الحلقة الثالثة عشر
أحمد:قريتي المقال ؟؟!
أمل: وهي المجلة نزلت
أحمد:من عشر دقايق
أمل:هبقى اقراه ..كتبت عن إيه المرة دي ياسندباد البنات ؟!!
أحمد:كتبت عن غدر البنات واننا لازم نعمل زي ماتشرشون قال ( سلم قاربك للأمواج ولا تسلم قلبك للنساء فالبحر أقل غدرا من المرأة)
أمل: بس ....طبيعةالبحر الغدر أم طبيعة المرأة واللي البعض بيسمها تقلب انها بتعامل الراجل زي مابيعاملها يعني مش عارفة انت قريت داقبل كدا ولا لأ
بس هوحوار بين الرجل والمرأة عبقري اللي كتبه
شوفت ازاي ؟!! هو لما بدأ وقال إيجابيات الرجل هى قالتله إيجابيات المرأة
ولما هو قال سلبيات المرأة هى قالتله سلبيات الرجل
بس لما عدد في إيجابيات المرأة هى كمان عددت إيجابيات الرجل
لأوكمان بقوا بيتشاكلوا أنهم يبينوا التانيأحسن
حتى في قوة الفعل لماهو يقولهاأنا أظن هى تردعليه بانا أجزم ولما هو يقولها أنا على ثقة بترد عليه بأنا على يقين
هى بالظبط بتعامله زي مابيعاملها لا أكتر ولاأقل
أحمد:بس أنتي ماخدتيش بالك أنها بمجرد لماابتسمتله سلم الراية ....ياااااجبروتكو
أمل:هههههههههه ...طبعا في ابتسامة المرأة عظمة الحياة وجمالها
أحمد:ها؟!! تشعل المرأة النار بابتسامتها وتحاول عبثا أن تطفؤها بدموعها
أمل :إحنا هنقضيها أقوال وأمثال ولاإيه؟؟
أحمد:يعني انتي شايفة انها كانت صح؟!!
أمل:مين دي؟؟؟
أحمد:اللي كتبت عنها المقال
أمل:ماقولتلك ماقريتهوش
أحمد:ما انتي عارفة الحكاية..شيماء
أمل:أأأأأأأأأأأأأأأأأه طبعا ماكانتش صح اللي عملته غلط وحرام
أحمد:طب واللي عملته؟؟
أمل:فيه إيه؟!!
أحمد:انتي مش شايفة اني على الأقل أفضل معاها وأغير عيبها ؟؟! أصل واحد صاحبي قالي الكلام دا الصبح ولما قلبته في دماغي قولت هو صح
أمل: أحمد؟!! انا عدى عليا كام عريس؟!! كتيييير...وكان كلهم فيهم إيجابيات وسلبيات مش هنسميها عيوب لأنها ممكن ماتكونش لغيرنا كدا بس أنا عمري ماحاولت أغير سلبياتهم ... ليييييه؟؟؟
لان احنا بنغير سلبيات أو عيوب الناس اللي احنا متأكدين وحابين نعيش معاهم مش شخص احتمال أه واحتمال لأ...يعني لو جبت واحد على الجاهز مافيهوش السلبيات دي أهلا وسهلا بس لو واحد فيه سلبيات فخلاص هو أصلا مش فارق معايا بالسلامة...إنما لو واحد بحبه وفيه السلبيات دي فأكييد هيفرق معايا وهأحاول أصلحها أو أحولها لإيجابيات طبعا بمعرفته وفهمه
لأن السلبيات دي هى أفعال أواشخاص أو نمط حياة وسلوك مش هتقدرتخلينا نعيش مع بعض حياة سعيدة فاحنا لازم نغيرها فيه وفينا عشان تمشي المركبة ....فاهمني ولا انتي نمت مني؟!؟!
أحمد:انتي عارفة اني اتعودت افهمك من زمان ...فاهمك
أمل:طبكويسعشان انا لازم امشي بقى
أحمد:راحة فييين؟؟
أمل:خارجةمع دعاء
أحمد:ياعم ياعم بقينا بنخرج أهوه ونتفسح...وهتروحو فين بقى؟!!
أمل: بتنق في الخروجة من أولها ؟!! الله أكبر ....هنروح إن شاءالله المول نتسوق عشان الحفلة بتاعة النقابة ...وهنروح السينما
أحمد:السينما؟؟!أوووووووووه اتغيرتي خااالص يا أمل ...يلا ابقى سامي عليها بقى
أمل:يوصل ....سلاام
وددخلت أمل تلبس وكانت فرحانة وسعيدة وهى بتنقى هدومها اللي هتخرج بيها مع صاحبتها
وأحمد فضل واقف وكان سعيد لأن أخييرا أمل لقت صديقة وكمان هيخرجوا مع بعض
كان شايفها وهى خارجة من باب العمارة سعيدة وكان هو كمان سعيد
وبالصدفة كمان شافها وهى راجعة وكانت لسه سعيدة ويمكن أكتر كمان
وبعد شوية خرجت وقفت في البلكون لقت أحمد
أحمد:ها عملتي اييه؟!!
أمل:اشتريت فستان حلوأوي واتفرجنا على فيلم راااائع جدا
أحمد:شكلك مبسوطة ؟!!
أمل:قوي قوي وقوي
أحمد:هههههه طب ادخلي نامي بقى شكلك تعبان خاالص
امل:عندك حق ...اتدهيت من كتر الف ...تصبح على خير
أحمد:وانتي من أهله
ودخلوا ناموا كل واحد فيهم كان سعيد
وعدي الأسبوع جميل خرجت فيه أمل تاني واتقابل أحمد ودعاء بالصدفة تاني
دعاء وهى خارجة من الباب بتاع المجلة وشايلة حاجت كتير ومش باصة قدامها
خبطت في واحد .
دعاء:أسفة ماختش بالي
أحمد:ولا يهمك
دعاء:أستاذ أحمد ؟!؟!
أحمد شاف ورقة كانت هتطير من حاجاتها فلحقها ومسكها وغصب عنه قرا اللي فيها
فضحك
دعاء : ماعجبتكش ؟؟
أحمد: لأأبدا دي حلوة جدا
دعاء :وضحكت ليه؟؟
أحمد:مافيش حسيت انها غريبة
دعاء: كنت فاكرة ان عندك مخيلة واسعة
أحمد:أعتقد إن دا من عيوبي الكتير
دعاء:انت بتسخر مني؟؟!
أحمد: ما اعتقدتش اننا نعرف بعض كويس عشان اعمل كدا .....بس أنا متشوق لليوم اللي نكون نعرف بعض فيه كويس
للي مايعرفش أحمد فهو بيعرف ازاي يخطف قلب بنت من أول كلمة بالظبط زي داستان في أخرلقطة في فيلم prince of Persia
أمل شافت دا من بعيد ...وشافت قدرة أحمد على جذب اهتمام وتفكيرواحساس دعاء
وحست .........
بكرة إن شاء الله
نورهان لاشين
ليست هناك تعليقات:
إرسال تعليق