الحلقة الخامسة
علامة تعجب !
هى:موافقة دي وراها علامة استفهام ولا نقطة ؟؟
أنا:علامة تعجب ... بجد انتي مش متخيلة مدي اللخبطة اللي حاسة بيها دلوقتي ...انتي مش متخيلة اللي حسيت بيه لما قولتي اسمه وانك أخته ..كأني بالظبط كنت ميتة وفجأة قلبي دق وضخ الدم في كل جسمي ..انا حاسة بكل قطرة بتمشي فيا دلوقتي لكن في نفس الوقت مش عارفة ارد عليكي ...مش عارفة أقولك قرار ....مش عارفة أخد قرار
هى:مش موافقة يعني ؟؟
ماكونتش عارفة أقولها أني كنت فعلا عايزة دا يحصل ..بس ماكونتش متخيلة أو مصدقة انه ممكن يحصل ...
فقولتلها ...:عايزة أفكر
انا بس كنت عايزة وقت أصدق .........مشت وكان شكلها مش سعيد ..حست إني برفض ..لكني ماكونتش برفض ...أكيد لأ
فضلت افكر بعد ما مشيت كتير لدرجة اني نمت من كتر التفكير ...
عدي يومين وانا موافقة بس مش عارفة أقول ...رغم إني حكيت لماما واللي ابدت موافقتها على طول
كنت عايزة أروح أقولها ..لكني ماعرفتش
فقولت أسيبها على ربنا ...لو كان في الأمر خير أكيد أكيد هنتقابل تاني
بقالي فترة من قبل ما هدى تجيلي بحس ان فيه حاجة ناقصة لما باجي أنام ..ففكرت اشتري دبدوب أو أي لعبة انيمها معايا ...مع إني كنت بشوف الحكاية دي هيافة ورخامة ...وهتعمل ايه لعبة يعني ؟!!...لكني دلوقتي ماعدتش بشوفها حاجة تافهة..بالعكس دي حاجة محتاجاها
فكان فيه معرض قريب من الجامعة بيبيعو فيه كل حاجة ومنها الدباديب أو الدمى دي ..فروحت عشان اشتري واحد ..وماكونتش مقررة شكله هيبقى ايه ..وهيكون دبدوب ولا حصان ولا كلب ولا إيه ....كنت راحة أدور
ودخلت ...كان فيه ألعاب كتيييير وكنت عاملة زي العيال الصغيرة وبقول لنفسي انا عايزة أجيب دي ..أنا عايزة أجيب دي ...
وفجأة وقعت عيني على دمية كلب عسول أوي ...أو انا اللي كنت شايفاه عسول ...
فروحت عشان أخده ..ولما جيت أمسكه
إيد تانية مسكته في نفس الوقت معايا ...
ومن غير ما أبص للحد دا ..قولت سيبها لو سمحت
هو :لو سمحتي أنتي سيبيها
فبصتله عشان أقوله :أنا مسكتها الأول ..
لكن ما قولتش حتى إني كنت هسيب الكلب فعلا ...لما لقيته هو ..أحمد ..نور ..بس ماكنش على وشه الابتسامة بتاعة كل مرة ...كانت نص ابتسامة ..كأنه افتكر الابتسامة لما شافني ..ولكن عضلات وشه لسه بتفتكرها
هو:خلاص ..خوديه ..
أنا مسبهلة لكن رديت : شكرا
وجه الراجل البياع عشان ادفعله الفلوس ..ووانا بطلع الفلوس من الشنطة ...كان أحمد دفع تمنه ....................ومشى
مش عارفة ساعتها انا كنت حاسة بإيه ..بالمفجأة إني شوفته ..بالفرحة إني شوفته ...بحزن لما شوفت نص ابتسامته
قولت في دماغي خلاص ..اللخبطة المرة اللي فاتت معرفتش اطلع منها ...لكن المرة دي ..هأكون شجاعة ..وهأقرر وبسرعة
طلعت بسرعة وراه ..وندهتله
أنا:احمد!!!!
ماردش
أنا:نور !!
ماعرفتش اناجبت الجرأة دي كلها منين ..أناديله بنص اسمي ..في الشارع ..اتلخبطت زيادة ..لكن لما بصلي استريحت ..وهديت ..وخدت نفس عميق ..
وكان نفسي أقوله (ابعد نظراتك عن عيني ..صرت أخجل من ضعفي أمامك )
لأنه ابتسم ابتسامة كاملة ..فابتسمت ..أصل الابتسامة عدوى ...أو لأني كنت مكسوفة
أحمد:قولتي إيه ؟؟
انا:كنت بندهلك
أحمد:وقولتي إيه ؟؟
أنا:قولت اسمك
أحمد:قولتي نور ..
أنا:أصل انت ماردتش لما قولت أحمد
أحمد:دا السبب الوحيد ؟؟
أنا: ..............
نورهان لاشين
علامة تعجب !
