الحلقة الرابعة
ماكنتش تعرف انها حاسة بالخوف ..كان ماسك إيديها وماشي في الطرقة الطويلة
بس كانت حاسة ان قلبها بيدق بسرعة ودماغها واقفة عن التفكير
وفجأة
رن تليفونها
نور: دي ماما ...انا لازم أمشي
محمد:بسرعة كدا ؟؟
نور: معلش اشوفك بكرة
محمد: طيب استني أوصلك
نور: لأ معلش هاأخد تاكسي
وخرجت نور من الشقة
ورن موبايل محمد
ريم : أيو ؟؟....عملت إيه ؟!!
محمد: مالحقتش
ريم: وانت ازاي تسيبها تمشي ؟؟
محمد:معرفتش امسكها ...وبعدين انا قولتلك لسه عليها شوية ..وانتي اللي استعجلتي
ريم:بقولك إييه ؟؟ خلص الموضوع دا بسرعة
محمد:حااضر
ولما نزلت نور حست بأمان ..واستغربت لإحساسها دا ..لأانها ماكنتش تعرف انها خايفة
وروحت بتاكسي
وأمل في أوضتها بعد مارنت عليها من موبايل مامتها
كريمة:انتي ازاي ماتقوليليش ان حسام كان عايز يخطبك ؟؟!!
أمل: أنا رفضته من الأول وخلاص
كريمة:يعني إيه؟؟؟ هتقعدي كدا ؟؟
أمل: ياماماا انا مش عايزة أتجوز دلوقتي
كريمة: يعني إيه مش عايزة تتجوزي ...البنت اللي مش عايزة تتجوز تبقى بنت......
قاطعتها أمل :إيه ياماما ..تبقى بنت إيه ؟؟
اسألي أي واحد ماشي في الشارع وهويقولك أخلاقي لو انتيمش عارفة اخلاقي
كريمة :يبقى هتتجوزي حسام
أمل:لأ انا مش عايزة
كريمة:هتتجوزيه ورجلك فوق رقبتك ...أناكلمت أمه وهيجوا أخر الأسبوع بعد ما يرجع من الجيش ..ودا آخر كلام
أمل:بس..
كريمة:من غير اعتراض ....اظاهر ان ابوكو طلعكوا زيادة لغاية لما خيبكوا ..بس هتتجوزيه ..يعني هتتجوزيه
وقامت كريمة وسابت أمل في حيرة وقلق ..فقامت تصلي ركعتين ...ولما روحت نور قعدت ع السرير لما أمل تخلص صلاة ...ولما أمل خلصت قعدت جنبها
نور:مالك ؟؟
أمل:أمك عرفت
نور:عرفت ايه؟؟
أمل: ان حسام جه يتقدملي ...وكلمت مامته وجايين أخر الاسبوع
نور:نعم؟؟ وانتي ليه ماقولتلهاش لأ
أمل:قولتلها بس..
نور: خلاص ..خلاص ...فهمت .....وانتي هتعملي إيه ؟؟
أمل: الحمد لله ان حسام شخص متفتح وكويس ..وانا لما أحكيله الحكاية مش هيكمل ...الحمد لله اني ماقولتلهاش على حازم
نور:حازم مين ؟؟
أمل:الدكتوور حاااازم
نور: وماله دا كمان
أمل: قالي بحبك الصبح
نور: نعم ياختي ؟؟ الدكتور حازم اللي بتحكيلي عنه ؟؟
أمل: أه
نور:وأكييد رفضتي
أمل: مالحقتش ..بس هأقوله بكرة ..وحازم أصلا ليه لوحده سبب عشان يترفض
نور: وإيه هو بقى؟!!
أمل: لأن حازم ماقلش كدا عشان بيحبني ....دا قال كدا عشان ابقى خدامته اللي تظبطله المحاضرات وتراجعله الكتب ومش بعيد أعمله الماجستير والدكتوراه كمان
حازم مابيحببش حد إلانفسه وعمره ماحبني ولا هيحبني
نور:طب وماله حسام ؟؟
أمل:مامالوش ..حسام شاب كويس جدا ..لكن أنا اللي مش عايزة ...
