الحلقة الرابعة عشر
للي ما يعرفش أحمد فهو بيعرف ازاي يخطف قلب بنت من أول كلمة بالظبط زي داستان في آخر لقطة من فيلم prince of Persia
أمل شافت دا من بعيييد ...وشافت قدرة أحمد على جذب اهتمام وتفكير واحساس دعاء
وحست ..........
أمل
بفرح.....أخييرا أحمد استعمل ماتسميه موهبة عشان يقدريلفت انتباه دعاء
وحست احساس تاني ماقدرتش تعرفه ولا تحدده ....فمادتلوش أهمية ...وراحت اتغدت ورجعت كتبت مقالها وقدمته للمديرة
ولما روحت..ولما روح أحمد البيت ووقف في البلكونة
أمل: أزيك يا أمير؟!!
أحمد:أميير مين؟؟
أمل: داستان
أحمد:ههههههه إنت يشوفتيني ؟؟
أمل:كنت واقفة عند باب المجلة
أحمد:وسمعتيني إزاي بقى ؟!!
أمل: فهمت لوحدي وكمان رد فعلها كان باين ففهمت انت قولتلها إيه
أحمد:مش عارف يا أمل بس حسيت احساس غريب وحلو في نفس الوقت لما شوفتها أول مرة ولما قابلتها إنهارده
أمل:هو كان صدفة؟؟!
أحمد:أكذب لو قلت أه ...أنا استنتها لما تنزل من المجلة في وقت الغدا...ورحت عامل نفسي قابلتها صدفة وكلمتها
أمل: إيه التصرفات دي ؟؟!! دا انت شكلك ضايع خااالص ياحبة عيني
أحمد:بتتريقي حضرتك؟؟بكرة تحبي وتعرفي...
تحبي...الكلمة دي وقعت في نفس أمل بطريقة غريبة بطريقة وجعتها بس السبب كان مجهول
أمل:بتحب ..؟؟!!مرة واحدة كدا ؟!!
أحمد:أومال تسميه إيه؟ !!
أمل:مش عارفة ..يمكن إعجاب
أحمد:مش حب من أول نظرة؟؟!
أمل: مافيش حاجة اسمها حب من أول نظرة فيه إعجاب يابتحول لحب يا بيخلص
أحمد:وانتي إيه رأيك ؟؟!هو ممكن يخلص؟؟
أمل:دعاء بنت كويسة جدا وأمورة وبنت ناس كويسين جدا جدا ومثقفة ...وقوية ...
أحمد:يعني امشي في الموضوع ؟؟!!
أمل:سيري ببركة الله يانورماندي ...تو
أحمد:هههههههه.....بس لما قولت للواد عمرو اترق عليا وقالي انها مش هتوافق يعني انا واحد كل أسبوع بكتب مقال بقول فيه اني بكره البنات ودلوقتي بحب ..تيجي ازاي؟؟
أمل: وهو عمرو بيعرف حاجة ...وبعدين انت كمان قولتله قبل ماتقولي
أحمد:لأ ماكنش قصدي هو لما شافني نازل .راقبني ولما رجعت قررني على كل حاجة
أمل: سيبك منه انت كل اسبوع مش بتقول انك بتكره البنات ..أو بتقول بس مش بتكرههم أوي يعني ...انت بتحكي حكاية ومش معنى الحكاية دي انك مش هتتجوز ولا هتحب ...انت بس بترصد بعض التجارب
أحمد:برصد بعض التجارب؟!! بتجيبي الكلام دا منين؟؟!
أمل: مش عاجبك ولا إيه؟!!
أحمد: لأ ازاي عاجبني
أمل: انا ماشية بقى
أحمد:راحة فين؟؟؟
أمل: راحة أكل..
أحمد:بالهنا والشفا ...ابقى اعزمي بطبق ولا حاجة سمعت إن عندكوا محشي
أمل: ماهو نفس المحشي اللي عندكوا ....
أحمد:بخيلة
أمل: روح كل يلا
ودخلوا أواضهم وأحمد راح أكل أما أمل فوقفت لحظة قدام المرايا ..بس مش بتقولها يامرايتي يامرايتي مين أحلى مني؟؟
دي كانت بتقولها ...إيه الشعور دا اللي جوايا ..لما قال تحبي ..ولما شوفته معاها ..إيه اللي حصل يامرايتي ؟!!
