الحلقة السادسة عشر
وجلس احمد بجانبها لاول مرة وجعل وجهه في وجهها
أحمد : أنا عايز اقولك حاجة مهمة
أمل: تفضل
أحمد : العينات بتاعت الدم ما ضاعتش ولا حاجة بس كان لازم نعمل تحليل تاني عشان أتأكد
أمل: تتأكد من ايه؟
أحمد : أمل ...................أنا عندي لوكيميا
نزلت تلك الكلمة على أمل كوقع الصاعقة ولكنه قاطع صمتها الناتج عن خوفها
أحمدوبكل حزن : أنا خايف
أمل وهى لم تستوعب ما قاله بعد:
انت بتتكلم بجد ؟!
أحمد : أيوة
أمل : شوف يا أحمد ..........................
شوف يا أحمد انت انسان وربنا اكرمك بحاجات كتير بصرك وسمعك وعقلك وكل حاجة في حياتك دي نعمة من الله عز وجل
شوف اول حاجة انت قد ايه كبير والفيرس ده صغير جدا يبقى مين الاقوى؟
أحمد : انا طبعا
أمل : طب انت عندك عقل شوف وصلك لحد فين وهو لأ يبقى مين الأقوى؟
أحمد : .................
أمل : ما تجاوبني
أحمد : أنا طبعا
أمل :شوفت يبقى انت اقوى مرتين .............بس الحاجة الثالتة والمهمة انك اقوى بكتييييييييييييييييييييييي
يبقى لازم تحط في بالك إن ربنا هو الشافي وهو معاك طول ما انت معاه
وتاني حاجة لازم تتابع مع دكتورك وتاخد دواك وتالت حاجة لازم يكون في حد جنبك يساعدك ويقويك معنويا
انت فاكر اعلان سرطان الاطفال بتاع زمان لما كان الطفل بيضحك السرطان بيخاف ويقل
أحمد : ايوه كان حلو
أمل : يبقى لازم يكون في حد معاك
أحمد : امل انتي مقتنعة بالكلام ده ؟ أنا خايف أموت
أمل : أولا أيوة مقتنعة جدا
وثانيا ماينفعش تخاف من الموت إلا إذا كنت عاصي لربنا وخايف يحاسبك بس ربنا اداك الفرصة تراجع نفسك وتعدها لملاقاته عز وجل
وانت بقيت كويس وبتصلي وبتقرا قرآن صح؟!
أحمد : أيوة بس الموت صعب
أمل : لا مش صعب احنا بنقول الموت صعب وبنقصد موت الناس اللي بنحبهم مش موتنا
واحنا بنشوف انه صعب يس هو مش صعب الفراق هو اللي صعب فراق الشخص وفراق ذكرياته وفراق السعادة اللي بتشعر بيها في وجوده
أحمد : عشان كده انا خايف
أمل : عشان هتفارق الناس اللي بتحبهم ؟! انت اصلا مش هتحس بده لأنك هتبقى مشغول كلنا لما نموت ده هيحصل معانا
أحمد : بس لما بنبقى عايشين بنحس بألم الفراق
أمل : أحمد ..........انت ملخبطني بصراحة انا مش فاهماك هو حد من عيلتك مات
أحمد : عيلتي كلها ممكن افقدها في اي لحظة
أمل : طب ما ده العادي كلنا هنفقد ناس وناس هيفقدونا
و غمت عيناه من الدموع ولم يعد يراها عندما هم بقول :
أنتي عيلتي
وناولها نتيجة التحليل
أمل : أحمد بجد مش فاهمة وايه ده انا مش بعرف اقراه
أحمد : ده التحليل اللي الدكتور قالي انه مصاب باللوكيميا
واخذت منه التحليل ونظرت لترى
اسمها اعلاه
وللمرة الثانية صعقت من هذا الخبر
احمد : انتي قولتي انك مقتنعة بكلامك صح ؟
أمل :.........................
أحمد : ها قولي
أمل :صح
وكان كلامها مخنوق بدموع حبستها في عينيها
أحمد : يبقى خلاص ما تخافيش واطمني .............
انا في واحدة ما تعرفيهاش قالتلي اني اقوى من الفيرس تلات مرات
لاني اكبر ولاني عندي عقل ولان ربنا معايا طول ما انا معاه
كانت دموعها تنسال على خدها بالطبع فهو خبر صعب جدا
أحمد : ها انتي عارفاها ؟
أمل بصوت مخنوق : لأ
أحمد :(أنتي عارفة انك تاني أجمل بنت في العالم ؟!)
أمل: (ايه ؟ ومين الاولى ؟)
أحمد : (انتي لما بتضحكي )
وعندها انقلبت أمل لتكون أجمل بنت في العالم بابتسامتها التي تبللها الدموع
أحمد : شوفتي انك دلوقتي احسن بنت في العالم
أمل: وانت بقى شوفت كل بنات العالم عشان تعرف مين أحلاهم؟
أحمد : انتي بكل بنات العالم
وخجلت من كلامه واحمرت وجنتاها
أحمد : أول مرة أشوف بنت بتتكسف وخدودها تحمر
أمل : بتتكسف ايه ؟ انت اصلا مين سمحلك تقولي حاجة زي كده ؟
أحمد : أنا
أمل وقد تصنعت الجدية : طب يلا بقى التدريب هيبدأ
أحمد : أيوة فعلا احنا لازم نخلصه عشان رايحين مشوار
أمل : مشوار ايه؟
أحمد :.........................
نعرف المرة الجاية هيوديها فين
نورهان لاشين
ليست هناك تعليقات:
إرسال تعليق