نور:مش عايزة إيه ؟؟
أمل: مش عايزة ابقى زي أمك ..اتجوز واحد مابحبوش ..ولا أحبوجودي معاه ..وأكره أولادي لأنهم اللي ربطوني بيه أكتر
مش عايزة بنتي لما تحتاج حضن أم وهي راجعة من المدرسة بتعيط لأن البنات ضايقوها ماتلقيهوش ..وماتلاقيش اللي يقولها ماتزعليش انتي أحلى منهم كلهم حتى لو بالكذب
مش عايزها تحس اللي حسيته
مش عايزة اتجوز واحد مش متأكدة إني هأفضل أحبه ..أو حتى ما أحبش غيره في خياتي ..لأأن ساعتها أنا هستحقر نفسي أوي
نور:انتي يا امل اللي شلتينا ..وربتينا .وماخلبتناش نحس أبدا باللي انتي حستيه مع ماما
أمل: الحمد لله انكو ماحستوشدا
أمل كانت الدموع في عينيها لكنهاخايفة ..خايفة من أمل نفسها لتزعقلها انها بينت ضعفها ..بس نور لحظت دموعها وهى بتداري نفسها ..وكانت أول مرة من 8 سنين تشوف دموع أمل
وأمل حاولت تغير الموضوع
أمل:نسيت أقولك مش حازم مش أول واحد يقولي بحبك
نور:ومين كمان ..يا جوليت ؟؟
أمل: واحد من اللي بيقروا سميرة كل يوم
نور:بتتكلمي بجد ؟!!
أمل: أه والله
نور:وانتي قولتيله إيه؟؟
أمل: لسه ماردتش مالحقتش ...لسه شايفاها الصبح
نور:وانتي مصدقاه ؟؟
أمل: يمكن هو حاسس بإعجاب ..ناحية سميرة كل يوم بس مش حب
نور: ليه بقى ؟؟
أمل: لأنه ماعرفش يقول لأ لمامته اللي خطبتله بنت عمه ...الحب يانور مش كلمة ..الحب أفعال ..ودامستنيمني رد لو وافقت هيسيب التانية ولو موافقتش هيروحلها ...ماينفعش في الحب يكون فيه اختيارات ..مانجحتش في الأول تروح للتاني ..لازم يحدد ..وهو ماحددش يبقى مش بيحب بجد
وبعدين حتى لو بيحبني بجد عمري ما هتأكد من حبه إلا لو قالهالي هنا قدام بابا وأمك وهشام وكل الناس ..يقولي بحبك وعايز أتجوزك
الكلمتين دول مايجوش لوحدهم ..لازم يكونوا ورا بعض على طوول
نور:وافرضي هو كان صغير
أمل: انا مش بتكلم ع السن يانور ..انا بتكلم دا راجل ولا لأ
وأيا كان سنه كبير ولاصغير ..هيكون راجل وعايزني بجد بما يجيهنا ويقول انا مش عايز أعمل حاجة غلط ..ومش عايز أعمل حاجة في الظلمة ..انا جيت لأني بخاف عليا مش بس زي أختى لكن كمان زي نفسي
فعشان كدا مش هاسمح أبدا إني أخلليها تعمل حاجة غلط
عشان الناس لما يشوفوني معاها يقولوايابختها ..ومايقولوش استغفر الله العظيم ..ويجبوا في سيرتها
وساعتها يانور مهما كان سنه صغير هيكون أجدع راجل في الدنيا ..هيكون راجل بيحب بجد
وحطيها قاعدة عندك ومبدأ الصح اللي يتعمل في الظلمة بيتعمل فيها لأنه بيتعمل غلط ..وبدايته ونهايته غلط ..
