الحلقة الثالثة عشر الجزء التاني
أصبح احمد معها في كل مكان في الكلية في المعهد والعمل كأنه يحاول ألا يضيع فرصة أن يلاقاها ولو حتي عن طريق الصدفة
ولكنه كان دائما يراها في الكلية والمعهد ولكن لم تجمعهم الظروف أبدا في العمل .
ومر على ذلك شهر ونصف وهاهى امتحانات الترم قد اقتربت ولكنها لازلت تكمل عملها وفي يوم كانت في مكتب سامي لتوصيل بعض الاوراق
سامي : انتي عاملة ايه ؟ الامتحانات على الابواب ؟
أمل : الحمد لله كويسة
سامي : وأحمد؟
أمل : أحمد كويس ده نص الوقت هو اللي بيشرحلي سواء في المنهج او في الموسيقى
سامي: طب كويس بقيتوا اصحاب اهوه
أمل : خلص الورق اللي في ايديك لو سمحت
سامي : ماشي يا ستي
بظرت أمل إلى ساعتها فوجدتها الثانية فحاولت ان تسرع الامور
أمل : بسرعة بقى انا لازم امشي الوقت اهوه
سامي : ايه هى الساعة 2 طب انا هطلبلك عربية من تحت
أمل : مش لازم
سامي : لأ لازم
أمل : ماشي يلا هاجيب شنطتي
وطبعا اتصل بأحمد السواق الجديد
سامي : ايوه ياأحمد انت لسه تحت؟
أحمد : ايوه بس ماشي اهوه انا اتأخرت
سامي: طب خد العربية في حد عايزك توصله
أحمد: لا ماينفعش انا لازم امشي
سامي : حتى لو الحد ده امل
أحمد : لأ طبعا وبعدين انا رايح اقابلها
سامي : طب يلا شوفو كنتو رايحين فين
أحمد : ماشي سلام
وانتظرها احمد بالأسفل بجانب السيارة
وعندما نزلت ووجدته هو لم تستطع أن تكتم ابتسامتها الجميلة التي تداري حيائها
أمل : السلام عليكم
أحمد : وعليكم السلام المرة دي ما فيش حجج انا هوصلك بعربية الشغل ولو عايزة اقعدي ورا كمان
أمل : طب مش لازم اصلا نروح خلينا هنا والمعهد اقرب من هنا
احنا ممكن نقعد في الكافيتريا هنا او في مكتب سامي مش هيقول لأ
أحمد : ماشي يلا اتفضلي
ورمى احمد بالمفتاح للرجل الامن حتى يعيد السيارة الجراج وليستطيع هو اللحاق بأمل
وجلسا في مكتي سامي الذي كان مشغول ببعض الاعمال خارجه
أمل : انت بجد بتشتغل هنا
احمد : ايوه
أمل : طب كويس خلينا نبدأ احنا اصلا اتأخرنا
وذاكرا سويا وانتييها على الساعة الثالثة وقاما ليذهبا إلى المعهد
أحمد : انا هجيب العربية واجي
أمل : ومين قالك اني هركب معاك؟
أحمد : دي عربية الشغل وانا كده بشتغل وسامي اللي طلب مني
انهارده وبس علشان اتأخرنا ................يلا؟1
امل :انهارده بس
أحمد : ماشي
وركبا السيارة وانطلقا
أحمد : انتي بتعملي ايه غير انك بتشتغلي وبتروحي المعهد والكلية
أمل : بذاكر
لا انا مشتركة في جمعية رسالة
أحمد : انتي على كده مشغولة على طول؟
أمل : ايوه فعلا
أحمد : وبتعملوا ايه في رسالة ؟
أمل ك كل خير ..............يعني بنجمع هدوم ونغسلها ونكويها وبنوزع ادوية بنساعد الارامل والايتام والمسنين وذوي الاحتياجات الخاصة وكله
بس الجديد بالنسبة لي اني اول مرة هتبرع بالدم
أحمد : طب وليه؟
أمل :ليه ايه ؟ ليه اتبرع بالدم ؟
أومأ احمد
أمل : انت عارف ان بكيس م واحد ممكن تنقذ 3 أشخاص
لأن مش كل الناس بتاخد الدم كله في ناس كتير بيبقوا محتاجين مكون من المكونات اللي في الدم
فتخيل انك من 18 سنة و لحد تقريبا 25 سنة لو اتبرعت كل 3 شهور ممكن تنقذ اد ايه؟
أحمد : .......................
واجما ينظر اليها متعجبا منها ومن كلامها ولكنه قال
هو انا ممكن اشترك فيها؟
أمل : طبعا وليه لأ انت ممكن تشترك في أي جمعية خيرية المهم انك تساعد
أحمد : خلاص انا هبقى اجي معاكي ونتبرع بالدم
أمل : كويس هو لسه احنا هنعمل تحليل عشان نشوف الدم صالح ولا لأ ؟وهيبقى قبل الامتحانات بيومين ولما ناخد النتيجة نبقى نتبرع
أحمد : ماشي انا معاكي
وظلا يتحدثا كثيرا وذهبا إلى المعهد ثم ذهبا كل إلى منزله
نورهان لاشين
ليست هناك تعليقات:
إرسال تعليق