الحلقة الحادية عشر
أمل: احنا بس كنا بنتشوق ان احنا نكبر وفكرنا ان ا من علاماته
بس قبليها صدقني إني اتخيلت لما يعرف إني بحبه ولما هو كمان يحبني بس سألت نفسي
الحب دا يقدر يخليه يتخلى بس عن ساعة ؟!!
يمكن يعمل كدا بس هو الحب دا فعلا يستحق إنك حتى تتخلى عن ساعة عشاننه
فمبالك بقى إنك بتتخلى عن دينك وقيمك وعقلك وقلبك وبتخون اللي كان هيصون دينك وقلبك وقيمك دي في المستقبل وبتجرحه بكل إرادتك
أحمد:أنا عارف إنك بترغي كل الرغي دا عشان ما أسألكيش هو مين بس برده هسأل هومين؟!!ها ؟؟!!
أمل:تصدق لو قلت إنت؟!......ماهو ماكنش قدامي غيرك
أحمد: يعني ماكنش فيه خيارات تانية ؟؟
أمل: لأ كان فيه خيارات وطماطميات وكله بس ما أعرفش يمكن لأنك الوحيد اللي كنت أعرفه
قولي انت بقى ...حبييييت؟؟؟!!
أحمد:أه
أمل: ميييييييين؟؟
أحمد: مش قايل
أمل:أوووووووووووه ليه كدا بقى ؟؟اشمعنا أنا قولت؟؟
أحمد:انتي واحدة ادلقت بالكلام أنا مالي؟؟
أمل:يلا يا أحمد قووووووووول مين؟؟
أحمد:إنتي
أمل:أنا؟؟؟!!!
أحمد: ما أنا ماكنش قدامي غيرك
أمل:ياااااااااسلااااااااام؟!! دي شيماء كانت بتجري وراك المدرسة كلها وبقيت البنات كانوا عايزين يجروا وراك بس كانوا خايفين منها ..وتقولي ماكنش قدامك غيري؟!! تلاكييييييييييك
(بهزار وغرور قالت الكلام دا)
احنا لااتنين حبينا بعض وماقولناش .......هههههههههههههههه
أحمد:بتضحكي على أيه؟!!
أمل:مافيش بس تخيلت لو كنا قولنا لبعض
أحمد:هههههههههه عندك حق كان الموقف هيكون مضحك
وغيرواقعي لأن احنا ساعتها ماكوناش اصحاب قوي كنا اعداء اكتر
أمل:صح بس احنا فعلا فعلا ماكوناش اعداء كانت بس فترة أينعم لسه ممتدة لدوقتي بس احنا مش بنكره بعض صح؟؟
أحمد:لأ طبعا لأ ..إحنا أصحاب حتى لو الظاهر عكس كدا تماما ...ومافيش حاجة ممكن تغير صداقتنا المتقطعة والمتاظهرة دي أبدا
أمل:ولا حاجة تقدر
أحمد:...بس استني هنا ..بقى أنا مش ممكن استغني عن ساعة عشانك ؟؟!! من امتى دا انا ياما عملتلك حاجات كتير ولا انتي زي القطط ؟!!
أمل:ههههه لا طبعا أنا كان قصدي على الحب نفسه مايستاهلش انما انا عارفة انك ممكن تعملي اي حاجة
أحمد:طب كويس انك عارفة
أمل: انا هادخل اكتب بقى ...