والصح اللي يتعمل في النور صح دا بقى أحلى حاجة في الدنيا كلها
عن النواس بن سمعان رضي الله عنه عن النبي صلى الله عليه وسلم
(البر حسن الخلق ..والإثم ماحاك في نفسك وكرهت ان يطلع عليه الناس )
وعن وابصة بن معبد رضي الله عنه قال (أتيت رسول الله صالى الله عليه وسلم فقال "جئت تسأل عن البر؟" قلت "نعم" فقال " استفت قلبك ..البر ما اطمأنت إليه النفس واطمأن إليه القلب والإثم ماحاك في نفسك وتردد في الصدر وإن أفتاك الناس وأفتوك ")
نور: وحتى لو هى بتحبه ؟؟
أمل: الحباللي في الظلمة مش حب
الحب مش كلمتين ومسكة إيد الحب انا وانت وفرح .إنشاله فوق السطوح
الحب لمانمسك إيدين بعض وانا مش خايفة وقلقانة انحد يشوفنا ..مش خايفة وقلقانة ان ربنا يشوفنا
الحب آمان ...والأمان مش في الظلمة
صح؟؟
نور:صح
أمل:أنا هاقوم بقى أرد ع الغلبان اللي مستني الرد دا
ونور رن موبايلها وعرفت انه محمد ولكنها ماردتش عليه وقفلت تليفونها خاالص لأنها قعدت تفكر في اللي عملته ..صح ولا غلط
أما أمل فراحت تكتب الرد لأحمد
اللي كان قاعد في بيتهم في مصرقلقان ..وتعبان ..ومستني اي رد ..وأخته كمان كانت مستنياه يرد علليها وعلى كلامها اللي اصلا ماسمعوش
هند:شوفت يا احمد عاملتنا ازي ؟ دا ولا كأننا شغالين عندها ..ولا رأفت دا بتاع كبير المهندسين ..شوفت قالي إيه لما قولتله اسمي بالكامل ؟؟
انا مش طايقة الشركة دي ..انا عايزة ارجع أمريكا
...أحمد ....أحمد....أنت معايا ؟؟!
أحمد: عايزة إيه؟؟
هند:عايزة نشوف حل في المصيبة اللي اسمها امل دي
أحمد:مصيبة ؟؟!! كبري دماغك وماتبقيش صغيرة أوي كدا هى ماعملتش غير شغلها وقابلتنا بابتسامة وطيبة
هند:وهى لحقت تضحك عليك بالكلام دا ؟؟ انت طيب أوي وعلى نياتك
أحمد لأول مرة يتعصب كدا بجد :اسكتي بقى ...انا اعرف كويس ازاي اقول رأيي واكون طيب أو شرير مايخوصكيش ..
هند استغربت تصرف أخوها جدا جدا ..وقررت تبعد عنه الوقت دا لما يهدى
وهو قعد يستني الرد
لحد ماوصله
الجزء التاني بكرة الصبح إن شاء الله
نورهان لاشين
ماكنتش تعرف انها حاسة بالخوف ..كان ماسك إيديها وماشي في الطرقة الطويلة
بس كانت حاسة ان قلبها بيدق بسرعة ودماغها واقفة عن التفكير
وفجأة
رن تليفونها
نور: دي ماما ...انا لازم أمشي
محمد:بسرعة كدا ؟؟
نور: معلش اشوفك بكرة
محمد: طيب استني أوصلك
نور: لأ معلش هاأخد تاكسي
وخرجت نور من الشقة
ورن موبايل محمد
ريم : أيو ؟؟....عملت إيه ؟!!
محمد: مالحقتش
ريم: وانت ازاي تسيبها تمشي ؟؟
محمد:معرفتش امسكها ...وبعدين انا قولتلك لسه عليها شوية ..وانتي اللي استعجلتي
ريم:بقولك إييه ؟؟ خلص الموضوع دا بسرعة
محمد:حااضر
ولما نزلت نور حست بأمان ..واستغربت لإحساسها دا ..لأانها ماكنتش تعرف انها خايفة
وروحت بتاكسي
وأمل في أوضتها بعد مارنت عليها من موبايل مامتها
كريمة:انتي ازاي ماتقوليليش ان حسام كان عايز يخطبك ؟؟!!
أمل: أنا رفضته من الأول وخلاص
كريمة:يعني إيه؟؟؟ هتقعدي كدا ؟؟
أمل: ياماماا انا مش عايزة أتجوز دلوقتي
كريمة: يعني إيه مش عايزة تتجوزي ...البنت اللي مش عايزة تتجوز تبقى بنت......
قاطعتها أمل :إيه ياماما ..تبقى بنت إيه ؟؟
اسألي أي واحد ماشي في الشارع وهويقولك أخلاقي لو انتيمش عارفة اخلاقي
كريمة :يبقى هتتجوزي حسام
أمل:لأ انا مش عايزة
كريمة:هتتجوزيه ورجلك فوق رقبتك ...أناكلمت أمه وهيجوا أخر الأسبوع بعد ما يرجع من الجيش ..ودا آخر كلام
أمل:بس..
