الحلقة الثانية
أمل :معلش يابابا لحظة واكون مع حضرتك
شعبان:ولا يهمك يابنتي
شعبان:ولا يهمك يابنتي
كملت أمل
(الأشخاص أو الظروف التي تفقدك سيطرتك على نفسك لها قيمة فذة فهى تكشف معتقداتك المقيدة ومخاوفك وافتراضاتك الخاطئة)
ولو انتقلنا بقى اني بعمل حاجات كتير ..فأنا مش بعملها في وقت واحد بالغرم من إن فيه أيام بعملها في وقت واحد لكن بعمل كل حاجة لوحدها ...دا بيدين طاقة افضل اشتغل ..بيديني ثقافة ...أيوة ثقافة ...الثقافة مش بس بتيجي من قراية الكتب لكن كمان من الشغل والعمل وكمان الاستمتاع والفرح..الحقيقة هى بتيجي من الحياة ..والحياة مش بس شغل
وكمان بتخلي وقتي مليان ..بحاجة كويسة
عشان لما ربنا يسألني عن وقتي وشبابي ..اعرف أجاوب
انت هتعرف تجاوب ؟؟!
نشرت أمل المقال وبعدين
أمل:مع حضرتك يابابا
شعبان :الحاج صالح كلمني وانا طالع من الصلاة
أمل:في إيه؟؟
شعبان:حسام ابنه عايز يخطبك
أمل:وحضرتك قوتله إيه؟؟
شعبان:قولتلو هسألك ..إيه رأيك؟؟
أمل:انا عايزة اعرف إيه رأي حضرتك
شعبان: هو ولد كويس وكله لكن ماكملش تعليمه وبيشتغل نجار ..فمش حاسس انه يناسبك انتي بتتعلمي وبتشتغلي في حتة كويسة كمان
أمل:حضرتك عارف كويس اني مش هرفض واحد زي دا عشان كدا ..بالعكس حسام شخص رائع جدا ومثقف ومتفتح ومتدين ...ويقدر يكمل تعليمه في أي وقت وكمان شغله دامايعيبوش ابدا ....بالعكس دا عنده طموح انه يكبر ويتطور ...والحقيقة شخص زي دا مايتقلوش لأ
لكن المشكلة عندي أنا ..انا مش عارفةاذا كنت اقدراكون معاه العمر كله ولا لأ ..مااعرفش اذاكنت أحب تاني غيره يعني لو كنت بحبه ...مش عارفة اذا كنت مش هندم على جوازي منه ....انا بس مش عايزة اعمل حاجة غلط ...حاجة تصغرني قدام نفسي وقدامه والأهم قدام ربنا ...عشان هو كويس انا عايزة احافظ عليه ..بس مش بجوازي بيه ....انا لسه صغيرة ع الحب والجواز
شعبان دايما بيحب يسمع كلام بنته أمل ..بيكون فخور بيها
شعبان: ربنا يهديكي يابنتي ويكملك بعقلك ياارب
أمل:ربنا يخليك لينا يابابا ..هى ماما عرفت ؟؟
شعبان:لأ ..وماتقوليلهاش ...دا تالت عريس يجيلك وانتي ترفضيه ..والله اعلم ممكن تعمل إيه !!