أحمد:ماشي ياقطة
أمل:ههههههههههههه
ودخلت أمل تكتب المقال اللي شافته بنات كتير صح وشافته أمهات غلط
(مش عايزة أتجوز)
(مافيش أم ماقلتش لبنتها أنا نفسي أشوفك أحسن واحدة في الدنيا
بس السؤال اللي بيطرح نفسه هل فعلا كل أم مؤمنة جدا بإن بنتها ممكن تكون كدا فعلا ...الجواب مش كلهم للأسف
ومنهم كانت أمى للأسف تاني
تخيلي معايا بنت علمي علوم مجموع كبير قوي في الثانوية وتقول لمامتها اللي كانت عايشة بعيد عن القاهرة طول عمرها عايزة ادخل إعلاام ...واشتغل وابقى أكبر صحفية في العالم
ومالها طب ولا صيدلة انتي عايزة تضيعي مجهود السنين دي كلها وبعدين اخرها هتبقى ايه هتفضلي سنييين مساعد محرر او اقل ومش هتوصلي بعد كدا لحاجة
ومش للأسف إني من البنات الأقوياء اللي مابيسلموش
فقولتلها أومال فين نفسي أشوفك أحسن واحدة في الدنيا وانتي أصلا مش مؤمنة إني أقدر أوصل للحاجة اللي بحبها
يمكن كلامي سكتها بس ما أقنعهاش لأن ساعتها ادتيني حاجتين تخليني أوصل لإعلااااااام
1- كلية صيدلة
2- عرييييييييييس
وبعد كدا اعملي اللي انتي عايزاه
بس انا ماوقفتش محاولة وخاصة ان بابا ماكنش عنده مشكلة في إعلااام وفي الآخر وافقت بس لسه العريس شرطه متوفر
وفي يوم جه هذا العريس المنتظر العريس اللي هيحققلي حلمي
واللي ماما قالت عليه عريس لقطة وهيساعدك جدا في شغلك بعد ماتخلصي
بس أنا مش عايزة عريس يحققلي حلمي ...أنا عايزة عريس يستحق اني اتخلى عن حلمي عشانه
ودا كان يستحق.....هتعرفوا لوحدكوا ايه اللي استحقه
قعدنا وقدمت العصير والجاتوه
حماتي المستقبيلة:زي القمر ياحبيبتي ..وعسل
أنا: ربنا يخليكي ياطنط
هى:طنط إيه بقى إحنا هنبقى عيلة قوليلي ياماما
انا في نفسي:هو احنا لسه اتفقنا؟؟!!بس مش مهم شكلك طيب لما نشوف ابنك اللي من ساعت مادخلت وهو حاطتني تحت المجهر
هو:وانتي بتدرسي إيه؟؟
أنا في نفسي :إيه دا بقى دا شكله مهتم بدراستي وشغلي ...الله عليك أيوة كدا
أنا بكل فخر:إعلام قسم صحافة
هو: وبتشتغلي على كدا؟؟؟
أنا في نفسي يااااااااسلااااام على لاأسئلة
أنا: لأ لسه بس ان شاء الله اول ما أخلص هيكون الشغل أول حاجة أدور عليه
هو:وليه تشتغلي؟؟
أنا في نفسي انتوا حولتو القناة ولا إيه؟؟
أنا: يعني ايه اشتغل ليه؟؟
هو:يعني انتي مش هتبقي محتاجة فلوس وفيه راجل مش كيس جوافة هو المسئول عنك
أنا:أيوة بس أنا مش بشتغل عشان الفلوس ..أنا عندي طموح وحلم وهدف ورسالة في الحياة عايزة ااديها
هو:بس انتي كدا بتققلي من احترام الشخص الي انتي هتبقى عايشة معاه
أنا: لأ ابدا ..وبعدين هو المفروض يكون بيشجعني على تحقيق حلمي واني أكبر زي ما أنا هساعده
هو: ومين قال إنك هتعرفي توفقي بين شغلك وبيتك ؟؟المفروض لو هو عايزك تقعدي تقعدي
أنا:أولا أنا واحدة منظمة جدا وأعرف ازاي أوفق بين حاجتين مهمين في حياتي واليوم اللي هشوف نفسي فيه مقصرة في بيتي هسيب شغلي على طول
ثانيا بقى حكاية هو لما يقول ..هو يقول بس دي حياتي والمفروض يعرف كدا وكنتيجة مترتبة على دا تكون مسألة شغلي أو عدمه نتيجة مناقشة بينا احنا الاتنين والقرار الأول والأخير يكون ليا
لان احناا الاتنين هنعيش حياة واحدة ولازم نعرف ان حياتنا مرتبطة ومش منفردة يعني قرارتنا ناخدها مع بعض ومافيش واحد ياخد قرار عن التاني
هو :هو ليه الحق انه ياخد القرار عنك
أنا: مالوش الحق دا ولو انا حبيييييت أديله الحق دا برده مش هياخد القرار دا ..عارف ليه؟؟ لان الشخص دا انا هجيبه على مزاجي فالقرارات اللي هياخدها بالتأكيد هتكون على مزاجي
هو وحماتي الطيبة مشوووووووووووووووا أومي استلمتني بس يمكن اتعودت ويمكن بقيت بحب عتابها
بس
الأكييد أن مش قصدي أقلل من الشخص اللي هتجوزه بس هو فلقني وطلع عيني فحبيت افرسه بس كدا
أنا لا أريد رجلا ليحقق لي حلمي أنا فقط أريد رجلا يستحق أن أتخلى عن حلمي وطموحي من أجله
فطول مالراجل دا مش موجود أنا مش عايزة أتجوز
نورهان لاشين
ليست هناك تعليقات:
إرسال تعليق