الحلقة الثانية والعشرون
أمل: انت عملت ايه؟!!!!!!!!!!!!!!!!!!!!!!
أحمد:من دقيقة انتي كنت خطيبتي الي كانت عايزة تقلع الخاتم من ايديها وكان لازم أوقفها ودلوقتي انت الراكب اللي هوصله وممنوع التحدث مع السائق أو أعطائه أي معلومات....... مفهوم؟!!!!!!!!
كان يول هذا بتصنع للحزم مع أن كانت عيناه تقول غير ذلك
وساق بها للقاهرة
وفي الطريق
أمل: أحمد أنا مش عايزاك تزعل من اللي هقوله وكمان لأزم تعرف أن ده الصح
أحمد: إيه هو فيه ايه ؟!قلقتيني؟
أمل: أحمد ...........لو حد جه وقالك أنا عايز أخرج مع أختك هتوافق؟!!!
أحمد وقد فهم ما ترمي إليه ولكنه جاوب بصراحة :لأ
أمل: حتى لو قالك أنه عاوز يخطبها؟!
أحمد : لما يبقى يخطبها وفاهم قصدك
أمل:خليني بس أكمل كلامي
أولا مش هينفع أركب معاك العربية تاني خالص لأن ده الصح وأنت عارف ان المرات القليلة ومنها دي كان خارج عن إرادتي
أحمد :أنا عارف والله
أمل:خليني بس أكمل
وكمان مينفعش تمسك ايديا تاني ابدا حتى لما أكون باخد الدوا عشان انت مش مسمحولك تعمل كده وانا عارفة أنك قصدك تخفف عني بس أنا عايزة نبدأ علاقتنا وفي نيتنا ان احنا نرضي بيها ربنا ونعملش حاجة تغضبه عشان يباركلنا فيها ونعرف نحل مشاكلنا
أحمد: حاضر من عنيا
أمل: ومتحرجنيش بكلامك
أحمد:أي كلام ؟!
أمل: انت فاهمني كويس لأن مش هقدر أرد عليه ماشي لما نتخطب هتسمعها مني ومن غير ما تكون رد على كلامك
أحمد: يعني انتي بجد بتحبيني؟!
أمل: لا إله إلا الله شوف انا أقول إيه وهو يقول إيه
أحمد: معلش خلاص أسف
أمل: بس كده ومافيش خروج !ولا تليفونات !ولا رسايل حتى
أحمد: امل أنا معاكي ومعدتش هعمل حاجة تضايقك أو تغضب ربنا في علاقتنا بس ياريت ماتكمليش أكتر من كده
أمل: مش لازم تيجي معايا عند الدكتور ولا وأنا باخد العلاج
أحمد: قولتلك يا أمل ماتكمليش لأن دي مش هسمع كلامك فيها
أمل: بس.............
أحمد: من غير بس أنا بس هكون معاكي عشان أساعدك ودي مافيهاش حاجة غلط انا مش هعمل أي حاجة من اللي أنتي قولتيها بس مش هسيبك لوحدك
أمل: أنا تعبت من جدالنا حوالين الموضوع ده ز...........المهم اوعدني انك لما تكون معايا تلتزم بكل اللي فات
أحمد:أوعدك بس هبعتلك رسالة تفكرك بميعاد الدوا
أمل: أحمد
أحمد: بلييييييييييييييز
وصنع بوجهه وجه برئ يشبه الأطفال عندما يتدللون لطلب شئ
ابتسمت أمل وابتسم معها الأمل
واسندت رأسها لرأس المقعد ومالبثت ان انتفضت
أمل: صحيح أنت كنت بتسأل ليه إذا كان بابا وماما هيجو فرح سامي وليلى؟!!!!!!!!!!ها
أحمد :نخليهم يقعدوا مع بعض يتكلموا ويمكن يتصلحوا
أمل: او يعملوا فضيحة كبيرة والفرح يقلب جنازة
أحمد: ماتخافيش ساعتها نتصرف
ثم قال بدلال : أمل .!!!
امل: نعم
أحمد: هاخدك بعد بكرة من البيت
أمل : أحمد حرام عليك كاني كنت بأذن في مالطة لأ يعني لأ أنا ساعتها هبقى أحسن وهعرف أجي خلاص؟!!!!!
أحمد: طيب خلاص
وأوصلها لمحطة السرفيس الداخلي لأنها لم ترد أن يوصلها للبيت
ولكنه أوصلها فقد تبعها بسيارته
هى لم تلاحظ ذلك لشدة تعبها
ووصلت البيت وجست أمها نبضها من ناحية أحمد هل لاتزال تراه
ولكن أمل طمأنتها ولم تكذب عليها وقالت بأنه لن يتعرض لها ثانية
وجاء الصباح وكان عليها ان تحضر حالها ليوم غد للحفلة
فنزلت وابتاعت بعض الأشياء مع والدتها للحفل ولحفل زفاف ليلى أيضا
وحضرت ليوم غد
وعندما جاء الغد حضرت حقيبتها لتذهب للأسكندرية للتدريب قبل الحفل وعندما وصلت للمحطة الأوتوبيس
وجدت......................
نعرف الحلقة الجاية إن شاء الله
نورهان لاشين
ليست هناك تعليقات:
إرسال تعليق