الحلقة الخامسة عشر
الدكتور : والله احنا مش متأكدين بس في احتمال كبير يكون مصاب بلوكيميا
أحمد ذهل مما قاله الدكتور ونزع من يديه نتيجة صاحب التحليل الذي يمكن ان يكون مصاب ياللوكيميا
ونظر بصعوبة على الاسم فوجده .....................
أحمد : طب المفروض يعمل تحليل تاني
الدكتور : ايوة لازم عشان نتأكد
احمد : حاضر يادكتور شكرا
وتركه الدكتور ليمضي في أعماله وعادت له أمل
أمل : ها الدكتور قالك ايه؟
أحمد : ها؟!
أمل : انت روحت فين ؟
أحمد : أنا معاكي وانا اقدر اروح في حتة
أمل: طب الدكتور قالك ايه؟
أحمد : ما قاليش الظاهر ان العينات بتاعتنا ضاعت او حاجة زي كده فمطلوب مننا ان احنا نعمل تحليل تاني
أمل :ايه الإهمال ده احنا المفروض نبلغ ادارة
أحمد : إدارة ايه لأ يابنتي هما مش قصدهم دا في مشاكل وكده
المهم يعني نديهم عينة تانية ونمشي
واخذت الممرضة العينات وذهبت للمعمل وأخذ أحمد أمل وذهبا كل منهما للبيت ليذاكروا لأن الامتحانات بعد بكرة
ولكن أحمد لم يستطع أن يذاكر جلس يفكر فيما قاله الدكتور كيف يتعامل مع هذا الخبر؟ ماذا يفعل ؟
سأل نفسه ألف سؤال ولم يجد إجابة تشفي غليله
وجاء يوم الامتحان حين يكرم المرء أو يهان لم يذهب قبلها أحمد لأخذ التحليل كما قال لأمل لأنه خاف أن يتشتت ذهنه أكثر
وتقابلا في الجامعة
أحمد : السلام عليكم ازيك يا أمل ويا ليلى ؟
أمل وليلى : وعليكم السلام الحمد لله
ليلى : عملت ايه ؟ ذاكرت كويس؟
أحمد : أه الحمد لله والبركة في أمل هى اللي كانت بتفكرني كل شوية
انتي يا أمل عملتي إيه ؟ دي أول سنة ليكي ذاكرتي ؟
أمل : ايوه الحمد لله يلا بقى عشان ما نتأخرش
ودخلوا قاعات الامتحان وجلس كل منهم يكتب ما تعلمه وما ذاكره
وانتهى الوقت بسلام عليهم جميعا وخرجوا
فتقابلت أمل مع أحمد
امل : ها عملت ايه ؟
أحمد : الحمد لله طمنيني عليكي
أمل: الحمد لله على فكرة السؤال اللي قولتهولي جالي وحليته
أحمد : طب الحمد لله
أمل: اه صحيح روحت تجيب النتايج بتاعة التحليل؟
أحمد : لأ رايح انهاردة
أمل : أنا ممكن أروح اجيبهم لو مش فاضي امتحاني اللي جاي بعد اسبوع
أحمد : لأ لأ أنا اللي هجيبه المهم هتروحي انهاردة للمعهد
أمل : أه طبعا انت جاي ؟
أحمد : ايوة بس هو انا ممكن اطلب منك طلب؟
أمل : اتفضل
احمد : تعالي قبل الوقت بنص ساعة عشان عايز اكلمك في موضوع مهم
أمل : موضوع ايه؟
أحمد : لما تيجي هقولك
وقال هذه الجملة ورحل قبل أن تسأله وذهب إلى المستشفى وقابل الطبيب
الدكتور :أنا أسف جدا اني اقولك ان احنا تأكدنا
صعق أحمد من هذا الخبر حيث كان يأمل نفسه أن يكون خاطئا
أحمد : طب والمفروض نعمل ايه؟
الدكتور : ده كارت دكتور شاطر متخصص في الأورام واللوكيميا لازم تتابع معاه
أحمد : شكرا يا دكتور مش عارف أقولك ايه؟
وترك الطبيب وذهب لملاقاة أمل
وعند وصوله للمعهد بسيارته وجدها واقفة تنتظره
فترجل من السيارة وفتح لها الباب
أحمد : اركبي
امل : لأ طبعا
أحمد : اركبي بس احنا مش رايحين حتة بعيد
أمل : طب وليه مانتكلمش هنا او على البحر
أحمد : طب ماشي يلا
وقفل باب سيارته وذهبا إلى البحر القريب منهم وجلسا على كرسي حجري
وجلس احمد بجانبها لاول كرة وجعل وجهه في وجهها
أحمد : أنا عايز اقولك حاجة مهمة
أمل: تفضل
أحمد : العينات بتاعت الدم ما ضاعتش ولا حاجة بس كان لازم نعمل تحليل تاني عشان أتأكد
أمل: تتأكد من ايه؟
أحمد : أمل ...................أنا عندي لوكيميا
ونشوف رد فعل أمل الحلقة الجاية ان شاء الله
نورهان لاشين
ليست هناك تعليقات:
إرسال تعليق