أحمد
اهدي هذا الكتاب لمن أحببت يوما ..ولازالت أحب ..لن ينفعه ولكنه سلوى لي
نورهان لاشين
المقدمة
كان نفسي اكتبها المش مقدمة ..زي كتاب28 حرف لأحمد حلمي لأني برده مش بحب المقدمات
لكن الكتاب دا مش رواية ولا قصة عايزة عليها نوبل أو حتى جايزة الدولة التقديرية ولا التشجيعية ويمكن تلاقوا فيه الكلام مش مترتب لأني بكتب اللي بفتكره ..واللي بفتكره من الفترة دي كتير
الكتاب دا 3 جوابات
..جواب على سؤال سألهولي مذيع في أول لقاء عربي ليا بعد ما أخدت الأوسكار
...عملتي حاجات كتير في حياتك لكن ..لسه ماتجوزتيش ؟؟
وجواب ..جواب للي ماتجوزتش عشانه لغاية دلوقتي مش هيقراه ويمكن ما يكونش عارف اني كتبته ..لكن عشان اقول الناس ان مافيش زي أحمد بالنسبة ليا
وجواب لشخص عزيز جدا عليا قالي انك مش قادرة تحبيني عشان اسمي مش زي اسمه أحمد لو حابة ناديلي أحمد اذا كان دا فعلا أهم اسم
انابقوله قبل ما يقرا الكتاب
أيوة اسم أحمد اهم اسم لما يبقى اسمه هو ...وانت مش هو
الحكاية مش في اسمه الحكاية فيه هو ..واديني هأقولهالكو ...عشان تعرفوه زيي ..وعارفة انكو هتحبوه قدي ..وأقدر أقول الحمد لله لأنه مش هيحبكو زي ما حبني ^_^
أول مرة
كان يوم متعب في كلية الصيدلة اللي دخلتها عشان مجموعي الكبير اللي استخسروه في معهد السينما
ورغم كدا كان عندي فرح ابن عمي في نادي الشرطة
من فترة طويلة اكتشفت ان الأفراح دي مملة ورخمة واني ما بحببش أروحها ..لكن مهما كان دا ابن عمي ولازم اروح
روحت الفرح واستنينا العريس والعروسة اللي لازم يجوا متأخر ...
بعد حبة حلوين طلعت بره عشان أقول لبابا حاجة
ووأنا ماشية خبطت في بدلة ميري غصب عني
انا :أنا بجد أسفة ..ماخدتش بالي
هو بابتسامة عريضة ماعرفتش ايه سببها :ولا يهمك ..انتي مشتركة هنا في النادي؟؟
طبعا انا كنت مستعدة امشي لكن وقفني بسؤاله
فرديت: لأ انا هنا في فرح
هو:لو ماكونتيش بره صالة الأفراح كنت قولت إنه فرحك ..ومافيش عروسة بتسيب فرحها وتخرج
أنابكسوف لانها أول مرة حد يقولي الكلام دا وحتى لو ماكانتش أول مرة كنت برده هاكسف :شكرا..بعد إذنك
هو:استني ..ماقولتليش اسمك
أنا:مش لازم تعرفوا
هو:لأ أرجوكي لازم ..اسمك؟؟
انا:أنا لازم امشي
مشيت وهومشى ورايا مش عارفة ساعتها اضايقت نوعا ما وحسيت انه شخص بيتسلى ومحتاج قلمين حلوين من ايدي يفوقوه ..لكن ما انكرش اني كنت سعيدة بكلامه هو:قوليلي اي اسم ..حتى لو ضحكتي عليا وكوني زي سيندريلا ماضحكت على الأميرهنري وقالتله اسم مامتها
أنا بشوية تنشنة :طب مادام هأقولك اسم مامتي فمافيش لزمة تعرف
هو:طب اسمه ايه ابن عمك ؟؟
أنا:اسمه ابن عمي ..
هو:خلاص ..يبقى اسمك ليلي
أنا بعد خلاص دي كنت مشيت قدام شوية لكن ليلى وقفني
أنا:نعم ؟؟
هو:زي ليلي ..لما قالت للمجنون (لماذا تسألني عن اسمائي وصفاتي في كل مخاطبة ؟؟
الاسم حجابي عن الغرباء
فنادني ياحبيبتي
واعرفني بي
منزهةعن الأسماء فلا تسلمني لأعدائي
يا حبيب
إن حبيبي الذي هوحبيبي
لايعرف اسما ولاوسما ولا رسما لي )
وسكت
فأكملت له :(ولكنه حين يراني في الطريق
يقف وقفة المحب
فلا يعرف اسما ولاوسما ولا رسما لنفسه
ولا طريق ) فممكن بقى تقف وقفة ...
وقاطعني:المحب
أنا:لأ وقفة الظابط وتسيبني امشي
هو برخامة حلوة:طب هتقولي إيه لو سألوكي عن اسمي ؟؟
أنا كنت عايزة اخلص الحوار :مش ليلى بتقول (واذا سألك المحبون عن اسمك..فاذكر اسمي )...أنا هأبقى أقولهم اسمي
هو:اللي هو ؟؟
انا:نورهان..ارتحت ؟؟ممكن امشي بقى ..
هو:نورهان..سيدة النور ..أميرة النور
أنا:اذا انت شايفني أميرة ؟؟
هو:أكيد
أنا:اذا بطل تزعجني
مشيت ...ودا كان أول مرة أشوف ...مجنون ...ليلى
سؤال .. هو دي قصتك فعلا ؟؟
ردحذف