الجزء المرن من أنفها بالمنديل وخلاها توطي راسها لقدام شوية 

أحمد:خليكي كدا لخمس دقايق وان شاء الله هيقف النزيف واتنفسي من بئك

أمل بصوت شبه صوت الأراجوز المخنوق:أكيد هتنفس من بؤي

ضحك أحمد ضحكة خفيفة وضحكت أمل بعديها ولا كأن حاجة حصلت 

بس مشمعنى كدا إن أمل مانستش 

بعد شوية جابتلها أميرة عصير وكلهم جم اطمنوا عليها وهما خلاص هيمشوا

أمل: خليكوا لوسمحتوا ......أستاذ أحمد ؟؟!

أحمد:نعم؟؟

أمل:حضرتك غلطت في حق الاستاذ رأفت ..ولازم تعتذرله 

أحمد: أنا أسف يا أستاذ رأفت ..أنا أأسف يا أستاذة  أمل عاللي عملته  بجد ماكانش قصدي ..بجد أسف 

طبعا كانت هند موجودة وماكنش عاجبها خاالص اعتذار أحمد ..لا أنها شايفة انه من حقه انه يزعق في اللي يغلط فيه 

هند في المكتب مع سارة اللي جاية زيارة 

سارة:انا مش فاهمة شايفة نفسها علينا ليه ؟؟ تخلي أخوكي كمان يعتذر لرأفت طب ليه

هند:مش عارفة ...البنت دي شكلها مش سهل 

دخل أحمد هو وشريف

هند:ماكنش لازم تعتذر 

شريف:لأ كان لازم ..هو غلط ..ولا زم يتحكل نتيجة غلطه ..داكمان ضربها ..الحمد لله انها جت على قد اعتذار وخصم عشر أيام 

وسارة:وهو احنا شغالين عندها ؟؟

شريف:شغالين معاها وهى ليها كل الحق انها تعمل كدا

هند:انا مش فاهمة بتدافع عنها كدا ليه؟؟

سارة:هو كدا على طول ..هى تقول يمين ..يمين ..شمال شمال

شريف:قصدك إيه ؟؟

سارة:قصدي ان شكلك بتحبها

شريف:بس داما بيأثرش في شغلي يا أستاذة بحبها بقى ولا بكرهها الشغل شغل 

هند:مالك يا أحمد ساكت ليه؟؟

أحمد:عشان عنده حق ...كان حقها تطردني مش تديني يومين خصم

هند:لا تكون انت كمان بتحبها ؟؟ 

بصله شريف مستني رده ..الحقيقة غيرته هى اللي مستنية رد أحمد

أحمد:أنا ماشوفتهاش غير يومين هأحبها فيهم 

شريف نوعا ما أرتاح ..لكن سارة بحاسة المرأة الثامنة.. شكت في الموضوع 

أما أمل ..فجالها صداع من أثرالضربة ..

أمل لأاميرة:معلش يا أميرة شوفيلي حاجة للصداع 

أميرة:حاضر 

داخت أمل وقعدت ع الكرسي قدام أميرة 

قامت أميرةبسرعة 

أميرة:حضرتك كويسة ؟؟

أمل:اه ..بس تعبت شوية اصلي ما فطرتش كويس انهارده ..انتي عارفة ان الفطار اهم وجبة 

أميرة:ههه حضرتك دايما بتهزري ..هروح أجيب لحضرتك عصير ودوا 
وبعد ما أميرةخرجت دخل شريف لاقها قاعدة على الكرسي وشكلها تعبان 

شريف بقلقل:انتي تعبانة؟؟
أمل:لأالحمد لله ..بس شوية صداع 
شريف:كان إيده تقيلة ؟؟
أمل:ههه جدا ..
شريف:هههه ..طب انتي متأكدة انك كويسة؟؟
أمل:أه الحمد لله ..روح انت على شغلك وانا لما هاخد الدوا هابقى أحسن إن شاء الله 
شريف:طب ماتروحي بدري 
أمل:حاضر 
شريف:هاوصلك 
أمل:مالوش لزوم 
شريف:لألازم كاعتذار 
أمل:بس انت ماعملتش حاجة 

شريف:لأ عملت زمان..ولسه بحاول عشان تسامحيني 
أمل:شريف ؟؟!
شريف: هاخدك بعد خمس دقايق
أمل:لأ معلش ..بس لوعايز تساعدني ..اطلبلي تاكسي ..
شريف:زيما تحبي
ومشى شريف 

بعد ما أمل أخدت الدواحست انها أحسن ..لكنها فضلت تروح بدري ..وماكملتش محاضرات الجامعة

في شغل شعبان 

المدير: فيه شغل جاي مهم جدا جدا ..لازم تاخد بالك منه كويس ..

شعبان:امتى يافندم؟؟

المدير:بعد شهر ..بس الشغل دا ماحدش يعرف عنه حاجة

شعبان:وهو إيه؟؟

المدير:بقولك ماحدش يعرف عنه حاجة ..حتى انت مش هتعرف
شعبان:حاضر يافندم
المدير:اتفضل على شغلك يلا
شعبان:بعد إذن حضرتك 

في البيت عند أحمد
مدحت:سمعت انك عملت مشكلة انهارده
أحمد:هولحقت الأخبار توصل لحضرتك ؟؟
مدحت: اناكل حاجة بتوصلي ..بس مش فاهم ازاي تديك خصم 10 أيام بس ؟؟
أحمد:طلعت طيبة 
مدحت:خلى بالك ...على قد ما أمل طيبة جدا وقلبها أبيض وبتسامح ...لكن مابتنساش ..وممكن في يوم يكتر عليها اللي بتمسحه ..فيسود قلبها ..خلى بالك ..الناس الطيبين هما أكتر ناس نخاف عليهم ..ولوأهملناهم ..نخاف منهم 
أحمد:حاضر يابابا ...كنت عايز اكلم حضرتك في موضوع سارة 
مدحت:إيه ؟؟؟ احناخلاص هنروحلهم أخر الأسبوع اللي جاي
أحمد:اوك ..انا بس كنت عايز اعرف ههنروح امتى؟؟