كريمة:من غير اعتراض ....اظاهر ان ابوكو طلعكوا زيادة لغاية لما خيبكوا ..بس هتتجوزيه ..يعني هتتجوزيه
وقامت كريمة وسابت أمل في حيرة وقلق ..فقامت تصلي ركعتين ...ولما روحت نور قعدت ع السرير لما أمل تخلص صلاة ...ولما أمل خلصت قعدت جنبها
نور:مالك ؟؟
أمل:أمك عرفت
نور:عرفت ايه؟؟
أمل: ان حسام جه يتقدملي ...وكلمت مامته وجايين أخر الاسبوع
نور:نعم؟؟ وانتي ليه ماقولتلهاش لأ
أمل:قولتلها بس..
نور: خلاص ..خلاص ...فهمت .....وانتي هتعملي إيه ؟؟
أمل: الحمد لله ان حسام شخص متفتح وكويس ..وانا لما أحكيله الحكاية مش هيكمل ...الحمد لله اني ماقولتلهاش على حازم
نور:حازم مين ؟؟
أمل:الدكتوور حاااازم
نور: وماله دا كمان
أمل: قالي بحبك الصبح
نور: نعم ياختي ؟؟ الدكتور حازم اللي بتحكيلي عنه ؟؟
أمل: أه
نور:وأكييد رفضتي
أمل: مالحقتش ..بس هأقوله بكرة ..وحازم أصلا ليه لوحده سبب عشان يترفض
نور: وإيه هو بقى؟!!
أمل: لأن حازم ماقلش كدا عشان بيحبني ....دا قال كدا عشان ابقى خدامته اللي تظبطله المحاضرات وتراجعله الكتب ومش بعيد أعمله الماجستير والدكتوراه كمان
حازم مابيحببش حد إلانفسه وعمره ماحبني ولا هيحبني
نور:طب وماله حسام ؟؟
أمل:مامالوش ..حسام شاب كويس جدا ..لكن أنا اللي مش عايزة ...
نور:مش عايزة إيه ؟؟
أمل: مش عايزة ابقى زي أمك ..اتجوز واحد مابحبوش ..ولا أحبوجودي معاه ..وأكره أولادي لأنهم اللي ربطوني بيه أكتر
مش عايزة بنتي لما تحتاج حضن أم وهي راجعة من المدرسة بتعيط لأن البنات ضايقوها ماتلقيهوش ..وماتلاقيش اللي يقولها ماتزعليش انتي أحلى منهم كلهم حتى لو بالكذب
مش عايزها تحس اللي حسيته
مش عايزة اتجوز واحد مش متأكدة إني هأفضل أحبه ..أو حتى ما أحبش غيره في خياتي ..لأأن ساعتها أنا هستحقر نفسي أوي
نور:انتي يا امل اللي شلتينا ..وربتينا .وماخلبتناش نحس أبدا باللي انتي حستيه مع ماما
أمل: الحمد لله انكو ماحستوشدا
أمل كانت الدموع في عينيها لكنهاخايفة ..خايفة من أمل نفسها لتزعقلها انها بينت ضعفها ..بس نور لحظت دموعها وهى بتداري نفسها ..وكانت أول مرة من 8 سنين تشوف دموع أمل
وأمل حاولت تغير الموضوع
أمل:نسيت أقولك مش حازم مش أول واحد يقولي بحبك
نور:ومين كمان ..يا جوليت ؟؟
أمل: واحد من اللي بيقروا سميرة كل يوم
نور:بتتكلمي بجد ؟!!
