الحلقة الثالثة والعشرووون
ضحكوا كتيير ...ونست أمل خوفها أو نقدر نقول تناسته
وبعد فترة روحوا بدري عشان بكرة فيه الحلفة وحااجات تانية كتير
وبعد كدا أمل وقفت في البلكون
أحمد:اللي واخد عقلك ؟!
أمل:هههه ...انت عملت إيه مع مامت دعاء ؟!!
أحمد:ست طيبة جدا جدا وأخدت منها ميعاد بعد بكرة ..أكلم والدها في الموضوع
أمل: تطور سرييع
أحمد: مافيش اسرع منكوا انتي وعمر
أمل:قدرات
أحمد:هههه انتي فرحانة ؟؟؟
أمل: أوي يا أحمد
أحمد: مبروك ياستي
أمل: الله يبارك فيك ....عقبالك
أحمد:قريب إن شاء الله ...هو عمر جاي معاكي بكرة الحفلة!؟!؟
أمل:أيوة ...إن شاء الله
أحمد: أنا كمان ..دعاء جايةة
أمل: محسسني إنها جاية معاك ؟!!!
أحمد:بكرة تيجي معايا
أمل: فاكر زمان ؟!! ماكوناش بنقول بكرة ...كان كله انهارده
أحمد:لان انهارده كان بيكفي نعمل كل حاجة
أمل: أو لأن كنا بنعرف نستغله
أحمد:يمكن ...ويمكن لأ ...
أمل: ماشي ...تصبح على خيير
أحمد:وانتي من أهله
وجه (بكرة) ..سعيد مبتسم ...وأصبح (انهارده) جميل وممتلئ
أمل بتجهز نفسها للحفلة وترخم على عمر شوية
وعمر بيعمل نفس الحكاية وبيتابع شغله ...مع إن انهارده الجمعة
وأحمد بيجهز برده للحفلة ..ومش لاقي غير أمل يرخم عليه
ودعاء بتجهز هى كمان ...
كان يوم ممتلئ بالضحك والتجهيزات
وراحوا الحفلة ..عمر لأن كان عنده شغل متأخر عليه ...راح يقابلها في الحفلة وماعرفش يجي ياخدها فراحت مع أحمد
وهناك اتقابلوا الأربعة ...بعد وقت طال ..بالانتظار لأجل وصول عمر
وفضلوا واقفين مع بعض ...لغاية ما ندهوا اسم أمل و بعديه أحمد وبعد كذا اسم دعاء
عشان يتكرموا
عمر لأمل :مبروووك ...عقبال نوبل
أمل:وهتتأخر برده ؟؟!!
عمر:آسف معلش بس كان فيه شغل مهم
أمل:أهم مني؟؟!
عمر: وهو فيه حاجة أهم منك في الدنيا دي ؟!!
أمل: هنشوف
واتكلموا في يومهم ووقفوا مع أحمد ودعاء...وبعدين كل واحد روح ..بس طبعا أمل روحت مع عمر
أمل: تصبح على خير
عمر:وانتي من أهله
أمل بتتكلم مع مامتها
أمل: بكرة إن شاء الله ع المغرب
مامتها:ولازم يعني يا أمل تسافري هناك
أمل:معلش بقى ياماما ...هناك اقدر اركز أحسن
مامتها :طب ماكنا أجرنا شقة هناك وجينا معاكي
أمل: وشغل بابا ؟!! لا لا أنا هبقى كويسة وبعدين هى أول مرة أسافر فيها ..وكمان عمرهيجي يوصلني
مامتها:ربنا يحميك يابنتي ...بس خلي بالك من نفسك ....
أمل: بتقوليلي انا الكلام دا ياماما ؟!!
مامتها :انا بس خايفةعليكي ...وحاسة إن قلبي مقبوض
أمل بتهزر :ماهو لازم يقبض ياماما ...ينقبض وبعدين ينبسط ..أومال هيدق ازاي؟!!
ماماتها :انتي رخمة ...
أمل: وانا بحبك
مامتها :وانا كمان ...ربنا يخليكيليا ..وأشوفك متهنية في بيت جوزك وعيالك حواليكي
أمل:إن شاء الله ...إن شاء الله
تاني يوم ...قبل سفر أمل جهزت شنطتها الصبح ..عشان هتسافرعلى المغرب (صلاة المغرب)
فراحت لعمر في مكتبه بعد الظهر مفاجأة
...لقت ...!..........
لقت إيييييييييييييييييه؟؟؟؟
توموروا إن شاء الله ولو قدرت تبقى حلقتين كان بها ماقدرتش خلاص
نورهان لاشين
ليست هناك تعليقات:
إرسال تعليق