مش عايزة أتجوز الحلقة السابعة

الحلقة السابعة

  

 بإذن الله

حكاية االخطوبة انهارده من (المخطوبين أهم) والطرق من موقع ما
وانا طبعا حطيت التاتشاااااات بتاعتي^_^

بسم الله الرحمن الرحيم

سارة:شوفي يا أمل أنا عايزاكي تكتبي الموضوع بطريقة مختلفة المرةدي ازاي مش عارفة ؟!!!^_^
أمل: حاضر يافندم
سارة:اتفضلي

ومشت أمل وراحت المكتب أما سارة فنزلت من الشركة ولما قربت من عربيتها

هشام: مش هتقوليلي مبروك؟!!
سارة: على إيه؟!!
هشام : على المبيعات مكسرة الدنيا
سارة: مبروك ..بس ما أعتقدش انها هتكمل كده!!!
هشام: المحررين اللي عندي زي اللي عندك وأحسن
سارة: هنشوف !!! سلام
هشام: سلام

سارة بعد ماركبت العربية
سارة:فعلا المحررين اللي عنده كويسين بس اللي عندي أحسن ميت مرة

أما أمل اللي كانت حيرانة مش عارفة تعمل إيه
ودخلت دعاء شكلها مغموم وزعلان

أمل : مالك؟!!
دعاء:عادي
أمل: بس شكللك مش عادي
دعاء وهى متأثرة جدا:انتي عارفة يا أمل انا ماأعرفكيش بقالي كتييير بس بجد حبيتك وبثق فيكي
أمل: مالك يا دعاء؟!!!
دعاء:
مش عاوزه خطيبى، مش عاوزه اكمل معاه
أولاً علشان انا مش بحبه ،مش هقول بكرهه بس مش بحبه، وثانياً علشان هو مش خاطبنى لأنه بيحبنى
هو بيحب اسرتى وعيلتى وعاوز يدخل فيهم بأى شكل، عجبته اللمه والدوشه والجو الجميل فيها، لما بيزورنى بيكون علشان يقعد معاهم وقالهالى فى وشى ان اهم حاجه فيا هى اسرتى وانه مستحيل يسيبنى علشان خاطرهم

تخيلي...كل حاجه واى حاجه تخصنى أنا وهو بيناقشها معاهم كلهم ومش بيهتم يعرفنى بيها غير وانا قاعده اعرف بالصدفه، مفيش خصوصيه بينى وبينه، شقتى معرفش عنها حاجه، سألهم فى الألوان والتوضيبات وأنا لا
لو حصل وزعل منى فى حاجه مش بيكلمنى فيها، علطول يشتكيلهم ويزعلهم منى

بقيت انا الوحشه الشريره البشعه فى نظرهم إللى مش عاجبها العجب، لو حصل واتكلمت بطبيعتى وعلى حريتى يقولى انى معنديش ذوق
لو هزرت يقولو سوقيه مع انى والله مش كده، دايماً هو الصح وانا الغلط، حتى لو زعلنى مقدرش اشتكى لأنهم هيبقوا فى صفه وهيلومونى أنا ويحسسونى بالذنب فبوفر على نفسى اللوم والزعيق

انا بقا العكس، مش عارفه اصاحب اهله، مامته كل يوم والتانى عند اختها فى امريكا وتاخد بنتها وبنت وابن بنتها معاها، واخوه متجوز ومراته طالعه فى دماغها ولا بتعبرنى مهما حاولت اصاحبها، باباه بقا كل يوم فى بلد، وانا الخسرانه، خسرت اهلى ومكسبتش اهله

انا رفضته من الاول بس هم صمموا عليه، ومعرفتش احبه، وزاد نفورى منه مع الوقت وتوقيعه المستمر بينى وبين اهلى
تخيلي انه مره قالى " اتكتمى خالص مسمعش حسك"؟؟ صدمنى، لو كنت قلت لماما انه قاللى كدا مكنتش هتصدقنى وتقول انى بتبلى عليه، مع انه معاملته معايا خشنه

انا مخنوقه منه ومش طايقاه وكلمته علشان نسيب بعض وطلع عيل وقال لأهلى وزعلهم منى وكرههم فيا زياده وقالو انى قليلة الأدب علشان كلمته فى حاجه زى دى من وراهم ، وفضل لازق زياده

قلت لماما مش بحبه قالتلى احنا بنقولك "اتجوزيه مش حبيه" ، كل شهر ااجل الفرح للشهر إللى بعده، مش متخيله انى اكون مراته
الفرح باقيله اقل من شهرين، مش بشترك معاهم فى الجهاز والتوضيبات والفرش، خليه يتجوزهم هم مش أنا

عندى امل ربنا يحلها، يا إما أموت يا إما هو يزهق ويمشى يا إما أهلى ربنا يهديهم ويوافقوا اننا نفركش
محتاره وتعبانه وصحتى فى النازل ومش عارفه اعيش ايامى ولو عدا يوم من غير ما اعيط يبقا نادر جداً
انا بحكيلك عشان بواسى نفسى بالمشاعر اللى مش عارفه اعيشها ، كان نفسى احب واتحب، واحده فى عمرى مفروض تكون طايره من السعاده مش مخنوقه من الكآبه
ربنا يدبرها ويحلها من عنده

أمل مش مصدقة ومصدومة في أهل بجد كده وفيه راجل !! رااااجل كده؟!!!
أمل: ياااااااااه؟!!! مشكلتك صعبة قوي قوي
دعاء بحزن وتريقة على نفسها: بجد؟!!
أمل: ماتسكوتيش؟!!
دعاء: وعايزاني اعمل إيه أكتر من اللي عملته؟!!
أمل: تعملي اللي هتقريه في العدد الجاي إن شاء الله!!!