أمل: حاضر يابابا
شعبان:طب يلا قومي ذاكري
أمل:حاضر ورايا بس شوية شغل اخلصه
شعبان:لو كنتي تعبانة في شغلك بلاش منه
أمل: لا ياحبيبي انا كويسة الحمد لله ومستمتعة جدا في شغلي ..ربنا يخليك
شعبان:ماشي ...ياحبيبتي
وباسها في جبينها وخرج ...ودخلت نور ..بعد مارجعت من الدرس وكانت مكشرة
أمل:اتأخرتي ليه يانونو
نور:المدرس أخرنا
لاحظت أمل انها مضايقة راحت قعدت ع السرير جنبها
أمل: مالك يانور
نور:مافيش
أمل:على أمل حبيبتك برده ...وانتي ليكي مين غيري تحكيله ...قوليلي كل اللي نفسك فيه
نور:مافيش يا أمل خلاص بقى
أمل:براحتك ياحبيبتي ...بس اناموجودة دايما ..والأهم إن ربنا موجود
نور:طيب
قامت أمل تكمل شغلها عشان تبدأ تذاكر
وراحت نور البلكونة تتكلم في الموبايل اللي رن
نور: ايوة ياسلمى ...انتي فين برن عليكي من بدري
سلمى:معلش بقى كنتمع مدحت
نور:شوفتي محمد عمل معايا إيه ؟؟
سلمي:أه دينا حكتلي ....بس انتي برده زودتيها شوية دي كانت واقفة بتتكلم معاه بس وبتهزر
نور:مانتي عارفة ريم ياسلمي ..وهى عايزة تاخده مني بأي طريقة ...وبعدين هو يزعقلي ليه ...عشانها ...
سلمى:ما انتي برده قولتيله مايقفش معاها كأنك بتأمريه
نور:ياسلام وهو لما قالي ماتكلميش معتز انا قولت لأ دا حتى انا عمري ما وقفت مع معتز اهزرمعاه ..كل كلامنا كان صباح الخير صباح النور المدرس عمل ايه امبارح ..بس
سلمى: طب معلش اهدي بقى ..واستنيه لما يكلمك ..ماكلمكيش نبقى نتصرف بكرة
نور:طيب ...سلام
سلمي:سلام
بعد ماقفلت على طول مع سلمى لقت موبايلها بيرن باسم نشوى
نور:نعم
محمد:إيه المكالمة الناشفة دي ...
نور:عايزني يعني أرد ازاي؟؟
محمد: أومال فين حبيبي ووحشتيني ؟؟
نور:سبناهم للست ريم
محمد:انتي عبيطة ..؟؟ريم إيه كمان اللي تغيري منها ...دا اانتي اللي في الحتة الجوانية ..في نص قلبي
نور:وعشان كدا زعقتلي ؟؟
محمد:ماكانش قصدي ياحبي والله ..انا بس كنت مضايق شوية وانتي جيتي زعقتيلي ...فطلع فيكي ...ماتزعلش بقى ياجميل
نور:لأ مضايقة
محمد:ماتزعليش بقى ...دا انت حبيبي
نور:ياااسلام كل بعقلي حلاوة
محمد:دا انت الحلاوة كلها
فرحت نور وصدقته ..وصالحته اصلا هى خاصمته فينفسها وصالحته في نفسها
محمد:مش هاسمع بقى كلمتين حلوين ؟؟
نور:مش قولت انا الحلاوة كلها ؟؟
محمد:طبعا..بس يعني حاجة تصبرني عما اشوف الحلاوة دي الصبح
نور:بحبك
محمد:وانا كمان...هأبقى أكلمك الصبح
نور:ماشي...تصبح على خير
محمد:سلام ياحبي
دخلت نور تذاكر ..عكس ماكانت داخلة البلكونة خاالص كانت فرحانة ومبسوطة ...بس فرحتها دي كانت مستخبية ...عشان حد مايسألهاش ...مع إن أحلى فرحة ..اللي تبينيها وتغيظي الناس بيها لما يسألكوي فرحانة ليه ...وفي الآخر بتقوليلهم وانتي سعيدة ومش خايفة ..بتقوليلهم حاجة صح حاجة فعلا نور
وخلصت أمل شغلها وقعدت تذاكر ..شوية وبعدين راحت تذاكر لهشام أخوها
في حين إن أحمد كان في أمريكا قاعد ع اللاب ..بيقرأ سميرة كل يوم
وأخته هند بتتكلم مع سارة بنت عمها في التليفون
ليست هناك تعليقات:
إرسال تعليق