مش عايزة أتجوز الحلقة التاسعة
الحلقة التاسعة
اعتبروا
دي رشوة بس حرام الرشوة اعتبروها شكر على دعواتكم ان شاء الله ليا اخلص
الأمتحانات واجيب الدرجات النهائية في تلك الثانوية العامة
وشوية وكتب أحمد المقال ..واللي كان رأي الناس فيه ...عنده حق
(انا إيه اللي وداني؟؟)
بعد محاولات عديدة في إقناعي ..أو في الحقيقة إجباري إننا نروح لتنت (خدتوا بالكوا من تنت دي؟؟)
اللي كانت جارتنا عشان عندها بنتها عرووووسة
الحقيقة لما أمي قالت عندها عروسة كل الأصوات اختفت من جوايا وكل اللي افتتكرته إكرام عزو في فيلم السبع بنات (أناااا عروسة؟!!!)
ودا خلاني أفكر أو أخلى نفسي تفكر عشان ما اسمعش وصف امي للعروسة
فكرت في إيه في الجواز بيخلي البنت تتجنن لما حد يقولها ياعروسة غير
الفستان والفرح والمصاريف هنا وهناك وغير إنها تكون في بؤرة الاهتمام
والانتباه
الحقيقة انا ما أعتقدش انها محتاجلهم يعني مش محتاجة
فرح وفستان أبيض وواجد مضحوك عليه ولابس اللون اللي بيعبر عن إحساسه (أسود)
عشان يكونوا أو يكن في بؤرة العدسة المكبرة
ولا أخفي عليكم أني أتمنى أن يكن في بؤرتها عندما تكون أشعة الشمس مسلطة عليها (فاهمين قصدي؟؟!!)
المهم روحنا ...بنت زي القمر وجت تقدملنا (حاجة ساقعة ..ببس ..ببس )
جميلة ومحجبة ومؤدبة ..ماسمعتش صوتها من ساعت ما قعدنا غير في أهلا وشكرا
مش معقولة من البنات اللي بيتكسفوا لسه
ماكنش فيه مبرر أقول لأ...طب أقول لأ على إيه ؟؟
قرينا الفاتحة بعدها بيومين ولبسنا الدبل بعدها ب3 تانين
وأهوه اتخطبت ...قصدي خطبت واتخبطت في أسبوع واحد
كنا بنخرج مع بعض ونتكلم حتى إننا بقينا بنتكلم على الفيس .....تطور سرييييع
ماكنش بيزهق اللي بيتكلم معاها ..كان دايما متجدد مفعم بالابتسامة
حتى إني فكرت أخيرا وجدت نصي التاني
واكتشفت بعدها إنها كانت تعرف أولاد كتير على الفيس يعنيمش معرفة عادية اللي هوا مجرد ناس على جروب أوصفحة
فسألتها يمكن دي كانت بس مرحلة في حياتها وعدت
ما هو أنا مش هأعرف أحكم عليها باللي كانت عليه بس ...بس باللي بقت عليه وهتفضل عليه
وقابلتها في ماكننا المعتاد وسألتها
وصدقتها لما قالت إنها كانت مرحلة صعبة في حياتها وكانت محتاجة أي حد تتكلم معاه
أنا عارف شكل المرحلة دي ..وقالتلي إنها ما استمرتش كتير ونهتها بسرعة
الحقيقة انا ماكونتش عايز أكدبها وكنت محتاج أصدقها
وكنت فاكر اللي قالهولي شخص قريب مني
(مافيش شخص كامل ..كل شخص فيه عيوب أو حتى عيوب في الناس اللي حواليه واللي مايقدرش يستغنى عنهم
ومش الصح إنك تحاول تصلح العيب أول ما تعرفه الصح
أنك الأول تتقبله وإذا حبيت تصلحه يكون بعد ماتتكلم عنه مع الشخص التاني وتكون كمان برغبته )
عشان كدا عديت الموقف .. وعدى كمان أسبوعين كنت فيهم سعيد حتى إني قابلت صديق ليا كان مسافر وماشوفتوش من زماااااااااان
وقعدنا نتكلم كتير على اللي فاتنا في حياة بعض ...احنا تقريبا ماكوناش بنفارق بعض
وصاحبي دا كان مقطع السمكة وذيلها وحتى رأسها
وقعد يكلمني على البنات اللي عرفهم في أمريكا والبنات اللي كان واللي لسه بيكلمهم على النت
وحكالي على أجدد علاقة ليه
يابني واحدة زي القمر وجميلة عرفتها من شهر ونص تقريبا على جروب
وقعدنا نتكلم من ساعتها بس بنت نكتة ةمضحكة أقولك الحق (زبالة)*أسف على هذا اللفظ بس دا كان أقل حاجة قالها بس فيها الخلاصة*
اتخطبت ياسيدي من شهر ولسه لغاية دلوقتي بتكلمني وتحكيلي على المغفل خطيبها
وانت ما سبتهاش ليه؟؟
أصل عليز أعرف مين المغفل وأنبهه
هى اسمها إيه؟؟
اسمها.....................
