الحلقة العاشرة
أحمد: طب ما إنتي بتخرجي عادي وماحدش قالك حاجة
أمل:أحمد: تتصور كام مرة كنت عايزة أخرج مع زمايلي وماما رجعتني عن اللي في دماغي بطريقة متخيلاها تنطوي عليا
وكام مرة قالتلي ماتروحيش المكان دا عشان البنات والأولاد ولاب لاب لا
عارف كام مرة؟؟!!
كل مرة طلبت فيها إني أخرج معاهم وعارف إيه كمان؟؟بأتمنى أعرف إيه شعورهم وهما مع بعض وأعرف بيتكلموا في إيه ؟؟
بس عارف ليه أنا مأعرفش ؟؟عشان أنابنت واللي بقت عيب في الزمن دا
تصبح على خير
أحمد كان شايف في عينيها وسامع في صوتها لبحزن
حزن وحاجة عمره ما عرف إنها ممكن تأثر فيها بالشكل دا
فضل يفكر فيها طول الليل
افتكر لما كان بيخرج مع أصحابه ويرجع تسأله عن كل حاجة
كان زمان مفكرها عايزة تعرف بيعمل إيه عشان تقول لمامته
بس دلوقتي فهم إنها بس كانت عايزة تتخيل إحساسه وسط أصحابه لأنها ماكنش ليها اصحاب كانوا بس مواصلات يعني عشان مايمشوش لوحدهم أو يركبوا الميكروباص لوحدهم فيمشوا معاها
بس أمل مابطلتش تدور على أصدقاء على الرغم من أنها أقنعت نفسها إن مش مهم يكون ليها صديق عشان تبقى أحسن وأحمد موجود كفاية هو عليها
فناموا هما الاتنين من التفكير
تاني يوم كان أجازة وقعدوا في البيت حتى احمد
ووهما واقفين في البلكونة بعد الغدا
أحمد:أما أنا شوفت حتة فيلم
أمل: فيلم إيه ؟؟!
أحمد:ِAvatar
أمل: دا أحلى فيلم في الدنيا ....أنا بحبه جدا ...وبما إنك أخيرا اتفرجت عليه قولي
أنت ممكن تعمل كدا ..يعني تتخلى عن بيتك وتروح تعيش في بيئة تانية وحياة مختلفة عشان اللي بتحبها؟؟
أحمد:أممممممممممم يمكن...يمكن لو فعلا الحب دا موجود ..وانتي؟؟
أمل: في الفيلم هو اللي راح عاش معاها ..يبقى هو اللي يجي يعيش معايا .....ههه بهزر ..أه لو اضطرتنا الظروف
...بس لو هروح أعيش معاه في مكان زي دا أكيييييييييد هروح عليه
أحمد:إلا قوليلي يا أمل إنتي عمرك فقدتي الأمل في الحب اللي بتكتبيه في قصصك ؟؟
أمل:أمممم كل يوم ...كل يوم بفكر إن النوع دا من الحب مش موجود ...النوع اللي بيدمج اتنين ومايبقاش فيه أنا وأنت وفلوسي وفلوسك ... مايبقاش فيه غير روح في جسدين
...بس هأعمل إيه في الإيمان
يعني الأمل بيه بيروح ويجي بس إيماني بيه ثابت
أحمد: عشان كدا مش عايزة تتجوزي لغاية دلوقتي؟؟ظ
أمل: ماهو لو كان جالي عريس يدق قلبي وهو واقف قدام الدولاب يسأله بأي ثوب يلقاه ماكونتش قولت لأ
فأنا لو وافقت على أي عريس من وجهة نظر الأمهات يعني شيك وعربية وشقة وفلوس ومركز وبس لا فيه مشاعر أوتوافق مش هحس الاحساس دا ومشاعر تانية ممكن ما أحسهاش لمجرد إن الجواز بقى روتين
لما يبصلي وأنا عاملة نفسي مش واخدة بالي ...لما أشوف اسمه على التليفون وهو بيرن ..لما أغير عليه وهو يغير عليا ....والمشاعر دي مش هترجع تاني
المشاعر أيام الخطوبة ولما نجهز شقتنا ونحط فيها كل حاجة بذوقنا واحتياجنا بتيجي مرة واحدة في العمر
وأنا كل طلبي إني ما أتحرمش من مشاعر من حقي ومشاعر مش غلط لأني عايزة أحس بيها داخل إطارها الشرعي غلطانة؟؟!1
أحمد:لأ مش غلطانة ...بالعكس
أمل: لأ مش غلطانة وبالعكس؟؟...أول مرة يا أحمد توافقني على حاجة كليا كدا وبالطريقة دي ...أنت طيب كدا ليه ؟؟!! أنت عملت إيه في أحمد؟؟؟
أحمد: هو لكدا عاجب ولكدا عاجب؟؟
أمل:ما أنت برده توقيتك غريب في الطيبة دي ...
أحمد:أمل إنتي صديقتي واختى الوحيدة ولازم أكون طيب معاكي ......من وقت للتاني
أمل:ماشي ياعم الأخ والصديق
مع إنك كنت أخ وصديق لحد إعدادي بعد كدا بقيت العدو اللدود
أحمد: طب بما إنك ذكرتي مرحلة إعدادي دي كان نفسي أسألك سؤال من زمان
انتي عمرك حبيتي؟؟؟ يعني حب المراهقة دا ؟؟
أمل:تصدق آه ؟؟
أحمد وأنا اللي كنت فاكرك عاقلة وماحصلكيش الحاجات دي
أمل: مأنا كنت عاقلة في تفكيري وسألت نفسي
إيه الهدف من دا ؟؟يعني إييه اللي هيحصل من ورا الحب دا؟؟
جواز يعني؟؟ واحنا 14 أو 15 سنة
موراهوش حاجة ولا مهم في حاجة
حتى إيه الكلام اللي ممكن يتقال ؟؟؟كله هيبقى كلام الليل مدهون بزبدة يطلع عليه النهار ...
وجووابات بقى وكلام مالهوش هدف
احنا بس كنا بنتشوق ان احنا نكبر وفكرنا إن دا من علاماته
ونكمل بكرة ان شاء الله ياريت اعرف إذا كانت الحلقة طويلة ولا قصيرة عشان اظبط ايدي على كمية محددة وانتوا عارفين اني برغي في حاجات كتير
نورهان لاشين
ليست هناك تعليقات:
إرسال تعليق