الحلقة الرابعة عشر
بعدما ذهب كل منهما إلى منزله
ذهب أحمد إلى مكتب أبيه لأنه طلب منه أن يأتي إليه عندما ينتهي من عمله
محمد : ازيك عاش من شافك
أحمد : الحمد لله يابابا انا كويس وحضرتك عامل ايه ؟
محمد: حضرتي ؟! حضرتي كويس
ايه ما شوفتكش بتشتكي اني لس ماشوفتلكش شغل تاني مع ان الشهر خلص
أحمد : اكيد لما يبقى فيه مكان فاضي في اي حاجة هتشغلني
محمد: والله الواحد بقى بيحرج قدامك ماشي بما ان انت قربت تخلص كليتك فانا هشغلك مع سامي عشان تتعود ع الشغل وتاخد خبرة
أحمد : كويس قوي وهبدأ امتى ؟
محمد: بكرة ان شاء الله
أحمد :ماشي بعد اذنك عشان ورايا مذاكرة
محمد : اتفضل ربنا معاك
وصعد احمد لغرفته يفكر في حياته الجديدة التي بدأت هل ستظل ؟ ام ستنتهي ؟
وذهب للعمل واستلم وظيفته الجديدة وكان سعيدا جدا بها وسعد اكثر بعمله داخل مبنى الشركة معها
أول مرة ينزل للبوفيه ويراها تعمل ابتسم ابتسامة فخر عندما رآها ومشى إليها
عنما رآته ابتسمت
قالت : انت بتعمل ايه هنا ؟
احمد : ايه بشتغل
امل : بس انت شغلك مش هنا
أحمد : بس بقى هنا
امل : ازاي ؟
وحكى لها الحكاية فهنأته على ذلك وانقضى يومهما كما ينقضي كل يوم درسا سويا وذهبا للمعهد سويا ولكن هذه المرة بتاكسي لأنها رفضت ان تركب معه مرة آخرى فتشاركا تاكسي كما تفعل في بعض الايام المزدحمة مع احد الركاب وعزفا سويا ما كانا يتدربان عليه
ومرت اسابيع حتى لم يتبق على الامتحاناات غير ثلاث ايام
ولأول مرة
يرن هاتفه الجوال ويظهر اسمها
قفز من مقعده عندما رأى اسمها ولم يتمالك نفسه حتى سمع
امل : السلام عليكم
احمد : وعليكم السلام
امل : انت شكلك نسيت
احمد : نسيت ايه ؟
امل : المفروض نروح عشان نعمل التحليل
أحمد : آآآآآآآآآآآآآآآآآآآآآآآآآآ
امل : ههههه طب يلا عشان نروح المستشفى
احمد : حاضر انا نازل اهوه انتي على الباب مش كده ؟
أمل : ايوه لسه مخلصة شغل
احمد : دقيقة واحدة واكون عندك
امل : خلاص السلام عليكم
أحمد : وعليكم السلام
ونزل احمد وذهبا للمستشفى واخذت الممرضة منهما عينتا الدم وذهبت بهما لمعمل التحاليل وطلبت منهما القدوم بعد 4 ساعات
فذهبا إلى المعهد وجلسا يذاكران ثم انضما للتدريب
ومرت الاربع ساعات على أحمد كأربع ثواني بالطبع ثم ذهبا إلى المستشفى ليعرفا نتيجة التحاليل
ووصلا للاستقبال لأخذ النتيجة عندها وجدت أمل صديقة لها لم ترها منذ فترة فتركت أحمد ليأخذ النتيجتان ويستفهم من الطبيب عما فيهما
أحمد : ايه يادوكتور احنا ممكن نتبرع بالدم صح ؟
الدكتور : والله انا مش عارف اقولك ايه ؟
أحمد : في ايه يادكتور ؟
الدكتور : صاحب التحليل ده ممكن يتبرع عادي اما ده فلأ ؟
أحمد : لأ ليه ؟
الدكتور : والله احنا مش متأكدين بس في احتمال كبير يكون مصاب بلوكيميا
أحمد ذهل مما قاله الدكتور ونزع من يديه نتيجة صاحب التحليل الذي يمكن ان يكون مصاب ياللوكيميا
ونظر بصعوبة على الاسم فوجده .....................
من منهما مصاب سنعرف الحلقة الجاية
نورهان لاشين
ليست هناك تعليقات:
إرسال تعليق