ياااااااااااسلاااااااااااااام دي حتى مش عاملة أكونت تاني تعمل بيه مصايبها على الأقل عشان ماتتكشفش
وطلعت أنا المغفل
اااااااااااااه منكوا يابنات حواء ..طب أنا هأدعي عليكوا بإيه وانتوا فيكوا كل العبر؟!!
وروحت استهبل وأخد حقي
أنا عايزك تقابلي واحد صاحبي أوي زي أخويا
زي ما تحب
وجه صاحبي وصاحبته ألوان قزح لوشها
وعملت نفسها مش عافراه يمكن ما يقولش أو مايخدش باله
بس ازاااااااااااي وانا متفق معااااااااه؟!!
إيه دا لول ؟؟ مش معقول ..ازيك؟!!!
اخص عليكي انتي مش قولتي مابتخرجيش ماحد غير خطيبك.....أحمد هو انت المغفل ؟؟!!
أه ... وقلعت الدبلة وأخدتها يعني أكيييد مش هأرميها وانا دافع حقها ....حرررررررررررررررررااااااام
وأدي حكايتي
وأرجع أقول
(وأنا إيييييييييه اللي وداني ؟؟؟))
بعد ماقرأت أمل الكلام وقفت في البلكونة شوية
أحمد:ها؟!!
أمل اتخضت:حرام عليك
أحمد:بتفكر في ميييييييين؟؟
أمل:في المقال بتاعك
أحمد: عجبك صح؟؟عندي حق؟؟
أمل:ممكن
أحمد: اعترفوا بقى انكوا شايطين
أمل بنظرة جد:أحمد؟؟ظ
أحمد:نعمين؟؟
أمل: هو أنا لو قلتلك أنا هنزل مع اصاحبي ومش هأرجع غير 12 بليل هترضي ؟؟؟؟؟؟
أحمد: لأا طبعا
أمل:ليه؟؟ مع أن انت بترجع بعد كدا بكتير
أحمد:عشان خايف عليكي لحد يضايقكوا
أمل: حد زي مين؟؟مش حد زيك؟؟؟....في النوع ؟؟
أحمد:......
أمل: المفروض نعيد النظر في مين اللي مفروض يقعد في البيت
أحمد: واحنا بقى نتحبس عشان خاطر سادتكوا
أمل: لأ احنا نتحبس وفي الآخر يلومونا احنا
أحمد:يا أمل عمر الصراع على الموضع دا ماهيخلص
أمل: يخلص لو كل واحد بقى في حاله وزي ماسمحوا للولد يسمحوا للبنت
يسمحوا تخرج مع صحباتها من غير مايسمعوها قبلها كلمتين ماتروحيش هناك عشان البنات بتروح تقابل أولاد
أه والله؟!! والأولاد أخبارهم إيه قاعدين بيتفرجوا على التليفزيون ؟؟؟ ماهما كمان رايحين يقابلوهم ويعملوا نفس الغلط
أنا لو مش هطلب المساواة في كمية الحق هطلب المساواة في اللوم
لأنه فعلا مش حلو تتأخر ل12 بليل إلا إذا كانت حاجة مهمة مش بيتمشوا في الشارع
أحمد:طب ما أنتي.....
كفاية كدا علكيكوا وأقالبكوا بإذن الله بعد الإمتحانات
ادعولي ها بلييييييييييز
السلام علكيم ورحمة الله وبركاته
نورهان لاشين
تابعوا على الفيس بوك في صفحة أهى حكاية
ليست هناك تعليقات:
إرسال تعليق