الحلقة الثالثة
نص لقاء مع غريب
طول عمري بحب أكون لوحدي ..بعشق أكون في ملكوتي الخاص ..وطول عمره عقلي حبيبي بيعرف يطلع بحاجات ماتخلينيش لوحدي ..ماتخلينيش أحس بالملل
حتى سفري رغم إجهاده لجسدي لكنه كان متعة لعقلي
وأحلى حاجة بقى طلع بيها عقلي من يوم ماقابلته تاني مرة ........... صورته ..وابتسامته
واللي خلتني أسيب أي كتاب ممكن يصاحبني في الطريق ..أسيب الكلام وأسيب أي حاجة مضايقاني ...وأهرب لملكوتي
ولأول مرة قدرت أتخيل ملامح حد شوفته ..رغم إني ما أقدرش أتخيل ولا أوصف ملامح أمي ذات نفسها
فبقى صاحبي في السفر بعد ربنا ...
كنت مستنية لقائنا التالت ..عشان أعرف ..اسمه ..ولغزه
عدي أسبوع ولسه ما اتقابلناش ...
بدأت أفكار سلبية تتسلل لعقلي ..وتخليني ما أعرفش استمتع بصحبته في الطريق
يمكن مانتقابلش تاني ؟!!...يمكن لسه بدري؟؟!
يمكن يكون نسى ؟؟
بس ازاي ينسى ؟؟ دا كان عدي 3 شهور ومانساش ..هينسى لما يعدي أسبوع ؟؟
لكن ..في آخر الأسبوع اللي عدى على لقائنا التاني ...كنت مسافرة للكلية ورغم زعلي إننا لسه ما اتقابلناش إلا إن فيه مقولة كانت مخلياني أفضل مبتسمة
(لا تتجهم أبدا ..فانت لا تعرف من يقع في حب ابتسامتك )
لكن بصراحة ..مايهمينيش اللي ممكن تعجبه ابتسامتي ...ما يهمنيش ...غير حد
أول مرة أحس بالاحساس دا ..أول مرة اهتم بشكلي كويس أوي وأنا نازلة من البيت ..أنا إيه اللي حصللي؟؟
بقيت عاملة زي أغنية الدوامة لما بتقول
(امشي فى السكة اشوف نفسي كده حلوة وروحي عجباني
واتمني اقابله ولو صدفه ويشوف تسريحتي وفستاني
واكلم نفسي واقول يمكن شافني وعنيه مش عرفاني)
(وساعات احلامي تضحكي بحاجات منكرش انها حلوه
واشوف خيالات لو اسجلها كنت اكتب فى اليوم ميت غنوه
وساعات الضحكه الاقيها غرقانه فى دموع الشكوي)
والمصيبة إنهم كانوا مرتين بس أشوفه فيهم ..وعمل فيا كل دا ..وانا راضية بكدا
(بقي الحب يا ناس ممكن بالشكل دي يعمل ما بداله
دي انا شفته مره مفيش غيرها ومكنش حتي واخد باله
والمدهش انه خطف قلبي ومبسوطه وراضيه وسكتاله)
كنت بفتكر الأغنية دي مع صورته وابتسامته ..وفجأة اتحولت لحقيقة ....الأغنية في الميكروباص ...واتحولت صورته كمان لحقيقه ...شوفته
حرفيا قلبي اتحرك من مكانه ..نط ...نط كأنه بيخرج مني كأنه ماصدق لقى مكانه ورايحله ..بقيت متلخبطة مش عارفة اعمل إيه ...هو راكب في عربية ماشية جنب العربية اللي فيها ..
لكنه ما أخدش باله مني ...
وشي بقى أحمر وشفايفي ابتسمت وعينيا ..عينيا استنته ياخد باله ...
لكن لسه ما أخدش ...
راحة فين يا عربية ؟؟ليه سرعتي زي قلبي وسيبتيني ؟؟
كنت زي الطفلة اللي راحت منها لعبتها ..المفضلة
لكن..........رجعت تاني العربية ..رجعت تاني ابتسامتي ...لما شوفت ابتسامته .......ليا
أول مرة أفرح بإني أشوف حد بالشكل دا ..والأهم إني عارفة إني فرحانة إني شوفته ...لاني ساعات كتيرة ماببقاش عارفة أنا بحس بالشعور دا ليه ..واضطر أقعد قعدة صفا مع عقلي عشان نحلل الموقف ..ونعرف ليه حسيت كدا ..
