الحلقة الثانية عشر
بعد المقال ونجاحه بين فئة معينة عانت زيها وتمرده على فئة أخرى
روحت أمل البيت وزي العادة وقفت في البلكونة
أحمد: مسااااااء الخير
أمل: مساء النور
أحمد:إيه التمرد دا ؟؟!
أمل"تمرد إيه هو عشان قولت رأيي والحقيقة يبقى تمرد ؟!!
أحمد:بس كل أم مهما كانت بتحب الأحسن لولادها
أمل:الأحسن من وجهة نظرها واللي ساعات مابيونش من وجهة نظر ولادها الأحسن
أحمد:سيبك ...الحاجة ووالدتك عاملت معاكي إيه ؟؟!!
أمل: هتعمل إيه يعني دي كانت قصة بحكيها هى عاشتها وعلقت عليها من زماااااان وانت سمعت التعليق من بيتكوا
أحمد:ههههههههههههههه فعلا دا كان يوم
أمل: سلام بقى راحة أكل
أحمد:وانا كمان
الصبح وأمل نازلة راحة الشغل لقت أحمد في وشها
أحمد:انتي تاني؟؟!!
أمل:إنت إيه حكايتك ؟!!شوية تبقى كويسورايق وأبقى أختك وصديقتك وشوية تقلب عليا
أحمد:أصل العربية باظت
أمل:وإيه الجديد ؟!! ماهى طول عمرها بتبوظ
أحمد:انتي راحةالشغل؟!!
أمل: إنت عايزني أوصلك ولا إييه!؟!؟
أحمد:اه هتوصليني
أمل: وفين من فضلك ؟!
أحمد:ودا وقته ؟!أناأتأخرت
أمل: هعديها المرة دي لكن اعمل حسابك المرة الجاية لا ممكن تنزل أبدا
أحمد:حنفي ....ههههههههههههه
أمل:ههههههههههههه
تشاركوا الضحكة والعربية ووصلوا للجراج الليتحت المبنين (جراج مشترك)
ونزل أحمد من العربية واتسمرقدامها
أمل لما شافته:مالك يا أحمد؟!
أحمد وهو بيشاور على بنت بتنول من عربيتها :مين دي ؟!
أمل: دي دعاء صاحبتي وزميلتي في المجلة
أحمد:هى مخطوبة؟؟!
أمل:من أولها كدا دا انت حتى ما اتكلمتش معاها
أحمد:ما الجواب باين نم عنوانه
أمل: تحب أعرفك عليها ؟!
أحمد:وماله؟؟!
دعاء قربت وهى بتبتسم :ازيك ييا أمل؟
أمل: الحمد لله ..أحب أعرفك دا أحمد..وأحمد دي دعاء
أحمد:أهلا وسهلا
دعاء:أهلا ..كان نفسي أشوف الأستاذ اللي بيكتب انا إيه اللي وداني كل أسبوع
والحقيقة كان عندي شوية تعليقات بس ما أعتقدش إن أمل سابت حاجة تتقال ..بس ساعات بتبقى صح
أحمد:أنا دايما صح
أمل: نعم؟!!
أحمد:عندك اعتراض؟؟!
أمل:ياريت تروح بقى على شغلك لو سمحت
أحمد:طيب خلاص ...اتشرفت بلقائك
دعاء:وأنا كمان
أحمد:بعد إذنكوا
بعد ما أحمد مشى
امل:إيه رأيك فيه؟!!
دعاء :ليه؟؟
أمل:عادي
دعاء:عادي شكله شاب كويس على الرغم من ان مقاله بيقول انه بيكره البنات بس مع ذلك بيعرف يتكلم كويس وشكلكوا اصحاب اوي
أمل: ياعم الدكتور النفساني ..احنا اصحاب واخواات من زمااااان
دعاء:مع إن دا ماكنش باين في الأول
أمل: الفترة دي كنا متخانقييين جامد بس احنا دايما كدا ناقر ونقير زي توم وجيري
دعاء:مش هنطلع ولا إيه ؟؟
امل:أه يلا
أحمد طلع وفكر في دعاء وافتكر انه سمع الاسم دا قبل كدا لما كانت أمل بتكلمها في البلكونة بعد ما اتخلصت من خطيبها
ودا فكره بحكاية ليه ..كتبها في مقاله
(أنا إيه اللي وداني )
شيرشون قال سلم قاربك للأمواج ولا تسلم قلبك للنساء فالبحر أقل غدرا من المرأة
عنده حق البنات فاكرين انهم ملايكة وانهم دايماصح وان احنا دايماغلط
أيا كانت المشكلة في علاقتهم بيكون الراجل هو اللي غلطان وهواللي عمل وهو اللي سوى
بس هى غلبانة ومقهورة ...وياعيني عليها
الحقيقة اللي يفكر بالطريقة دي هو اللي ياعيني عليه
صدق من قال المرأة أقوى ما تكون عندما تتسلح بضعفها
فعلا لأن الكل بيبقى معاها وبيصدقها
وحكايتي مع واحدة منهم اثبتتلي دا
زي كل مرة أقنعتني المرأة الوحيدة اللي كل مرة بتتكلم فيها بصدقها اننا نروح
بنت عسولة -على رأي البنات- لبقة ومرحة وأهلها ناس كويسين وكانت جميلة ومقنعة
مين عرييس هيقول لأ على هكذا عروسة ؟!!