هى:موافقة دي وراها علامة استفهام ولا نقطة ؟؟
أنا:علامة تعجب ... بجد انتي مش متخيلة مدي اللخبطة اللي حاسة بيها دلوقتي ...انتي مش متخيلة اللي حسيت بيه لما قولتي اسمه وانك أخته ..كأني بالظبط كنت ميتة وفجأة قلبي دق وضخ الدم في كل جسمي ..انا حاسة بكل قطرة بتمشي فيا دلوقتي لكن في نفس الوقت مش عارفة ارد عليكي ...مش عارفة أقولك قرار ....مش عارفة أخد قرار
هى:مش موافقة يعني ؟؟
ماكونتش عارفة أقولها أني كنت فعلا عايزة دا يحصل ..بس ماكونتش متخيلة أو مصدقة انه ممكن يحصل ...
فقولتلها ...:عايزة أفكر
انا بس كنت عايزة وقت أصدق .........مشت وكان شكلها مش سعيد ..حست إني برفض ..لكني ماكونتش برفض ...أكيد لأ
فضلت افكر بعد ما مشيت كتير لدرجة اني نمت من كتر التفكير ...
عدي يومين وانا موافقة بس مش عارفة أقول ...رغم إني حكيت لماما واللي ابدت موافقتها على طول
كنت عايزة أروح أقولها ..لكني ماعرفتش
فقولت أسيبها على ربنا ...لو كان في الأمر خير أكيد أكيد هنتقابل تاني
بقالي فترة من قبل ما هدى تجيلي بحس ان فيه حاجة ناقصة لما باجي أنام ..ففكرت اشتري دبدوب أو أي لعبة انيمها معايا ...مع إني كنت بشوف الحكاية دي هيافة ورخامة ...وهتعمل ايه لعبة يعني ؟!!...لكني دلوقتي ماعدتش بشوفها حاجة تافهة..بالعكس دي حاجة محتاجاها
فكان فيه معرض قريب من الجامعة بيبيعو فيه كل حاجة ومنها الدباديب أو الدمى دي ..فروحت عشان اشتري واحد ..وماكونتش مقررة شكله هيبقى ايه ..وهيكون دبدوب ولا حصان ولا كلب ولا إيه ....كنت راحة أدور
ودخلت ...كان فيه ألعاب كتيييير وكنت عاملة زي العيال الصغيرة وبقول لنفسي انا عايزة أجيب دي ..أنا عايزة أجيب دي ...
وفجأة وقعت عيني على دمية كلب عسول أوي ...أو انا اللي كنت شايفاه عسول ...
فروحت عشان أخده ..ولما جيت أمسكه
إيد تانية مسكته في نفس الوقت معايا ...
ومن غير ما أبص للحد دا ..قولت سيبها لو سمحت
هو :لو سمحتي أنتي سيبيها
فبصتله عشان أقوله :أنا مسكتها الأول ..
لكن ما قولتش حتى إني كنت هسيب الكلب فعلا ...لما لقيته هو ..أحمد ..نور ..بس ماكنش على وشه الابتسامة بتاعة كل مرة ...كانت نص ابتسامة ..كأنه افتكر الابتسامة لما شافني ..ولكن عضلات وشه لسه بتفتكرها
هو:خلاص ..خوديه ..
أنا مسبهلة لكن رديت : شكرا
وجه الراجل البياع عشان ادفعله الفلوس ..ووانا بطلع الفلوس من الشنطة ...كان أحمد دفع تمنه ....................ومشى
مش عارفة ساعتها انا كنت حاسة بإيه ..بالمفجأة إني شوفته ..بالفرحة إني شوفته ...بحزن لما شوفت نص ابتسامته
قولت في دماغي خلاص ..اللخبطة المرة اللي فاتت معرفتش اطلع منها ...لكن المرة دي ..هأكون شجاعة ..وهأقرر وبسرعة
طلعت بسرعة وراه ..وندهتله
أنا:احمد!!!!
ماردش
أنا:نور !!
ماعرفتش اناجبت الجرأة دي كلها منين ..أناديله بنص اسمي ..في الشارع ..اتلخبطت زيادة ..لكن لما بصلي استريحت ..وهديت ..وخدت نفس عميق ..
وكان نفسي أقوله (ابعد نظراتك عن عيني ..صرت أخجل من ضعفي أمامك )
لأنه ابتسم ابتسامة كاملة ..فابتسمت ..أصل الابتسامة عدوى ...أو لأني كنت مكسوفة
أحمد:قولتي إيه ؟؟
انا:كنت بندهلك
أحمد:وقولتي إيه ؟؟
أنا:قولت اسمك
أحمد:قولتي نور ..
أنا:أصل انت ماردتش لما قولت أحمد
أحمد:دا السبب الوحيد ؟؟
أنا: ..............
نورهان لاشين
ليست هناك تعليقات:
إرسال تعليق