الحلقة السابعة عشر
أمل: أنت مش شايف إن في كل قصصك الرجال بتوعك بينفدوا قبل مايتجوزوا وفي قصصي بيتجوزوا ويتدبسوا ومابعرفوش كمان يفلتوا
أحمد:ناقصات عقل ودين
أمل: على فكرة دي حاجة ماتعيبناش ....شوف اصلا الحديث كله بيقول
الحديثُ الذي رواه أبو سعيد الخدري؛ حيث قال: "خرج رسولُ الله - صلَّى الله
عليه وسلَّم - في أضحى أو فطر إلى المصلى، فمرَّ على النساء، فقال: ((يا
معشر النساء، ما رأيت من ناقصات عقل ودين أذهب للُبِّ الرجل الحازم من
إحداكن))، قلن: وما نقصان ديننا وعقلنا يا رسول الله؟ قال: ((أليس شهادةُ
المرأة مثل نصف شهادة الرجل؟))، قلن: بلى، قال: ((فذلك من نقصان عقلها،
أليس إذا حاضت لم تصلِّ ولم تصم؟))، قلن: بلى، قال: ((فذلك من نقصان
دينها))"؛ متفق عليه.
والمناسبة التي اتقال فيه كانت في العيد يعني أكييد الرسول مش هيقلل من شأننا في يوم زي دا
وكمان تفسير الشيخ الشعراوي له
قال إن ناقصات عقل لأن
العقل هو الذي يحكم الهوى والعاطفة ، وبدا النساء ناقصات عقل ،
لأن عاطفتهن أزيد، فهى بتحكم على الإشياء متأثرة بعاطفتها
الطبيعية ، ودا مطلوب لمهمتها كمرأة انها تفهم الجنين اللي مايعرفش يعبر عن نفسه
العقل هو الذي يحكم الهوى والعاطفة ، وبدا النساء ناقصات عقل ،
لأن عاطفتهن أزيد، فهى بتحكم على الإشياء متأثرة بعاطفتها
الطبيعية ، ودا مطلوب لمهمتها كمرأة انها تفهم الجنين اللي مايعرفش يعبر عن نفسه
أما ناقصات دين انها بتعفى من أشياء لا يعفى منها الرجل زي الصوم والصلاة في بعض الأوقات والجهاد وصلاة الجمعة
ودا تقدير من الله سبحانه وتعالي لمهمتها
وبعد كل دا بنعرف نذهب بلب الرجال
أحمد:تصدقي أنا غلطان اني رديت عليكي ...سيبك بقى من الكلام دا وقوليلي ...
أحمد:تصدقي أنا غلطان اني رديت عليكي ...سيبك بقى من الكلام دا وقوليلي ...
ففهمت أمل هو عايز يتكلم في إيه فغيرت الموضوع قبل حتى مايبدأه
أمل:إنت عملت إيه في موضوع دعاء
أحمد:عادي بابا سأل عليهم ووافق وأنا بس بدور على طريقة أفاتحها بيها
أمل:ماهى عارفة
أحمد:أيوة بس برده ..ألواحد يعمل شوية حركات كدا
أمل:طب ومستني ليه لبعد الحفلة ؟؟!
أحمد:الحقيقة ..أنا مستني الحفلة نفسها وأقولها فيها وكمان أكون فضيت من العدد الي جاي
أمل:ماشي ياعم الرومانسي
أحمد:أمل؟؟!
أمل:وانتوا طابخين إيه أنهارده؟؟!
أحمد:هتكلم برده وهسألك مهما غيرتي الموضوع
أمل: يا أحمد احنا اتكلمنا كتيير وعرفناخلاص إيه اللي هيحصل فليه نتكلم تاني وفي إيه هنتكلم أصلا
أحمد:في إنك تقولي لمامتك
أمل:يوووووووووووووه هأقولها يا أحمد...... بس مش دلوقتي ...حلو كدا؟؟!
أحمد: يا أمل أنا كل ما الميعاد يقرب أخاف أكتر
أمل: بتخاف من إيه بس؟؟؟ وبعدين مين فينا اللي هيعمل العملية أنا ولا إنت!؟؟!
أحمد:يعني ما أخافش عليكي ؟؟
أمل: لأخاف بس ماتفضلش تزن عليا
أحمد:تصدقي إنك ناكرة للجميل ؟!!
أمل:هههههههه معلش بقى ناقصة عقل ودين
أحمد:ههههههههه اعترفتي
أمل:صحيح ..جبت البدلة؟؟
أحمد:أه وانتي ؟؟!
أمل: ما أنا قولتلك إني جبت لماخرجت مع دعاء
أحمد:أنا مش مصدق نفسي أخيييرا هشوفك في فستان ؟ يااااه
أمل: انت رخم على فكرة
أحمد:ماأنا عارف
أمل: ادخل نام
أحمد: مش داخل
أمل: هادخل أنا .....تصبح على خيير
أحمد:وانتي من أهله
دخلوا ناموا ..ناموا بس بنفس راضية ونفس سعيدة
تاني يوم الصبح واللي كان جمعة
راح أحمد بعد الفطار على طول وخبط على بابهم
تك تك..تررررن .. تك تك.. تررررن
أمل فتحت:إيه ..إيه ؟!!الناس يابترن الجرس يابتخبط ..مش الاتنين مع بعض
أحمد:يلا
أمل:يلا إيه؟؟
أحمد: يلا ع السطح
أمل: ليه ؟؟
أحمد:لما تطلعي هتعرفي....يلا
أمل:طب هأغير هدومي وأطلع
أحمد :بسرعة ألاقيكي فوق
أمل:طيب
استغربت أمل من تصرفه ...ولكنه فكرها بتصرف ليه زماان ..تصرف كانت بتفرح أول لما يعمله
المهم غيرت هدومها ...وطلعت
أول لما شافته ... وشافت الحاجات اللي معاه
ماصدقتش نفسها ...ولا صدقت ضحكتها
أمل بابتسامة عريضة : إيه دا ؟!!