أمل: أه والله
نور:وانتي قولتيله إيه؟؟
أمل: لسه ماردتش مالحقتش ...لسه شايفاها الصبح
نور:وانتي مصدقاه ؟؟
أمل: يمكن هو حاسس بإعجاب ..ناحية سميرة كل يوم بس مش حب
نور: ليه بقى ؟؟
أمل: لأنه ماعرفش يقول لأ لمامته اللي خطبتله بنت عمه ...الحب يانور مش كلمة ..الحب أفعال ..ودامستنيمني رد لو وافقت هيسيب التانية ولو موافقتش هيروحلها ...ماينفعش في الحب يكون فيه اختيارات ..مانجحتش في الأول تروح للتاني ..لازم يحدد ..وهو ماحددش يبقى مش بيحب بجد
وبعدين حتى لو بيحبني بجد عمري ما هتأكد من حبه إلا لو قالهالي هنا قدام بابا وأمك وهشام وكل الناس ..يقولي بحبك وعايز أتجوزك
الكلمتين دول مايجوش لوحدهم ..لازم يكونوا ورا بعض على طوول
نور:وافرضي هو كان صغير
أمل: انا مش بتكلم ع السن يانور ..انا بتكلم دا راجل ولا لأ
وأيا كان سنه كبير ولاصغير ..هيكون راجل وعايزني بجد بما يجيهنا ويقول انا مش عايز أعمل حاجة غلط ..ومش عايز أعمل حاجة في الظلمة ..انا جيت لأني بخاف عليا مش بس زي أختى لكن كمان زي نفسي
فعشان كدا مش هاسمح أبدا إني أخلليها تعمل حاجة غلط
عشان الناس لما يشوفوني معاها يقولوايابختها ..ومايقولوش استغفر الله العظيم ..ويجبوا في سيرتها
وساعتها يانور مهما كان سنه صغير هيكون أجدع راجل في الدنيا ..هيكون راجل بيحب بجد
وحطيها قاعدة عندك ومبدأ الصح اللي يتعمل في الظلمة بيتعمل فيها لأنه بيتعمل غلط ..وبدايته ونهايته غلط ..
والصح اللي يتعمل في النور صح دا بقى أحلى حاجة في الدنيا كلها
عن النواس بن سمعان رضي الله عنه عن النبي صلى الله عليه وسلم
(البر حسن الخلق ..والإثم ماحاك في نفسك وكرهت ان يطلع عليه الناس )
وعن وابصة بن معبد رضي الله عنه قال (أتيت رسول الله صالى الله عليه وسلم فقال "جئت تسأل عن البر؟" قلت "نعم" فقال " استفت قلبك ..البر ما اطمأنت إليه النفس واطمأن إليه القلب والإثم ماحاك في نفسك وتردد في الصدر وإن أفتاك الناس وأفتوك ")
نور: وحتى لو هى بتحبه ؟؟
أمل: الحباللي في الظلمة مش حب
الحب مش كلمتين ومسكة إيد الحب انا وانت وفرح .إنشاله فوق السطوح
الحب لمانمسك إيدين بعض وانا مش خايفة وقلقانة انحد يشوفنا ..مش خايفة وقلقانة ان ربنا يشوفنا
الحب آمان ...والأمان مش في الظلمة
صح؟؟
نور:صح
أمل:أنا هاقوم بقى أرد ع الغلبان اللي مستني الرد دا
ونور رن موبايلها وعرفت انه محمد ولكنها ماردتش عليه وقفلت تليفونها خاالص لأنها قعدت تفكر في اللي عملته ..صح ولا غلط
أما أمل فراحت تكتب الرد لأحمد
اللي كان قاعد في بيتهم في مصرقلقان ..وتعبان ..ومستني اي رد ..وأخته كمان كانت مستنياه يرد علليها وعلى كلامها اللي اصلا ماسمعوش
هند:شوفت يا احمد عاملتنا ازي ؟ دا ولا كأننا شغالين عندها ..ولا رأفت دا بتاع كبير المهندسين ..شوفت قالي إيه لما قولتله اسمي بالكامل ؟؟
انا مش طايقة الشركة دي ..انا عايزة ارجع أمريكا
...أحمد ....أحمد....أنت معايا ؟؟!
أحمد: عايزة إيه؟؟
هند:عايزة نشوف حل في المصيبة اللي اسمها امل دي
أحمد:مصيبة ؟؟!! كبري دماغك وماتبقيش صغيرة أوي كدا هى ماعملتش غير شغلها وقابلتنا بابتسامة وطيبة
هند:وهى لحقت تضحك عليك بالكلام دا ؟؟ انت طيب أوي وعلى نياتك
أحمد لأول مرة يتعصب كدا بجد :اسكتي بقى ...انا اعرف كويس ازاي اقول رأيي واكون طيب أو شرير مايخوصكيش ..
هند استغربت تصرف أخوها جدا جدا ..وقررت تبعد عنه الوقت دا لما يهدى
وهو قعد يستني الرد
لحد ماوصله
الجزء التاني بكرة الصبح إن شاء الله
نورهان لاشين
ليست هناك تعليقات:
إرسال تعليق