وقرينا الفاتحة
وفي أول يوم خرجنا فيه مع بعض ماكونتش عارف أقولها إيه فسألتها من باب الفضول هى ليه سابت خطيبها اللي كان قبلي
وكنت مستني تقول ماحصلش نصيب
بس ماقالتش كدا
ماتفكرنيش دا كان بخيل وماكنش بيخرجني عشان مايصرفش عليا وكان رخم وبيدخل في كل حاجة في حياتي لابسة دا ليه ومش عارفة ايه؟!!
ولا أهله ...ولا امته بتدخل في كل حاجة وباباه راجل عبيط وبيضحك عليه بكلمتين
أنااتصدمت من طريقتها في الكلام عليهم وذكر مساوئهم
فحبيت أخلص الموضوع بس طلعلي موضوعتاني
جه من وراها يسلم عليها واحدة صاحبتها ...وحسييت انهم اصحابقوي من الابتسامات والكلام اللي بينقط عسل
وأول مامشت ..ماخلتش حاجة ماقالتهاش عليها دي كانت وكانت وكانت ظ..وعملت وعملت وعملت...
ماكونتش مصدق ..لما كملت كلامها تقريبا على كل اصحابها ..(غيبة ونميمة وأول مرة نخرج ؟!!؟!)
والحقيقة ماحبتش اتصدم تاني مرة تالتة على الغرم من اني قولت يمكن اللي بتقوله عليهم صح ويمكن ماتعرفش ان دي غيبة ونميمة
وأستئذنت لأني مشغول ولأني ماحبتش اتدصم أكتر من كدا
وبعدها بكام يوم كنت معزوم في فرح واحد صاحبي فأخدتها معايا
وعرفني واحد صاحبي على واحد صاحبه اللي أول ما شاف خطيبتي وهى واقفة بعييد
:خلى بالك انت ماتعرفش هى ممكن تقول عليك إيه أنا كنت خطيبها فترة وبعد ماسبتها قالت كلام كتير عنى وعن أهلى وكله مش صح ..فانا بس بأنصحك
وحبيت أتأكد يمكن هو بس حابب ينتقم منها فسألت صاحبي عنه وعن أهله
وعرفت انهم ناسكويسين جدا وعلى قد حالهم بس علمواأولادهم وبيشتغلوا أحسن شغل وعرفت انهم طلبوا اخت صاحبي وهما وافقوا وان مامته ست طيبة جدا وعسل وباباه راجل طيب بس دماغه توزن بلد
إذا مش بس غيبة ونميمة لأ وكمان كذب ؟؟!! كدا كتييييييييير
فسبتها وفسخت الخطوبة في أسرع وقت
الله اعلم لو كنا كملنا لفترة طويلة وحصلت حاجة خلتنا ننفصل كان ممكن تقول عليا وعلى أهلى الطيبين ايه؟؟
أنا إيييييييييييه اللي وداااااااااانييييي؟!!؟!
أحمد
وبعد فترة روح أحمد وبعد ما اتغدى وقف كالعادة في البلكون
أحمد:أزيك يا أمل؟!
أمل:الحمد لله
أحمد:قريتي المقال ؟؟!
أمل: وهي المجلة نزلت
أحمد:من عشر دقايق
أمل:هبقى اقراه ..كتبت عن إيه المرة دي ياسندباد البنات ؟!!
أحمد:كتبت عن غدر البنات واننا لازم نعمل زي ماتشرشون قال ( سلم قاربك للأمواج ولا تسلم قلبك للنساء فالبحر أقل غدرا من المرأة)
أمل: بس ....
نورهان لاشين
ليست هناك تعليقات:
إرسال تعليق