أحمد:زيما انتي شايفة ..خشب وورق ملون ووخيط ومقص
أمل: طيارة؟؟؟هنعمل طيارة؟!!
أحمد:زي زمااان...وبعدين انا وعدتك من 3 سنين إن احنا هنطير طيارة تاني
أمل :انت لسه فاكر؟؟! ...المهم ..خدلك جنب كدا
وقعدت على الأرض
أمل:طيارتي هتطير أعلى من طيارتك
أحمد:ها ؟!!مش هيحصل
أمل:هنشوف
وبدأوا يعملوا الطيارة زي زمااان لماكانوا أطفال مايعرفوش الألم والحزن
كل اللي يعرفوه الفرح والإيمان...الإيمان إنهم يقدروا يعملوا أي حاجة
الإيمان بأنهم يقدروا حتى يطيروا مع طيارتهم
ولما خلصوا
وبسبب إن مافيش هوا كتيير وانهم ماعملوشطيارة من زمان فنسوا شوية يظبطوها
الطايارة كانت بتقع ..بس ماكانتش بتقدر توقع ضحكتهم ولا قلوبهم الطايرة من الفرحة
وبعد محاولات قد تطول على من يراهم ...ولكنها كانت قصيرة عليهم وعلى استمتاعهم
وقعدوا يتكلموا في أيام زمان ..والنشوي في كلامهم بترقص على أنغام الذكريات السعيدة
أحمد:فاكرة لما جبت درجة وحشة في امتحان في إعدادي؟؟!!
أمل: فاكرة ما انت كنت موس وقعدت تعيط ..وتقول انا فاشل وانا خلاص ماعودتش هنجح وشوية حاجات من بتاعة الأفلام الأبيض والأسود دي
أحمد:بس فاكر ساعتها قولتيلي إيه ..قولتيلي إن الفشل مجرد نتيجة وإنه مابيحددش الشخص ولاشخصيته
وقولتيلي إن أول خطوة للنجاح هو الفشل
واللي فاكرة أوي من كلامك وبفتكره في المرات القليلة طبعا اللي بقع فيها وأفشل
إن أحلى حاجة في الوقوع إنك تبقى شايف جمال القمة من تحت وتعرف قد إيه هى جميلة وقد إيه هتكون سعيد عليها
زي مابيركع الشاب اللي بيتقدم لحبيبته بيركع عشان يشوفها أحسن ويشوف قد إيه هى جميلة
أمل: ساعتها انت بدأت تذاكر أحسن وطلعت الأول ...........معايا
أحمد:طب فاكرة لما اترفدت بسببك ؟؟!!
أمل:ما انت اللي روحت واتشاكلت معاه وضربته
أحمد:يعني كنت اسيبه يضربك ؟؟!! دا كان عيل ثقيل
أمل:معلش بقى اللي راح راح ...أنا مش عارفة من غيرك كنت عاملت إيه؟؟
أحمد:كنتي عاملتي محشي
أمل: هههههه عاملين محشي انهارده
أحمد:ما انتو لسه عاملينه قريب
أمل: ماجايلنا ضيوف
أحمد:ضيوف مين؟؟
أمل:حد من اصحاب بابا
أحمد:عريس يعني؟؟
أمل:كانت ماما قالتلي
أحمد:مايمكن عاملاها مفاجأة
أمل:لا لا مش معقول ....عريس؟؟!!
....أنا نازلة
أحمد:راحة فين ؟؟!
أمل: راحة أشوف الحكاية دي.....ماهو مش معقول
نزلت أمل بسرعة وافتكرت كذا موقف من امبارح بيأكد كلام أحمد
أمل:ماما؟؟!هما ميين اصحاب بابا اللي جايين انهارده؟!!
مامتها:صاحبه ومراته و..
أمل:وابنه ؟؟صح؟؟ ماما انا قولتلك انيشلت الموضوع دا من دماغي حاليا وانيمركزة في الماجستير والدكتوراه وبس
مامتها:وماله لما تركزي فيها في بيت جوزك ؟؟!! روحي بس البسي زمانهم جايين
ولبست أمل وادبست في الموضوع
سلمت عليهم طبعا ماسلمتش بالإيد على باباه وعليه
شاب وسيم شيك ليه هيبة كدا مرح لطيف لبق ...وبيعرف كويس أوي يخطف قلب اللي قدامه
قعدوا الأول يتغدوا
وعجبه الأكل جدا...زي ماعجبته أمل ...أمل كمان بتعرف تخطف قلب اللي قدامها
عمر:......
وبكرة بقى نشوف هتعمل معاه إيه
نورهان لاشين
ليست هناك تعليقات:
إرسال تعليق