الحلقة العشرون
فرحت أمل بالمقال جدا بس ماكانش رأي دعاء اللي بانت في عينيها الغيرة
دعاءفي المجلة مع امل
دعاء:شكله بيحبك أوي
أمل:أنا وأحمد أخوات طول عمرنا
دعاء: لدرجة انه يشكرك في مقال كان بيبهدل فيه البنات كل اسبوع ؟؟!!
طبعا أمل فهمت احساس دعاء
أمل:أوعى تكوني غيرانة ؟؟؟احمد داأخويا لازم تفهمي كدا وأنا متأكدة انه كتب المقال دا بس عشان يفرحني لأن فيه حاجات كانت مضايقاني اليومين اللي فاتوا
دعاء:حاجات أنا ما أعرفهاش؟؟!!
أمل: أيوة وأحمد يعرفها لأنه أخويا وصديقي من أول يوم في حياتي
وبعدين هو لسه مش من حقه أنه يكتب فيكي مقال يادودو أحمد يعرف كويس ازاي يحترم ويحافظ على البنت اللي هتحافظ عليه
دعاء طابت نفسها وبدأت تهزر :اتعلم الاحترام منك!!
وضحكوا .....ونسوا.. سوء تفاهم خلص خلاص
بس مش بس دعاء اللي كانت غيرانه
فيه واحد كمان كان غيران
واحد زار أمل في البيت
ولما مامتها وباباها سابوهم يتكلموا
أمل شافت فيه حاجةمتغيرة
أمل:مالك ؟؟
عمر: المقال ؟!!!
أمل: مقال أحمد صح ؟؟!....حتى انت؟؟!
عمر:أه صح ...انتي مش شايفة انه كان....
ووقف
أمل:كان إيه؟!!
ولأن أمل ذكية كانت بتنظرله في عينيه وهى مبتسمة وهادية ومستمعة وكأنها بتحاول تقلب اللي هو فيه من غضب وارتباك
عمر اتأثر بدا أكييد
عمر:كان...كان...كان غريب ..هو ازاي يسمح لنفسه يكتب حاجاة زي دي ...وانتي ازاي توافقي؟؟
أمل:خلصت؟؟أرد بقى؟!!
عمر:اتفضلي
أمل: أولا داغلطي من الأول لأني ماعرفتكش كويس علاقتي بأحمد
أحمد مش بس جارنا من أول يوم فتحت عنيا فيه لكنه أخويا اللي لم تلده أمي وصديقي في الوقت اللي ماعرفتش فيه أصدقاء ...والوقت اللي عرفت فيه بعضهم بعدت عنه شويةوتخانقنا وغضبنا من بعض بسبب الحكاية دي
بعد الجملة دي فهم تأمل شعورها اللي كانت بتحسه لما تكلم أحمدعن دعاء والعكس
فهمت انها كانت غيرانة على صداقتهم وكانت خايفة ينساها ويبعد ويكون بس مع دعاء ...هى كانت خايفة تاخده منها
أي أخت قريبة من أخوها هتفهم شعورها دا
فهمت احساس أحمد بالخوف والغيرة من أصحابها قرب الفترة اللي بدأو فيها الشغل واتخانقوا للسبب دا
وكملت كلامها :بس رجعنا تاني بس مش لاني عرفت انهم أصحاب فشنك ..لأكني تذكرت انه صاحب بجد
والمقال انهارده ماكانش غريب هو بس بيدل على صاحب واخ بجد ...اخ كان عايز يسعدني بمقاله لأنه عارف اللي عايزة اقولهولك
عمر:عارف قبلي؟؟
أمل ابتسمت من غيرته: عارف قبل ما أعرفك
بس قولي الأول انت لسه مضايق ؟؟؟
عمر:لأخلاص
واتحل برده سوء التفاهم دا لأن الاعتراض اتقال بصراحة وكلوضوح
واترد عليه بكل وضوح وبالحقيقة
فاتحل بسرعة من غير حتى مايحسوا
وكان ممكن يلف ويدور حوالين الموضوع ويفهم حاجة غلط ويندم عليها بعدين
عمر كمل كلامه :عايزة بقى تقوليلي ايه وقولتيه لأحمد قبلي؟؟
أمل بهزار:انا عارفة مشهأخلص من المووضوع دا
ووطت صوتها
أمل: اناكنت عايزة أقولك من اول يوم...بس انت ما اعطتنيش فرصة وكل مااجى اقولك حاجةتوقفني ....
أنا مابخلفش
عمر:وإيه يعني؟؟
أمل: بتفرق......