وروحت أمل البيت بتفكر في حل للمشكلة مش عارفة تعمل إيه فوقفت في البلاكونة وطبعا شافت أحمد

أحمد: هو مش قولتلك ماعودتش أشوفك واقفة في البلاكونة ؟!!
أمل: وانت مييين عشان تقولي اعمل إيه وما أعملش إيه؟!!
أحمد:أوعي تكوني مصدقة الكلام اللي انتي بتكتبيه ؟!!
أمل: واللي هوه؟!!!
أحمد: انك مش عايزة تتجوزي ومش عاجبك أي واحد والكلام دا؟!! كل البنات بتقول كده وأول ما تلاقي العريس بتتهبل بيه
البنات يابنتي مابيطلبوش من الدنيا حاجة إلا عريس وبعدين يطلبوا منه كل حاجة
أمل: يمكن بس اللي انت تعرفهم فيه بنات عايزة تتخلص من عريسها بأي طريقة ...أنا متأكدة انو عندك طرق؟!!
أحمد: انا برده؟!! دا البنات ما خلوش حاجة
أمل: بتعترف بعبقريتنا
أحمد: عبقرية؟!!! ما أعتقدش
أمل: مش مهم انت تعتقد ....تصبح على خيرر
أحمد: وانتي من أهله

وراحت أمل كتبت المقالة ونزلت في العدد

دعاء داخلة المكتب
دعاء: سلام عليكم
أمل: وعليكم السلام قريتي العدد ؟!!!
دعاء: لأ لسه
أمل : طب يلا اقريه
دعاء: اوك

المرة دي مش هحكيلكوا القصة بس هأقولكوا حل
كيف تتخلصين من خطيبك الرخم ؟!!!

لو هو لازق ومش رادي يمشي بالذوق وبيروح يقول لأهلك على كل حاجة
اعملي اللي جاي
1-لما يجيلك قوليلوا :حبيبي لازمني كذا وكذا وكذا وماما بتقولي أوقلك تجبهولي
ولما يرجع بعد ما اشترى قوليله:أه افتكرت وعايزة كمان كذا وكذا

2-افضلي انقدي نفسك وفظعي من شكلك
يعني انا تخنت أوي والدكتور قالي اني مع الوقت هتخن اكتر وانو ممكن اتشل لأن رجلي مش هتقدر تشيلني

لو راح قال لأهلك جيبيلك أي روشتة من أي دكتور تغذية وهما هيصدقوا

3-ضيعي دبلتك واجبريه يجبلك واحدة غيرها ولازم تكون دهب عشان مامتك قالتلك ان الدهب هو راس مال حقيقي

4-بوظي موبايلك وحاولي تبدليه بموبايله فترة ولما يجي يرجعهولك اتبلي عليه وفقولي انه هو اللي بوظه وملزوم يجبلك واحد تاني

5-اعزميه وصممي انك تعملي الغدا وطبعا طبعاانتي مابتعرفيش تطبخي بوظي الأكل بأي طرييييقة وحطي فلفل اسود
ولو هو اكل وجاملك اعمليله قهوة بملح
وطبعا انتي مش قصدك

6- الخلاصة خليه هو يسيبك بمزاجه ومعلش خديه على قد عقله لحد ماتخلصي منه
بعديها خلي بالك قبل ما تتورطي

وزي كل مرة
انا مش عايزة اتجوز طول مافيه رجال زيه!!!

أمل سراج

دعاء: انتي متخيلة أقدر اعمل كده؟!!
أمل: وليه لأ خليكي قوية انتي تقدري تعملي أي حاجة بس أهم حاجة ودي لازم ماتعمليهاش
وعي تتجوزيه لو هتقعدي من غير جواز طول عمرك
دعاء: هاحاول
أمل: اتوكلي على الله واكيييد هتحاولي وبعدين افتحي النت ودوري واكتبي كيف تتخلصين من خطيبك هتلاقي 100 طريقة وطريقة شوفي اللي يناسبه واعمليه
دعاء بأمل: شكرا
أمل: العفو
دعاء: هامشي بقى السلام عليكم

نورهان: انا كمان السلام عليكم
عايزة اعرف أكمل القصة ولا لأ هو مش كل الحكايات هتبقى من بيجات تانية بس برده حاسة اني مش بعمل حاجة قولولي؟!! بس براحة عليا