فكنت عايزة أشكره للمرة الكام؟؟..لأنه أول واحد يكون الوصلة بين عقلي ومشاعري
عدت لحظات صغيرة جدا لغاية لما ..جت عيني في عينيه
كانت لحظة نسيت فيها كل حاجة ...لحظة نسيت فيها إني أحس ..أعتقد إني نسيت حتى إني أتنفس
ورغم إني قلبي كان خرج مني من أول ما لمحته لكني لسه حاسه باضطرابه ...بفرحه ..بقلقه ..حاسة بيه وصل لأكتر من 120 دقة
لكن سرعان ما خفت دقاته ............واطمن وارتاح
أصل بدأت ما أحسش بالغرابة أو الانزعاج اللي ممكن تشعر بيهم لما تبص لعين حد لفترة طويلة ....كنت حاسة بالاحتواء بالدفء
شاورلي بإيديه ...
ماشاورتش ...ازاي هشاور لواحد علاقتي الاجتماعية بيه إنه غريب ..
بدأت الأمور في عقلي تاخد منحى تاني ...ازاي أسمح لنفسي أشعر بالحاجات دي كلها ..لواحد ما أعرفوش ...لواحد يمكن بس بيلعب ..
فبعدت عيني عنه ...رغم إني عقلي حفظ ملامحه صم وفضل يعرضها قدامي
يمكن حس بغرابتي ..بضيقي ..لكني لمحته لسه بيبتسم ..لسه باصصلي
ماكونتش عارفة اضايق ولا أفرح ...دا اللي كنت بقوله لنفسي ..لكنني كنت فرحانة ..فرحانة أوي أوي كمان
ورغم إني مارجعتش بصتله غير لمحات صغيرة إلا إني سمحتله يدخل ملكوتي الخاص بكل إرادتي
الوحيد اللي شاركني ملكوتي ..
كان نص لقاء ما عرفتش فيه لا اسمه ولا لغزه ...لكنه نص لقاء عرفني إني لازم أعيد حساباتي في مشاعري تجاهه ...مشاعري تجاه الغريب
ماركزتش في ولا محاضرة ...لأني كنت بعيد حساباتي ..واللي في كل لحظة كانت مشاعري بتتدخل وتخليني ادخل ملكوتي اللي شاركني فيه
ادخل في لحظات لحياة حلوة ...وارجع في ثانية للحياة التانية
حياة كلها ملام ..انا ليه عملت كدا ..وسمحت لنفسي بكدا ...الحب مش عيب ولا غلط ...لكن اني اشعر بالمشاعر دي لغريب ..لغريب ما قربش يكون قريب ...عندي غلط ..
طلعت من آخر محاضرة وأنا مقررة إني ..هنسى ..لحد بجد لما يبقى مش غريب
لكن ..بسرعة .................
نورهان لاشين
نص لقاء مع غريب
طول عمري بحب أكون لوحدي ..بعشق أكون في ملكوتي الخاص ..وطول عمره عقلي حبيبي بيعرف يطلع بحاجات ماتخلينيش لوحدي ..ماتخلينيش أحس بالملل
حتى سفري رغم إجهاده لجسدي لكنه كان متعة لعقلي
وأحلى حاجة بقى طلع بيها عقلي من يوم ماقابلته تاني مرة ........... صورته ..وابتسامته
واللي خلتني أسيب أي كتاب ممكن يصاحبني في الطريق ..أسيب الكلام وأسيب أي حاجة مضايقاني ...وأهرب لملكوتي
ولأول مرة قدرت أتخيل ملامح حد شوفته ..رغم إني ما أقدرش أتخيل ولا أوصف ملامح أمي ذات نفسها
فبقى صاحبي في السفر بعد ربنا ...
كنت مستنية لقائنا التالت ..عشان أعرف ..اسمه ..ولغزه
عدي أسبوع ولسه ما اتقابلناش ...
بدأت أفكار سلبية تتسلل لعقلي ..وتخليني ما أعرفش استمتع بصحبته في الطريق
يمكن مانتقابلش تاني ؟!!...يمكن لسه بدري؟؟!
يمكن يكون نسى ؟؟
بس ازاي ينسى ؟؟ دا كان عدي 3 شهور ومانساش ..هينسى لما يعدي أسبوع ؟؟
لكن ..في آخر الأسبوع اللي عدى على لقائنا التاني ...كنت مسافرة للكلية ورغم زعلي إننا لسه ما اتقابلناش إلا إن فيه مقولة كانت مخلياني أفضل مبتسمة
(لا تتجهم أبدا ..فانت لا تعرف من يقع في حب ابتسامتك )
لكن بصراحة ..مايهمينيش اللي ممكن تعجبه ابتسامتي ...ما يهمنيش ...غير حد
أول مرة أحس بالاحساس دا ..أول مرة اهتم بشكلي كويس أوي وأنا نازلة من البيت ..أنا إيه اللي حصللي؟؟
بقيت عاملة زي أغنية الدوامة لما بتقول
(امشي فى السكة اشوف نفسي كده حلوة وروحي عجباني
واتمني اقابله ولو صدفه ويشوف تسريحتي وفستاني
واكلم نفسي واقول يمكن شافني وعنيه مش عرفاني)
(وساعات احلامي تضحكي بحاجات منكرش انها حلوه
واشوف خيالات لو اسجلها كنت اكتب فى اليوم ميت غنوه
وساعات الضحكه الاقيها غرقانه فى دموع الشكوي)
والمصيبة إنهم كانوا مرتين بس أشوفه فيهم ..وعمل فيا كل دا ..وانا راضية بكدا
(بقي الحب يا ناس ممكن بالشكل دي يعمل ما بداله
دي انا شفته مره مفيش غيرها ومكنش حتي واخد باله
والمدهش انه خطف قلبي ومبسوطه وراضيه وسكتاله)
كنت بفتكر الأغنية دي مع صورته وابتسامته ..وفجأة اتحولت لحقيقة ....الأغنية في الميكروباص ...واتحولت صورته كمان لحقيقه ...شوفته
حرفيا قلبي اتحرك من مكانه ..نط ...نط كأنه بيخرج مني كأنه ماصدق لقى مكانه ورايحله ..بقيت متلخبطة مش عارفة اعمل إيه ...هو راكب في عربية ماشية جنب العربية اللي فيها ..