بس خلينا نتفق إن المرايات مابتتكلمش ...فمافيش فايدة من الكلام معاها
سابتها وراحت أكلت
تاني يوم نزلت المجلة وكان فيه مقالها اللي قلب المواجع على بعض الناس اللي عاشوا نفس التجربة ...وفهمت ناس تانية إيه المفروض يعملوه
(مش عايزة أتجوز)
في بعض الأحيان لهفتنا على الحصول على شئ معين بتخلينا نقبل حاجة تشبه أو بنتخيل حاجات قدامنا على انها بتشبهه
وبعض الأمهات بتبقى متلهفة على إنها تشوف بنتها في الكوشة وتسترها زي مابقولوا
فساعات أول عريس هو اللي بتقبل بيه الأم
وأم صاحبتي قبلت بيه ..وكمان بنتها اللي دايما كانت بتسمع كلامها وافقت بمجردبس ما قالتلها دا كويس ومتدين وابن ناس ..
مع إنها المفروض كانت تقبل بيه لما تتأكد من دا الأول
أول طلباته أوأوامره إنها تلبس النقاب بعد ماتخلص امتحانات أخر سنة في الكلية على طوول...وتقعد في البيت وماتنزلش إلا بإذنه
دا بعد ماكتبوا الكتاب وبيجهزواللفرح
حركة زي دي مافرقتش معاها لأنها أصلا ماكنش في دماغها الشغل وشافت إن النقاب غيرة عليها أو تدين منه وفي كلتا الحالتين كانوا عاجبينها او عاجبين الناس اللي دايما بنعملحسابهم في حاجات ملهمش دخل بيها زي الجواز
دلوقتي بنتجوز اللي يعجب الناس عشان مايتكلموش ..مع العلم انهم هيتكلموا هيتكلموا ..وهما أول ناس هيلوموا اللي هيختار غلط ...وأول ناس مش هتحس بألم الاختيار الغلط دا
المهم اتجوزوا ...وبعد فترة مش كبيرة سابها ونزل الشغل واللي أخد كل وقته
ينزل من الظهر ويرجع العصر ياكل وينام وينزل المغربومايرجعش إلا الفجر وينام للظهر ...وهكذا هى دي حياتها تطبخله وتغسله وتكويله وتفضل قاعدة في البيت ممنوع حتى انها تبص من شباك أوتفتح بلكونة
كانت خدامة أوكرسي جديد للسفرة ...بس مش داأبدا جواز ولاهكذا تعامل الزوجة ولاهكذا يكون الزوج المتدين الذي يعرف دينه
وبعد مجابوا 3 أولاد كان بيجري ورا مرات صاحبه اللي واكل شارب معاه وفض وراها لحد ماطلقها من جوزها واتجوزها وكان معاها بنتين
وعملت إيه الغلبانة؟!! سكتت وكتمت في نفسها عشان عيالها وعشان لسه تفكيرها المتخلف اللي وداها لزوج زي دا موجود وقالها إن الطلاق عيييييييييب
مع إن ربنا حلله
بس انا لوكنت مكانها ...ماكونتش هستنى انه يتجوز عليا ..ماكونتش هستنى انه يمنعني بتفكيره لوحده ومن غير مناقشتي بجدية من الشغل وانه يمنعني من النزول وفتح البلكونة
كنت هأقف قدامه من أول يوم وقدام تظاهره بالتدين..أول لما أعرف انه فعلا تددينه مظاهروتحكمه في حياتي من غير مشاروتي وأخد رأيي
كنت هأقول لأ ..هأقول لأ ليه ولتظاهره هأقول لأ للناس ولكلامهم هأقول لأ للمجتمع المتخلف وتقاليده والحاجة الوحيدة اللي كنت هاقولها أه هو عقلي وقلبي اللي استخار ربي ..وكنت هأقول لأ لأمي بس لأ لينة رفيقة مش زي ال(لأ)الأولى
لأني مش زي ماناس كتيير بتقول..
انا لا أريد رجلا يخشاني ..أنا فقط أريد رجلا يخشى الله
أو بمعنى آخر أنا لا أريد رجلا يقول أنه يخشى الله ..أنا أريد رجلا يخشاه فعلا
فطول مافيه أشخاص بتدعي التدين والخشية من الله فأنا مش عايزة أتجوز
أمل
نورهان لاشين
ليست هناك تعليقات:
إرسال تعليق