الحلقة الثانية
بسم الله الرحمن الرحيم
وطلع كل واحد المبنى اللي المفروض يشتغلوا فيه والمبناين جنب بعض بالظبط .......صدف؟ّ!!
أحمد:لو سمحت عايز....... أمل:......أقابل المديرة
رجل:اتفضل أنسة:اتفضلي
وحط أحمد إيديه على قبضة الباب .....واتفتح الباب
لقت أمل بناااات كتيييير قاعدين حوالين الترابيزة
ولقى المدير قاعد معاهم وأول ماشافه
المديرة:أهلا بمحررتنا .............. المدير:...... الجديد
المدير:أنا هشام حمدي المديرة:أنا سارة إمام
أحمد:غنى..... المديرة:...عن التعريف
هشام وهو بيقدمه:........... سارة:دي زميلتكوا الجديدة
هشام:أحمد سراج سارة:أمل رأفت
هشام:دول بقى كل....... سارة:محررات المجلة
هشام: وكلهم رجال.......... سارة:...أنسات وطبعا سيدات
وقعد أحمد مع المحررين زي ما قعدت أمل وسط المحررات
عند أمل
انهارده هنبدأ إن شاء الله توزيعة جديدة لأركان المجلة ودا طبعا عشان نلحق
ننزل قبل المجلة المنافسة بتاعت........-وقالت بشوية غيظ وحقد-ا....لرجالة
ووزعت على كل محررة جزء من الشغل وجت عند أمل
سارة:شوفي يا أمل انتي عتشتغلي شوية مع الآنسة دعاء وبعدين هأعطيكي عمود تكتبيه ونشوف رأي الناس
أمل: أكييد
سارة:سهيلة بتكتب (لكي) ودي أي موضوع يهم المرآة
سهيلة:إن شاء الله تحبي الشغل معانا
أمل: إن شاء الله
سلوى:خلاص كدا اتفضلوا على مكاتبكوا وأمل انتي مكتبك مع سهيلة
أمل: شكرا جدا وإن شاء الله أكون عند حسن ظنك
سلوى أنسة مش كبيرة 29 سنة بس قدرت انها تفتح المجلة بعد تخرجها وكبرتها
لغاية ما بقى ليها اسمها وقيمتها في السوق وبين القراء مجلة (لكي )
أما في الجنب التاني
هشام : مش عايزين يحصل زي السنة اللي فاتت وهما يبيعوا أكتر مننا إن شاء الله إحنا اللي هنكتسح السوق
وبالسبة ليك يا أحمد انت هتشتغل مع محمد في صفحة (للرجال فقط ) وهعطيك
عمود ينزل في أول عدد السنة دي وعايزك تكتب فيه زي وصف كده للبنات اللي
بتتأمر على العرسان بدل مايحمدوا ربنا المهم يعني عايزك تظبطهم تمام؟!!
أحمد بفرحة:أكييد تمام
هشام: خلاص بكرة ان شاء الله توريني مسودة أولى
يلا يارجال على مكاتبكوا خلصوا الشغل بسرعة وبإتقااان
هشاام شاب 29 سنة زميل سارة سنة بسنة وهما الاتنين مابيطيقوش بعض برده
وقرروا انهم يفتحوا كل واحد مجلة خاصة بيه ونافسوا بعض منافسة شديدة
مجلته لقت إقبال كبير خاصة من الرجالة لأن أكترها مهاجمة للنوع الآخر بس ليها وزنها في السوق اسمها(للرجال فقط)
وراحت أمل مع دعاء عشان توريها مكتبها اللي هتشتغل فيه
أمل كانت بجد فرحانة والدنيا مش سايعاها ومسكت المقبض وفتحت الباب براحة
ولما دخل أحمد المكتب اندهش لأنه جميل وواسع ومرتب ولقى مكتبه كمان مريح
وفجأة اتسمر في مكانه وشاور على الشباك.................
وبكرة إن شاء الله أقولكوا ليه؟!!
سلام عليكم
نورهان لاشين
ليست هناك تعليقات:
إرسال تعليق