لكنه ما أخدش باله مني ...
وشي بقى أحمر وشفايفي ابتسمت وعينيا ..عينيا استنته ياخد باله ...
لكن لسه ما أخدش ...
راحة فين يا عربية ؟؟ليه سرعتي زي قلبي وسيبتيني ؟؟
كنت زي الطفلة اللي راحت منها لعبتها ..المفضلة
لكن..........رجعت تاني العربية ..رجعت تاني ابتسامتي ...لما شوفت ابتسامته .......ليا
أول مرة أفرح بإني أشوف حد بالشكل دا ..والأهم إني عارفة إني فرحانة إني شوفته ...لاني ساعات كتيرة ماببقاش عارفة أنا بحس بالشعور دا ليه ..واضطر أقعد قعدة صفا مع عقلي عشان نحلل الموقف ..ونعرف ليه حسيت كدا ..
فكنت عايزة أشكره للمرة الكام؟؟..لأنه أول واحد يكون الوصلة بين عقلي ومشاعري
عدت لحظات صغيرة جدا لغاية لما ..جت عيني في عينيه
كانت لحظة نسيت فيها كل حاجة ...لحظة نسيت فيها إني أحس ..أعتقد إني نسيت حتى إني أتنفس
ورغم إني قلبي كان خرج مني من أول ما لمحته لكني لسه حاسه باضطرابه ...بفرحه ..بقلقه ..حاسة بيه وصل لأكتر من 120 دقة
لكن سرعان ما خفت دقاته ............واطمن وارتاح
أصل بدأت ما أحسش بالغرابة أو الانزعاج اللي ممكن تشعر بيهم لما تبص لعين حد لفترة طويلة ....كنت حاسة بالاحتواء بالدفء
شاورلي بإيديه ...
ماشاورتش ...ازاي هشاور لواحد علاقتي الاجتماعية بيه إنه غريب ..
بدأت الأمور في عقلي تاخد منحى تاني ...ازاي أسمح لنفسي أشعر بالحاجات دي كلها ..لواحد ما أعرفوش ...لواحد يمكن بس بيلعب ..
فبعدت عيني عنه ...رغم إني عقلي حفظ ملامحه صم وفضل يعرضها قدامي
يمكن حس بغرابتي ..بضيقي ..لكني لمحته لسه بيبتسم ..لسه باصصلي
ماكونتش عارفة اضايق ولا أفرح ...دا اللي كنت بقوله لنفسي ..لكنني كنت فرحانة ..فرحانة أوي أوي كمان
ورغم إني مارجعتش بصتله غير لمحات صغيرة إلا إني سمحتله يدخل ملكوتي الخاص بكل إرادتي
الوحيد اللي شاركني ملكوتي ..
كان نص لقاء ما عرفتش فيه لا اسمه ولا لغزه ...لكنه نص لقاء عرفني إني لازم أعيد حساباتي في مشاعري تجاهه ...مشاعري تجاه الغريب
ماركزتش في ولا محاضرة ...لأني كنت بعيد حساباتي ..واللي في كل لحظة كانت مشاعري بتتدخل وتخليني ادخل ملكوتي اللي شاركني فيه
ادخل في لحظات لحياة حلوة ...وارجع في ثانية للحياة التانية
حياة كلها ملام ..انا ليه عملت كدا ..وسمحت لنفسي بكدا ...الحب مش عيب ولا غلط ...لكن اني اشعر بالمشاعر دي لغريب ..لغريب ما قربش يكون قريب ...عندي غلط ..
طلعت من آخر محاضرة وأنا مقررة إني ..هنسى ..لحد بجد لما يبقى مش غريب
لكن ..بسرعة .................
نورهان لاشين
ليست هناك تعليقات:
إرسال تعليق