الحلقة الواحدة والعشروون
(مش عايزة أتجوز ) سابقا
انهارده (أنا هتجوز) وعقبالكوا
فيه ناس هتهنيني ...وناس لأ ..والناس دي هتعلق وتقول
(أومال إيه مش عايزة أتجوز كل أسبوع ...وبسبب مقالك كتير بنات فركشت ..وبنات بقت (مش عايزة تتجوز)
إذا وقبل ما اسمع هذه االتعليقات هأقولكوا الرد
مقال كل أسبوعمش عايزة أتجوز نوع وفئة من الرجال إن صح إطلاق هذا اللقب عليهم
نوع وفئة معينة لازم نفركش معاها ... أو مانعوزش نتجوز منها
لأنه نوع هيكسر قلبي كل لما أشوف دبلته في إيدي
نوع هيكسر قلبي لما أشوف أولادي بيكبروا في أسرة قدوتها دا
نوع مايستاهلش............... إلا إذا.....
كنتي بتحبي واحد منهم
فساعتها لازم نفكر تاني يستاهل ولا لأ؟!!
غيريه ...غيريه صح ...وفهميه براحة ...وماتكونيش متسلطة عليه
بس لازم تغيريه قبل ماتتجوزوا أو أول ماتتجوزوا
(جوزك على ماتعوديه )
مع إن قبلها أضمن وأحسن ..لأن معظمهم بيفكر إنه خلاص حظى بيكي وملكك فهو مش محتاج يعمل حاجة تانية عشان ترضي بيه أو يتغير ...ما انتي وافقتي بيه كدا ....
لازم تعرفيه إنك تستحقي يكون أحسن عشانك ...وقبلها يستحق إنه يكون احسن كإنسان خلقه ربنا
ويعرف كمان إنك شايفاه يستحق تكوني أحسن عشانه
فصلحي السلوك (العيب) اللي ماتقدريش تعيشي في وجوده ولا هو كمان يقدر يعيشمعاه
صلحي السلوك فيكي قبل ماتصلحي اللي فيه
وسيبكوا بقى من الكلام دا وخلوني في العريييييييييييس
هو الشخص اللي اتمنيته ودعيت ربنا يرزقني بيه ...هتعرفيه أول لما يجيلك
(الأشياء الجيدة تأتي لهؤلاء الذين ينتظرون)
ولكن خدي بالك عشان ماتفضليش مستنية طول عمرك شبح مالهوش وجود
وعشان مانقعش في حيرة ....استخيري ربنا وادعيه (اللهم اختر لي ولا تخيرني فأنت خير من يختار )
وربنا هيديكي الأحسن بإذنه ...زي مارزقني ...الحمد لله
بس ربنا مش بس رزقني بعريس كويس
لكن رزقني بإخ لم تلده أميوصديق ...شكرني وأنا اللي المفروض أشكره
صديق يابختها اللي هو راح لها
أصل فعلا يابختها ...دا عشرة الحياة كلها
الرجل اللي علمني الحياة ...الإيمان...التحدي
وخلاني رغم كل العرسان اللي شوفتهم
أشوف إن لسه فيه أحسن
وخلاني أفضل محترمة الناس من الجنس الآخر بخلاف أبي
أخ وصديق هيكون أحسن أب في الدنيا
أخ وصديق هيقف جنبي في يوم فرحي
وهأقف جنبه في يوم فرحه
فشكرا أخى العزيز
ونزل المقال ونزلت المجلة وروحت أمل بعدها بساعة
وعمر كلمها في التليفون يطمن عليها
أمل: السلام عليكم
عمر:وعليكم السلام....روحتي؟؟!
أمل:أه لسه واصلة من 5 دقايق
عمر: مروحة بدري يعني ...بتستعدي؟!؟!
أمل: لإيه؟!
عمر:لبكرة
أمل: وهو فيه إيه بكرة؟!!
عمر: خطوبتي ؟؟!
أمل: بجد ؟؟!مبروووك .. وعلى مين ؟؟!
عمر: على أحلى بنت في الدنيا
أمل: ودي أعرفها ؟؟!
عمر:مايتهيقليش
أمل: واسمها إيه أحلى بنت في الدنيا دي؟!
عمر: حياة
أمل: مشبطال
عمر:دا أحلى اسم في الدنيا
أمل: طب ربنا يخليهالك
عمر: يااارب
أمل:سلام بقى
عمر:أمل ؟!!
أمل: حيااة
عمر:إيه؟!؟!
أمل: قولتلك سلااام ..أشوفك بكرة
وقفلت أمل ...قصدي ..حياااة
وقفت أمل شوية في البلكونة وفوجئت بأحمد
أمل: بتعمل إيه هنا ؟؟
أحمد: واقف فيالبلكونة إيه السؤال دا ؟؟
أمل: وانت ماكانش وراك شغل ؟؟؟
أحمد: لأ ورايا حيطة ..فين الشغل دا ......هههه أجازة بقى لغاية بعد الحفلة
أمل:أمممم ...دعاءجاية
أحمد:بجد؟؟
أمل: اتحايلت عليها كتيير وقعدت تقولي ماينفعش دي حاجة عائلية وكدا ...وقولتلها ما انتي من العيلة يامرات أخويا
أحمد:وقالتلك إيه ؟؟
أمل:وشها أحمر ..واتكسفت وقالتلي هأقول لماما قولتلها وهاتيها معاكي ..وفي الآخر وافقت
أحمد: شكرا
أمل: العفو ..على إيه بس واحنا فيه بنا الكلام دا
أحمد: مانتي لسه عاملاها الصبح
أمل: لحقت تقراه ؟؟!
أحمد: ايوة ...انتي مش شايفه انه شبه مقالي
أمل: الجزء اللي بتكلم فيه عنك بس
أحمد:على العموم شكرا برده ....ودعاء ماعلقتش عليه ؟؟
أمل: لأ عادي هى فهمت الحكاية
أحمد:وعمر؟؟!!
أمل: الحقيقة ماادتلوش فرصةوهو بيكلمني ...ورخمت عليه شوية وقفلت ...بس كان شكله مبسوط يعني
أحمد:طبعا مبسوط فيه حد تبقى خطوبته بكرة ومايبقاش مبسوط؟!؟؟
أمل: ناس كتيير ..
أحمد: بس الحمد لله احنا مش منهم
أمل: الحمد لله
ودخلت أمل تجهز لبكرة ......وجه بكرة ...جه مبسوط ..مبتسم ...عليهم كلهم
وجه بليل ...وجه عمر ...وجت دعاء
أول لما دخل عمر مع اهله كان مستني حياته تظهر.... عينيه كانت بتقول كدا ...ولسانه كمان قال كدا
مش هتعرف شعوره إلا لما تبقى مكانه
وظهرت الشمس....في نص الليل ...
قد إيه كانت جميلة ..وقد إيه كانت فرحانة ؟؟
مش هتعرفي الشعور دا إلا لما تبقى مكانها
ولكن .هى كانت شمسه لوحده ...وكان فيه شمس تانية لحد تاني .......ياترى إيه حصل في الحفلة ؟؟1
ياخبر انهارده بفلوس بكرة يبقى ببلاش
نورهان لاشين
بجد انا مش عارفه اقولك ايه انتي فعلا مبدعه بكل ماتحمله الكلمة من معنى كملي انتي هيكون ليكي في المستقبل شأن كبييييييييييييييييييير ^_____^
ردحذف