عمر قاطعها:لأ مابتفرقش وقولتلك قبل كدا اذا كان هى اللي عايزها ادور على واحدة تانية ليه
حتى لوانا كمان مابخلفش؟؟؟
أمل كانت راضية باللي سامعاه وفرحانة
أمل كملت:وعمليتي يومالأحد
عمر:عملية ايه؟!؟!
أمل: استئصال الرحم
عمر: فين؟؟!
أمل: في مستشفى****** في اسكندرية
عمر:وليه مش هنا ؟؟!!
أمل: لأن مااما وبابا مايعرفوش
عمر:نعم؟؟!وليه؟؟!!
أمل: انت ماشوفتش كانت بتتكلم ازاي عن انها تفرح بولادي وتشيلهم وتربيهم
مش معقول اقولها واخليها تعيش معايا اللحظة دي
عمر: ماهى هتعرف
أمل: تعرف بعديناحسن من دلوقتي
عمرك بالعكس ..انهارده احسن من بكرة
أمل: ما اعرفش هأقولها ازاي؟ّّّ
...خليها كداأحسن
عمر: لودا مريحك خلاص...بس انتي هتقعدي فين فياسكندرية
أمل: عند واحدة صاحبتي بعدما أخرج من المستشفى وهافضل هناك لغاية لمااخف
وانا قولت لماما اني هروح هناك عشان اغير جو واظبط الماجستير والدكتوراه وكدا وانه هياخد اسبوعين على الأقل
عمر:ان شاء الله هأكون معاكي هناك
أمل: عمرانت مش مضطر....
عمرقاطعها:مضطر؟؟أمل اناهأبقى جوزك وبتقولي مضطر؟؟
أمل: ما انامش عايزة اتعبك
عمر:تتعبيني؟؟؟ يعني اقوم اروح ولا إيه ؟؟
اذا ماكونتش انا هأقف معاكي مين اللي هيقف
وقال بهزار:أحمد؟؟؟
ضحكت أمل وضحك عمر ووصلت ضحكاتهم لأهلها اللي فرحوا انها اخييراوجدت الزوج الصالح
ولما عمر جه يروح وقفت امل في البلكونة تشوفه وهو نازل وتشاورله سلام
ولقى عمر أحمد كمان بيشاورله ويقلد حركاتها بطريقة مضحكة
فضحك عمر وضحك احمد واتغاظت امل لكن ضحكت
وبعدين أمل سكتت
أحمد:مالك؟؟!
أمل:يعني مش كفاية دعاء وعمر بعد ما قرأو المقال قعدوا يقرروني ويقولولي شكله بيحبك وكان مقاله غريب وكلام من دا؟؟!!
كمان تيجي تألس عليا في آخر الليل ...خسأت
أحمد:ايه يا أستاذة أبو جهل خسأت وعصر قبل الإسلام ؟؟!داانتي واحدة مثقفة وتقوليلي خسأت ؟؟!!
أمل:شكلك رااييييييييييق !!
أحمد: خلصت العدد والمقال وبجهزللحفلة و الموضوع بتاعى مابقاش رايق ليه ؟؟
أحمد: خلصت العدد والمقال وبجهزللحفلة و الموضوع بتاعى مابقاش رايق ليه ؟؟
أمل: طب يا سفن أب
أحمد:نعم؟؟؟
أمل: يالذيذ يارايق
أحمد: انا برده اللي رايق ؟؟!1 انتي قولتيله؟!؟
أمل:ايون
أحمد:وقالك ايه؟؟
أمل: نفس الكلام اللي قاله المرة اللي فاتت ...
أحمد: ياعم الرومانسي انت وهو ....قوليلي بقى دعاء قالتلك إيه لما قرأت المقال كانت غيرانة صح؟؟ وعمركمان كان غيران ؟!!
وحكتله أمل عن كلام دعاء وبعض من كلام عمر....لأن ليه يعرف كلام دعاءكله بس مش ليه يعرف كلام عمر لأمل كله...وأمل كانت ذكية وفاهمة دا ...وهو كمان كان ذكي وعارف دا
وبعديها دخلت أمل تحبر المقال عشان ينزل بكرة الصبح
(مش عايزة أتجوز) سابقا
أنهارده (انا هأتجوز) وعقبالكوا
....
نكملالمقال بكرة ان شاء الله
ويارب ماتكونش الحلقة طويلة ولاقصيرة ولاتخينة ولا رفيعة ولاسمرا ولابيضة زي العراف كدا :D
رمضان كريم وصوم مقبول وافطارشهيا
نورهان لاشين
ليست هناك تعليقات:
إرسال تعليق